Joel 2:1 - MUMA MALER 2015

¹ Gouru tung’ kendo gouru uwi e Sayun got maler mar Nyasaye. Jo-Juda duto mondo okirni, nikech chieng’ Ruoth Nyasaye biro machiegni.

Motingʼo Loko Manyien

¹ Gouru tungʼ e Sayun; kendo gouru milome e goda maler. Ji duto modak e piny mondo otetni, nikech odiechiengʼ mar Jehova Nyasaye biro. Osesudo machiegni.

Joel 2:1 Iomraidhean Croise

1 Weche mag Ndalo 15:28

Kamano jo-Israel nokelo Sandug Muma mar Ruoth Nyasaye ka gigoyo sigalagala gi tung’ gi oporo gi ongeng’o gi nyigwerni kod thumbe.

Zaburi 119:120

Luoro ma aluorigo miyo denda tetni. Buche ming’ado bende miyo kihondko maka.

Zaburi 87:1

Nyasaye nogero dalane e gode maler.

Wuok 10:14

Bonyogo nopie e piny Misri mang’eny ma nyaka nene pok one bende ok none nyaka chieng’.

Isaya 13:6

Gouru uwi, un jo-Babulon, nimar chieng’ ma Ruoth Nyasaye Manyalo Gik Moko Duto oseketonu koro ochopo machiegni! En odiechieng’ ma abiro keloe masira maduong’ e piny.

Isaya 13:9

Adier, chieng’ ma Ruoth Nyasaye oseketo biro. En odiechieng’ mirima gi ichwang’ mager, ma obiro kethoe piny, mi lokre thim, kendo otiekie joricho duto.

Isaya 2:12

Adier, Ruoth Nyasaye Manyalo Gik Moko Duto oseketo chieng, ma noyalie josunga ma kawore, mi oruch e buru.

Isaya 66:2

Gigi duto an ema achueyo, kendo an e wuon-gi. An Ruoth Nyasaye ema awacho kamano. Ng’at ma abiro konyo en ng’at mamuol, ma chunye otur, kendo ma tetni kowinjo wachna.

Isaya 66:5

Winjuru wach Ruoth Nyasaye, un mutetni kowuoyo. Owacho kama: “Joweteu mosin kodu, kendo modagu nikech uhero nyinga, wacho niya, ‘Ruoth Nyasaye mondo onyis duong’ne maler, mondo waneye ane mor ma un go!’ To kata kamano gin ema ginine wichkuot.”

Jeremia 16:10

“Ka inyisogi wechegi, to gibiro penji gima omiyo asechano mondo akumgi malit kamano. Bende gibiro penji gima giseketho, kata richo ma gisetimo e nyim Ruoth Nyasaye ma Nyasachgi.

Jeremia 16:7

Ka ng’ato ng’ate otho, to onge ng’ama nobi ochiem kode kata ometh kode mondo oduog chunye, bed ni wuon kata min ema otho.

Jeremia 4:5

“Gouru tung’, e piny duto, kendo koguru matek, kunyiso jo-Juda gi jo-Jerusalem mondo oring odhi e mier mochiel motegno.

Jeremia 5:22

An Ruoth Nyasaye apenjo kama: Ere gimomiyo ok unyal luora? Koso ang’o momiyo ok unyal kirni e nyima? Nene aketo kuoyo manie dhonam mondo ogeng’ nam, kendo obed tong’ mosiko ma pi ok nyal kadho. Apaka mag nam nyalo gingore, kendo wuo matek, to ok nyal kadho, kata mwomo.

Ezekiel 12:23

To nyisgi ni an Ruoth Nyasaye awacho kama: Abiro tieko ngerono chuth, mi ok nochak ogoye e Israel kendo. Bende nyisgi ni kinde osechopo ma gik moko duto mane okor biro timore adier!

Ezekiel 21:12

Yaye, wuod dhano, ywagi kendo chur, nimar liganglano biro nego joga Israel, kaachiel gi jotendgi duto. Kuom mano, tang’ lweti, ka chunyi lit,

Ezekiel 30:3

nikech chieng’ masira chiegni! Adier, chieng’ Ruoth Nyasaye chiegni! Enobed odiechieng’ ma piny dudoe, kendo ma ogendini yudoe chandruok.

Ezekiel 33:3

Ka ng’ato oneno wasigu ka biro, mi ogoyo koko mondo ji otang’,

Ezekiel 33:6

“To ka jarito oneno wasigu ka biro, to ok ogoyo koko mondo ji otang’, mi wasigu obiro, monego ng’ato, to ng’atno notho kapod en jaricho, to anakwan jaritono ka e ng’at ma onego ng’atno.

Ezekiel 7:10

“Odiechieng’ masiche osechopo! Sunga gi timbe ma ok ni kare osemedore.

Ezekiel 7:12

Kindeno biro! Adier, ndalono sudo machiegni! Jong’iewo gi joloko ok onego obed mamor, bende ok onego giywagre, nikech mirimb Nyasaye ni kuomgi giduto.

Daniel 6:26

Asegolo chik e pinje duto manie bwo lochna ni ng’ato ka ng’ato nyaka luor Nyasach Daniel kendo miye duong’. En e Nyasaye Mangima, mosiko nyaka chieng’. Lochne gi tekone ok norum.

