Joel 1:9 - MUMA MALER 2015

⁹ Onge mogo kata gima imadho ma inyalo chiwo e Hekalu mar Ruoth Nyasaye mondo otimgo misango mar cham kata misango miolo piny. Mano emomiyo jodolo matimo misengni ni Ruoth Nyasaye ywak.

Motingʼo Loko Manyien

⁹ Chiwo mag cham kod misango miolo piny orumo e od Jehova Nyasaye. Jodolo ywak joma tiyo e nyim Jehova Nyasaye ywak.

Joel 1:9 Iomraidhean Croise

2 Weche mag Ndalo 13:10

Wan to Ruoth Nyasaye e Nyasachwa, kendo ok waseweye. Wan gi jodolo ma nyikwa Harun kod jo-Lawi ma konyogi.

Wuok 28:1

“In iwuon nyaka iluong Harun owadu gi yawuote, ma Nadab gi Abihu gi Eleazar kod Ithamar, kuom jo-Israel mondo iket obed jodolona.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Ywagruok 1:16

Mano emomiyo aywak ka pi wang’a ridore e lemba, nimar ng’at ma dikue chunya mi konya, ni kuma bor. Yawuota odhier nono, nikech wasika oselocho.”

Ywagruok 1:4

Yore madhi Sayun ywagore, nimar onge ng’ama luwogi, kadhi timo sawo kuno, kendo dhorangeye odong’ nono maonge ji. Jodolo mage omo chunygi malit, kendo nyige isando marach. Mano kaka en gi thagruok malich!

Hosea 9:4

E pinjego ok ginyal oloe ni Ruoth Nyasaye misengni mag divai kata timone misengni mamoko. Chiemono biro miyo joma chame bed mogak mana ka joma ochamo chiemb liel, nikech ok ginyal kele e Hekalu, to gichame mana ni mondo gineggo kech.

Joel 1:13

Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Joel 1:16

Cham kethore mana kwaneno; mor onge e Od Nyasachwa;

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”