Jeremia 9:5 - MUMA MALER 2015

⁵ Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Motingʼo Loko Manyien

⁵ Osiep wuondo osiep, kendo onge ngʼama wacho adiera. Gisepuonjo lewgi wacho miriambo; kendo gisedonjo matut e richo ma ok ginyal wuokie.

Jeremia 9:5 Iomraidhean Croise

Chakruok 19:11

Eka ne gimiyo wang’ jogo duto mane ni oko odinore, mane ok ginyal yudo dhoot.

Ayub 11:3

In Ayub, iparo ni wecheni mang’enygo nyalo miyo ng’ato ling’? Kata kiwacho weche mag ajara, to ok dikweri koso?

Ayub 15:5

Iwuoyo kamano nikech ing’eyo ni in jaricho, kendo idwaro mana wuondowa gi weche mamit.

Zaburi 140:3

Gipiago lewgi mabith mana ka lak thuol. Adier, wechegi chalo gi kwich thuond rai.

Zaburi 50:19

Pile iikori mar wacho weche maricho, bende ok iluoro wacho miriambo.

Zaburi 52:3

Ihero timbe maricho moloyo mabeyo kendo miriambo berni moloyo adiera.

Zaburi 64:3

Gipiago lewgi mana ka ligangla, kendo gichielo weche mager mana ka asere.

Zaburi 7:14

Neye kaka muoch mar richo kayo joricho! Oyach mana gi timbe mamono, kendo miriasia ema onywolo.

Ngeche 12:5

Joma kare pile timo ni jowadgi maber. Joricho to wuondo jowadgi awuonda.

Ngeche 4:16

Joma timbegi mono ok nyal nindo kapok otimo gimoro marach. Adier, nindo ok tergi kapok gihinyo ng’ato!

Isaya 5:18

Yaye, unune malit, un joma ywayo chandruok irgi ka joma ywayo rombo kata gari gi tol.

Isaya 57:10

Kata obedo ni ne iol gi wuoth mabor kamano, to ne ok iwacho niya, “Gima atimoni onge gi tiende.” Ne ineno ka tekoni oduogo, mi ok inyisori.

Jeremia 12:13

Joga pidho ngano, to kuthe ema gikayo. Gisetiyo matek, to ok giyud gimoro. Pinygi otho nikech mirimba mager.”

Jeremia 12:6

Koda ka omineni hie osendhogi, kendo giseriwore gi jomoko ma monji. Kik igen-gi, kata obedo ni giwachoni weche mabeyo kamano.”

Jeremia 13:23

Bende ja-Nubi nyalo loko kit dende? Koso kwach dilok kite marabok dok kido moro nono? Kapo ni gigo nyalo timore, to kara un bende mutimo gik maricho unyalo timo gik mabeyo!

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 51:58

Ohinga mapek mar Babulon ibiro ruomb piny, kendo dhorangeyene maboyo nowang’ pep. Tich maduong’ mane ogendini tiyo koro nobed gima nono, nikech tichgi duto koro osewang’ morumo pep. An Ruoth Nyasaye Manyalo Gik Moko Duto ema awacho kamano.”

Jeremia 51:64

Bang’ mano iwach niya, ‘Mano e gima biro timore ni Babulon. Kaka kidini onyumore e pi, e kaka Babulon bende nonyumre e masira ma Ruoth Nyasaye biro kelo kuome, mi ok nochak owuog kendo.’ ” Mano e giko weche Jeremia.

Jeremia 7:28

Eka bang’e ininyisgi niya, ‘Ogandani odagi winjo wach Ruoth Nyasaye ma Nyasachgi, kendo ok giyie mondo opuonjgi. Ok ginyal wacho adiera, nikech adiera oselalnigi.’

Jeremia 9:3

Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Jeremia 9:8

Lewni chalo gi asere man gi kwiri mager, kendo dhogi wacho weche mag miriambo. Ng’ato ka ng’ato wuoyo mang’won gi wadgi, to kara e chunye kucha to ochikone mana obadho!

Ezekiel 24:12

Nimar kata da ichwake machal nade, to nyal mopoto kuome ok nyal rumo.

Mika 6:12

Joma jomoko manie dalani mayo joma odhier. Gin jomriambo mosiko ka hango wach ahanga.

Mika 6:3

Ruoth Nyasaye wacho niya, “Un joga, ere gima asetimonu? Ere kaka asemiyo ubedo mool? Dwokauru!

Habakuk 2:13

Donge Ruoth Nyasaye Manyalo Gik Moko Duto osewacho ni gik ma ogendini mamoko oseyudo gi luchgi nowang’, mi lal nono?

Malaki 2:10

Uwacho niya, “Donge waduto wuonwa en achiel? Donge Nyasaye achiel ema ne ochueyowa? Ka kamano, to ere gima omiyo waketho singruok mane Nyasaye otimo gi kwerewa, ka ng’ato ka ng’ato ketho singruok motimo gi wadgi?

Jo-Efeso 4:25

Emomiyo koro weuru miriambo! Ng’ato ka ng’ato mondo owach ni wadgi mana adiera, nikech wan duto wan fuond ringruok achiel.

1 Timotheo 4:2

Jopuonj mag miriambo ma parogi odinore ka gima owang’ gi nyinyo maliet nowuond ji,

Jong’ad Bura 2:10

Tieng’no duto notho, moluwo kweregi, kendo tieng’ machielo mane ok ong’eyo Ruoth Nyasaye, kata gik mane osetimo ni jo-Israel, noluwo bang’gi.