Joel 1:13 - MUMA MALER 2015

¹³ Un jodolo matimo misengni e kendo-mar-misango rwakuru pien gugru mondo uywagi! Ee, un jotich Nyasachwa, donjuru e Hekalu kendo ninduru kanyo e piende gugru otieno duto, nikech onge mogo kata divai e od Nyasachu ma unyalo timogo misango mar cham kata misango miolo piny.

Motingʼo Loko Manyien

¹³ Yaye un jodolo, rwakreuru gi pien gugru kuywak; denguru kendo gouru nduru, un joma tiyo e nyim kendo mar misango. Biuru, mondo uywagru otieno duto, un joma tiyo e nyim kendo mar misango, nikech cham mag misango kod misengini miolo piny, onge e od Nyasachwa.

Joel 1:13 Iomraidhean Croise

2 Samuel 12:16

Daudi nosayo Nyasaye mondo kik nyathi tho, koriyo kech, kendo konindo piny e lowo otieno duto.

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

Isaya 22:12

Chieng’no Ruoth Nyasaye Manyalo Gik Moko Duto noluongu mondo uywagi kendo udengi, kendo mondo uliel wiu kendo urwak piende gugru.

Isaya 61:6

To un, noluongu ni, ‘Jodolo mag Ruoth Nyasaye’, kendo ni, ‘Jotich Nyasachwa’. Unucham mwandu mag ogendini mamoko, bende unukaw gigi mabeyo, mi ukonyrugo.

Jeremia 4:8

Kuom mano, rwakreuru gi piende gugru, kendo uywagi ka ugoyo nduru, nikech mirima mager ma Ruoth Nyasaye nigo gi jo-Juda pok orumo.”

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Ezekiel 21:12

Yaye, wuod dhano, ywagi kendo chur, nimar liganglano biro nego joga Israel, kaachiel gi jotendgi duto. Kuom mano, tang’ lweti, ka chunyi lit,

Ezekiel 27:31

Giselielo wigi ka giywagi, kendo girwako piende gugru. Giywak matek, ka chunygi lit ahinya.

Ezekiel 7:18

Ginirwak piende gugru, kendo kibaji nogogi marach. Wigi noliel, mi giduto giyud wichkuot.

Hosea 9:5

To ginitim ang’o ka ndalo moket ni sewni mag Ruoth Nyasaye ochopo?

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Joel 2:17

Jodolo ma tiyo ni Ruoth Nyasaye ei Hekalu, nyaka ywagi, kochung’ e kind dhorangach gi kendo-mar-misango. Giywak kama: “A Ruoth Nyasaye, kech jogi ma mwanduni, kik iwe ogendini mamoko jarwa mi nyierwa, ka giwacho niya, ‘Nyasachu ni kanye?’ ”

Kwan 28:14

Misango miolo piny mitimo gi nyarwath ka nyarwath nobed divai moromo lita ang’wen, to michiwo gi im nobed lita ariyo, kendo michiwo gi nyaim ka nyaim, lita achiel. Mano en misango miwang’o pep ma nyaka tim due ka due e higa ngima.

Kwan 28:4

Nyaim achiel unutimgo misango gokinyi, to machielo unutimgo misango godhiambo mar ang’ich welo.

Kwan 28:7

To misango miolo piny mitimego nobed divai moromo lita ariyo kuom im ka im. Nyaka uol divai makechno ei Kama Ler ka misango ni Ruoth Nyasaye.

Kwan 29:6

Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

1 Jo-Korintho 4:1

Nyaka ukwanwa ka jotich Kristo, ma osemi tich rito weche mopondo mag Nyasaye.

1 Jo-Korintho 9:13

Donge ung’eyo ni joma tiyo tich Hekalu chamo gik mochiw e Hekalu, kendo ni joma tiyo e kendo-mar-misango bende nwang’o pokgi kuom gik motimgo misango?

2 Jo-Korintho 11:23

Koso donge gipakore ni gin jotich Kristo? An to an jatich Kristo moloyo gi. (Ka awacho kamano, to awuoyo ka janeko!) Asetiyo tich matek, kendo asebedo e od tuech, bende osechwada, kendo aseneno masiche mag tho moloyo chandruok moro amora ma gin giseneno.

2 Jo-Korintho 3:6

kendo en ema ne otimowa jotich Winjruok Manyien. Ok en Winjruok mar chik mondiki, to en mar Roho. Chik mondiki kelo tho, Roho to kelo ngima.

2 Jo-Korintho 6:4

To wanyiso ni wan jotich Nyasaye, e weche duto, kwatimo kinda ahinya e sand, e chandruok, e masira,

Fweny 11:3

To abiro miyo jonenona ariyo teko. Ginirwakre gi gunia, kendo ginihul wach moa kuom Nyasaye kuom ndalo alufu achiel gi mia ariyo kod piero auchiel.”