Joel 2:10 - MUMA MALER 2015

¹⁰ Piny yiengni e nyimgi, to polo bende tetni. Wang’ chieng’ gi due oimore, sulue bende ok rieny.

Motingʼo Loko Manyien

¹⁰ Piny tetni e nyimgi, polo bende yiengni, chiengʼ gi dwe lokore mudho, to sulwe bende ok rieny.

Joel 2:10 Iomraidhean Croise

Zaburi 114:7

In piny, yiengni, ka Ruoth Nyasaye biro! Ee, tetni e nyim Nyasach Jakobo,

Zaburi 18:7

Piny notetni kendo oyiengni. Mise mag gode bende notetni kendo okirni nikech mirimb Nyasaye.

Isaya 13:10

Sulue mag polo ok norieny, kendo wang’chieng’ nolokre mudho ka wuok. Due bende ok norieny.

Isaya 34:4

E ndalono gik moko duto manie polo malo noleny, mi lal nono. Polo bende nodol mana ka kalatas, kendo sulue nolwar piny mana ka oboke moner, kata ka olemo mochiek.

Isaya 5:30

Ginikog kuom jo-Israel chieng’no, mana ka nam matwaro, kendo ka ng’ato orango piny to mudho gi chandruok ema none, bende wang’chieng’ noimre e boche polo.

Jeremia 4:23

Bang’e narango piny, maneno ni onge gi kido. Polo bende ne onge gima rienyie.

Joel 2:2

Enobed chieng’ mudho machil, chieng’ mudho mandiwa kendo motimo rumbi. Rumbi maduong’ mar bonyo imo gode, kendo obiro mang’eny mana ka oganda jolweny marateke. Gima chal kodgi pok obetie, bende ok nobedie.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:4

“Un jo-Turo gi jo-Sidon kod jo-Filistia duto, ang’o mutimonani? Udwaro chulona kuor koso? Ka kamano, to kuor mudwaro chulono abiro dwoko e wiu uwegi ka diemo wang’.

Amos 5:8

Ruoth Nyasaye ema nochueyo Yugni gi Ratego, kendo en ema omiyo piny ru kendo yuso. Oluongo pi nam mondo obi, kendo oologi e piny.

Nahum 1:5

Gode madongo gi matindo tetni e nyime, kendo leny nono. Piny duto kod joma odakie bende tungni.

Mathayo 24:29

“To gikanyono, ma masiche mag ndalogo orumoe, ‘Wang’chieng’ noimre, kendo due ok norieny. Sulue bende nopudhre, mi lwar koa e polo, nikech teko momakogi noyiengni.’

Mathayo 27:51

Gikanyono nanga mane ogeng’o Kama Ler mar Hekalu noriedore diere ariyo, chakre malo nyaka piny. Piny noyiengni, kendo lwendni nobarore.

Tich Joote 2:20

Wang’chieng nolokre mudho, to due nolokre makwar ka remo, kapok chieng’ Ruoth ochopo. En chieng’ maduong’ miwuoro!

Fweny 20:11

Eka ne aneno kom duong’ mang’ongo marachar kod jal mobetie. Piny gi polo noringo oa e nyime mi olal nono.

Fweny 6:12

Eka ne ang’icho, kendo kane Nyarombo oketho kido mar auchiel, to piny noyiengni matek. Wang’chieng’ nolokore marateng’ ti, kendo due nolokore makwar ka remo.

Fweny 8:12

Bang’e malaika mar ang’wen nogoyo tung’ne, mi achiel kuom adek mar wang’chieng’, gi achiel kuom adek mar due kod achiel kuom adek mar odiechieng’ kod otieno, notimo mudho.

Fweny 9:2

Ne oyawo burno, mi iro owuoke machalo gi ich mach maduong’, mi wang’chieng gi kor polo otimo mudho nikech iro mane owuok e burno.