Jeremia 9:3 - MUMA MALER 2015

³ Lewni chalo gi atung’ moywa, kendo diro miriambo mana kaka atung’ diro asere, bende timbe miganga ema opong’o piny.” Ruoth Nyasaye owacho niya, “Joga timo richo kinde duto, kendo ok gidewa.

Motingʼo Loko Manyien

³ “Giketo lewgi moikore ka atungʼ, mondo gidirgo miriambo; to dhigi maber e piny ok nikech giwacho adiera. Gitimo richo bangʼ moro ka moro; ok gidewa.” Jehova Nyasaye ema owacho.

Jeremia 9:3 Iomraidhean Croise

Chakruok 39:16

Nokano lawno nyaka ruodh Josef nodwogo dala,

Ngeche 12:5

Joma kare pile timo ni jowadgi maber. Joricho to wuondo jowadgi awuonda.

Isaya 1:3

Dhiang’ ong’eyo wuon-go, kendo kanyna bende ong’eyo kund wuon. Jo-Israel to ok ong’eya. Adier, joga awuon onge gi paro!

Isaya 3:5

Ji nosandre kendgi giwegi, ka ng’ato ka ng’ato dhaw mana gi wadgi, to nyithindo bende yanyo joma dongo, kendo ji ajia chayo joma ogen.

Isaya 6:5

Kane aneno kamano, ne aywak, ka awacho niya, “A yaye, piny lichna! Aruenyo, nimar an ng’at ma dhoge ochido, kendo adak e kind ji ma dhogi ok ler, to eka aseneno Ruoth Nyasaye Manyalo Gik Moko Duto gi wang’a awuon!”

Isaya 9:18

Richo liel mana ka mach mager mobolie kudho, kendo wang’o koda ka bungu ka iro dhuolore.

Jeremia 12:6

Koda ka omineni hie osendhogi, kendo giseriwore gi jomoko ma monji. Kik igen-gi, kata obedo ni giwachoni weche mabeyo kamano.”

Jeremia 22:16

Ne oyalo jochan kare, omiyo gige duto nodhi maber. Gik ma kamago ema nyiso ni ng’ato ong’eyo Ruoth Nyasaye.

Jeremia 31:34

Onge ng’ama nopuonj wadgi kata ma nopuonj omin mare, kawachone ni, ‘Ng’e Ruoth Nyasaye,’ nikechh giduto gining’eya, chakre ng’at matinie moloyo nyaka ng’at maduong’ie moloyo. Anawenigi richogi, kendo ok nachak apar timbe maricho mane gisetimo. An Ruoth Nyasaye ema awacho kamano.”

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:4

Bang’e nowacho niya, “Chutho jogi gin joma ofuwo maonge rieko. Ok ging’eyo yor Ruoth Nyasaye kod gima Nyasachgi dwaro.

Jeremia 5:5

Omiyo koro abiro dhi ir jotelo mondo alosgo, nimar nyaka bed ni gin ema ging’eyo yor Ruoth Nyasaye, kod gima Nyasachgi dwaro.” To kara gin bende gisedagi loch mar Ruoth Nyasaye, kendo gitamore rito chikne.

Jeremia 6:28

Giduto gin joma wigi tek, moseweya. Gibayo e piny ka gikuodho ji. Chunygi tek ka mula kendo ka chuma; giduto gin joma okethore.

Jeremia 7:26

To kata kamano ne ok gidewa, bende ne ok giwinja, to wigi nomedo doko matek moloyo kata mana wi kweregi.

Jeremia 9:5

Giduto giwuondo osiepegi, kendo onge ng’ama wacho adiera. Gisepuonjo lewgi wacho miriambo, kendo gisedonjo matut e richo ma ok ginyal wuokie.

Jeremia 9:8

Lewni chalo gi asere man gi kwiri mager, kendo dhogi wacho weche mag miriambo. Ng’ato ka ng’ato wuoyo mang’won gi wadgi, to kara e chunye kucha to ochikone mana obadho!

Ezekiel 8:13

Bang’e Ruoth Nyasaye nowachona niya, “Pod ibiro neno kakaa gitimo gik modwanyore moloyo kata mago!”

Daniel 11:27

Bang’e ruodhi ariyogo nobed piny mondo ochiem kaachiel, to ginibed ka gin gi paro maricho. Omiyo giniwuondre, kendo ok giniyud gima gidwaro, nimar kinde ma Nyasaye oketo pok ochopo.

Tim jo-Lawi 19:11

“Kik ikwel, kata kik iwuond wadu kata kik imaye e yor wuond.

Mariko 8:38

Ka wi ng’ato kuot koda, kendo kuot gi wechena e kinde ma ji timoe richo kendo weyoe Nyasaye, to wi Wuod Dhano bende nokuod kode, kobiro e duong’ mar Wuon mare, kaachiel gi malaika maler.”

Johana 17:3

Ka ng’ato ong’eyi, in Nyasaye ma achiel kende, kendo ong’eyo Jal mane ioro, ma en Yesu Kristo, to en gi ngima ma nyaka chieng’.

Tich Joote 24:9

Jo-Yahudi bende noriwore gi Tertulo, ka giramo ni wechego duto gin adier.

Jo-Rumi 1:16

Aonge gi wich kuot moro amora kuom Wach Maber, nimar en e teko mar Nyasaye, mawaro ji duto moyie. Mokwongo nobiro ni jo-Yahudi, to bang’e nobiro ni joma ok jo-Yahudi bende.

Jo-Rumi 1:28

Ne gidagi yie Nyasaye, omiyo Nyasaye nojwang’ogi, mi parogi olal, kendo gitimo gik ma ok onego gitim.

Jo-Rumi 3:13

“Dhogi chalo gi bur mong’amo dhoge, kendo giwacho mana miriambo lilo.” “Wechegi chalo gi kwich thuond rai.”

1 Jo-Korintho 15:34

Beduru gi rieko mondo uwe timo richo. Jomoko kuomu kia Nyasaye. Awacho kamano mondo akuodgo wiu!

Jo-Filipi 1:28

Kik uluor wasiku, to pile beduru gi chir, nikech mano biro nyisogi ni gin ginilal, to un noresu, nikech Nyasaye owuon ema biro nyisogi kamano!

2 Timotheo 3:13

To joma richo gi joma wuondore nomed bedo joma richo moloyo, ka giwuondo ji, kendo gin bende iwuondogi.

Juda 1:3

Osiepena, ne agombo ahinya mondo andiknu kuom warruok ma waduto wan-go, to koro aneno ni nyaka andiknu, kajiwou mondo umed kedo matek ni wach yie ma Nyasaye osemiyo joge dichiel kendo mogik.

Fweny 12:11

Owetewa ne oloye gi remb Nyarombo kendo gi Wach Nyasaye mane gihulo, bende ne ok gidewo ngimagi nyaka kar tho.

Jong’ad Bura 14:17

To nosiko koywakne kuom wachno pilepile nyaka ndalo mag nyasi orumo. To chieng’ mar abiriyo mar nyasi, Samson nonyise tiend ngerono, nikech nojoge gi dudo kuom wachno. Bang’e nyakono nodhi monyiso jogi.

Jong’ad Bura 2:10

Tieng’no duto notho, moluwo kweregi, kendo tieng’ machielo mane ok ong’eyo Ruoth Nyasaye, kata gik mane osetimo ni jo-Israel, noluwo bang’gi.

1 Samuel 2:12

To yawuot Eli ne joma acheje, ma ok dew Ruoth Nyasaye.