Daniel 9:16

A Ruoth Nyasaye in ng’at makare, omiyo koro we kecho gi Jerusalem, nikech en dalani kendo en godi maler. Jopinje mokiewo kodwa duto jaro Jerusalem, kendo gijaro jogi mana nikech kethowa kaachiel gi timbewa manono mane kwerewa otimo.

Daniel 9:20

Ne adhi nyime gi lemo ka ahulo richona kod richo mag jowa, kendo ne aywak ni Ruoth Nyasacha mondo oguedh gode maler.

Hosea 5:8

Gouru tung’ mar lweny e dala Gibea. Rama bende timieuru kamano. Giuru sigich lweny e dala mar Bethel, kuwacho niya, “Wan bang’u, jo-Benjamin!”

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Joel 1:15

Chieng’ Ruoth Nyasaye chiegni, chieng’ ma Ng’ama Nyalo Gik Moko Duto keloe masira malich. Chieng’no nobed marach manade!

Joel 2:11

Ruoth Nyasaye ruto e nyim ogandane mar lwenyno. Joge mag lweny ng’eny, kendo rateke. Ndalo Ruoth Nyasaye lich manade! Ere ng’ama nyalo siro chieng’no?

Joel 2:15

Gouru tung’ e got Sayun, gouru milome mondo ji ori kech, kendo luonguru chokruok mar lemo.

Joel 2:31

wang’chieng’ nolokre mudho, kendo due nolokre makwar ka remo, ka pok chieng’ maduong’ miwuoro mar Ruoth Nyasaye ochopo.

Joel 3:14

Ji gana gi gana nie holo mar ng’ado bura. Kanyo ema chieng’ Ruoth Nyasaye chiegni chopoe.

Joel 3:17

“Bang’e un jo-Israel unung’e ni an, Ruoth Nyasaye ma Nyasachu, adak Sayun, goda maler, kendo jopinje mamoko ok nonyone kendo.

Amos 3:6

“Bende tung’ mar lweny nyalo ywak e dala mak omiyo ji luoro? Koso gimoro nyalo timore e dala ka ok Ruoth Nyasaye ema okelo?

Amos 5:18

Un joma ofuwo ma dwaro mondo chieng’ Ruoth Nyasaye obi, uparo ni chieng’no nokelnu ang’o? Ok nobed chieng’ ler, to nobed mana chieng’ mudho!

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Obadia 1:15

“Chieng’ ma an Ruoth Nyasaye abiro ng’adoe bura ni ogendini chiegni. Yaye, jo-Edom! Gik ma usetimo ema notimnu, kendo timbeu maricho nodong’ mana e wiu uwegi.

Zefania 1:14

Odiechieng’ mang’ongo mar Ruoth Nyasaye chiegni. En odiechieng’ marach, kendo obiro koringo piyopiyo, moloyo jalweny ma jang’wech.

Zefania 1:16

kendo sigich lweny winjoree e mier mochiel motegno, kendo kuonde moger maboyo mag ng’icho.

Zefania 1:7

Ling’uru thi e nyim Ruoth Nyasaye, nimar odiechienge chiegni. Ruoth Nyasaye oseloso misango, kendo osepwodho wende.

Zefania 3:11

Chieng’no, in Jerusalem ok niyud wichkuot kuom timbeni mamono mane ipiemgo koda, nimar e kindeno anagol jogi ma josunga kendo ma jong’ayi, mi ok nichak isungri kendo e goda maler.

Zekaria 14:1

Winjuru! Odiechieng’ Ruoth Nyasaye sudo machiegni, ma mwandu Jerusalem noyakie, mi pog mana e wang’u kuneno.

Zekaria 8:3

Koro an Ruoth Nyasaye awacho ni aseduogo Sayun kendo abiro dak Jerusalem. Jerusalem ibiro luongo ni, ‘Dala ma Adiera Nitie’, kendo god Ruoth Nyasaye Manyalo Gik Moko Duto noluong ni, ‘Got Maler’.

Malaki 4:1

Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

Kwan 10:2

“Thedh tunge ariyo mag fedha mondo igo kiluongo jo-Israel, kendo kigoyogo milome mondo kambi odar.

Kwan 10:3

Ka ogo tunge ariyogo duto, to ji duto nobi iri e dho Hemb Romo.

1 Jo-Korintho 14:8

Kata kapo ni tung’ mar lweny ok oywak maliw, to ere ng’ama diikre ni lweny?

Jo-Filipi 2:12

Kuom mano, osiepena, kaka ne uwinjo wachna kane an kodu, koro ka an mabor kodu, to ber mondo uwinj wachna moloyo. Tiuru gi luoro kod kibaji, mondo umi warruok ochop kare,

1 Jo-Thesalonika 5:2

nikech ung’eyo maber ni Chieng’ Ruoth nobi mana kaka jakuo biro gotieno,

Jakobo 5:8

Un bende nyaka uhoru mos, kendo uchiw chunyu, nikech biro mar Ruoth chiegni.

1 Petro 4:7

Giko mar gik moko duto chiegni. Emomiyo, beduru mariek, kuritoru mondo uikru ni lemo.

Fweny 6:17

nikech chieng’ maduong’ mar mirimbgi mager osechopo! To ere ng’ama disir mirima ma kamano?”