Joel 1:12 - MUMA MALER 2015

¹² Yien duto osetwo. Adier, komamanga gi othidhe kod yiend olemo mamoko, osetwo, kendo mor mar ji bende oserumo.

Motingʼo Loko Manyien

¹² Mzabibu osetwo kendo ngʼowu osener, olemo mongʼinore, gi othidhe kod mapera kaachiel gi yiende duto mag puodho osetwo. Adier mor mar dhano bende oserumo.

Joel 1:12 Iomraidhean Croise

Zaburi 4:7

Mor ma imiya duong’ moloyo ma joma nigi cham kod divai mang’eny nigo.

Zaburi 92:12

Joma kare nokar ka yiend othith. Ginidongi mana ka yiend sida man Lebanon.

Wer Mamit 2:3

“To in bende jaherana, iber e kind yawuowi weteu, mana kaka yadh olemo ber e kind yien mamoko duto. Ahero bet e tiponi ka achamo olembi mamit.

Wer Mamit 4:13

Gik moko dongo maber e puodhono. Ee, gidongo mana ka olemo mabeyoe moloyo.

Isaya 16:10

Mor kod ilo norum chuth e puotheu mabeyo, kendo onge wer ma nower e puotheu mag olembe, bende onge ng’ama nogo koko gi mor. Ok unuchak ubi mzabibu kuonde bicho, kendo mahu mag mor mugoyo e ndalo keyo biro rumo.

Isaya 24:11

Ji noywagre e wang’yore nikech divai nobed maonge. Tuke duto bende norum, kendo mor nobed maonge e piny.

Isaya 24:7

Yiend mzabibu noner, mi divai mobi manyien nobed matin. Joma mor bende chunygi nobed malit.

Isaya 9:3

Yaye Nyasaye, inimi oganda Israel nya, kendo inimi gimed bedo mamor. Ginibed mamor e nyimi kaka ji mor e ndalo keyo, kendo mana kaka ji mor ka pogo gik moyaki.

Jeremia 48:3

Jo-Horanaim goyo koko ka wacho niya, ‘Masira! Warumo!’

Jeremia 48:33

Mor gi ilo osegol e piny Moab momewni. Divai tinde ok mol kuonde bicho, kendo onge joma odong’ ma dikog gi mor ka loso divai.

Joel 1:10

Puothe ni nono, kendo piny ywak, nimar cham okethore, kendo yiend mzabibu gi yiend zeituni otwo.

Joel 1:16

Cham kethore mana kwaneno; mor onge e Od Nyasachwa;

Jona 4:7

To kinyne kane piny oru, Nyasaye nomiyo kudni ochwowo otangleno, mi otangle otwo.

Hagai 2:19

Adier, chakre kawuono paruru matut mondo une ane ka pod cham dibed matin, kata kapod mzabibu gi komamanga kod zeituni ok dinyag olemo. Ooyo, ok nobed kamano, nikech chakre kawuono abiro guedhou.”

Malaki 3:11

Ok nawe kute keth chambu, kendo yiendu mag mzabibu nonyag olembe mang’eny.

Kwan 13:23

Bang’e ne gichopo e holo mar Eshkol, (tiende ni, saga mar mzabibu,) mi ging’ado bad mzabibu monyago saga achiel, kendo ji ariyo noting’e koliero e luth. Bende ne gipono olemb komamanga, kod ng’owo.