Jeremia 8:9 - MUMA MALER 2015

⁹ Jorieko wigi okuot. Wach ogoyogi nyang’eng’o kendo dhogi omoko. Gisedagi wechena, koro ere rieko ma gin-go?

Motingʼo Loko Manyien

⁹ Jomariek nokuod wigi; ginibed gi luoro mangʼeny kendo enomakgi. Nimar gisedagi wach Jehova Nyasaye, en rieko manade ma gin godo?

Jeremia 8:9 Iomraidhean Croise

2 Ruodhi 17:15

Ne gichayo chikene gi singruokne mane otimo kod kweregi, kendo ne ok gidewo weche mane osiemogigo. Ne gilamo nyiseche manono, nyaka gin giwegi gidoko joma nono, nikech ne giluwo timbe mag ogendini mokiewo kodgi, mane Ruoth Nyasaye osekwerogi ni kik giluw.

Ayub 5:12

Oketho cheno mag jowuond,

Ayub 5:13

kendo omako jorieko gi riekogi giwegi, kamano gimoro amora ma gichano kethore.

Zaburi 19:7

Chik Nyasaye long’o kendo chiwo ngima manyien. Weche mag Nyasaye gin weche mogen. Gichiwo rieko ni joma ongego.

Isaya 19:11

Mano kaka ufuwo, un jotelo mag Zoan. Adier, unyalo bedo jong’ad rieko mag Farao mabeyo moloyo. Omiyo ere kaka unyalo wacho ni Farao niya, “Wan yawuot joma riek ma nyikwa ruodhi machon”?

Isaya 29:14

Emomiyo anachak abwog jogi kendo, ka atimo gik malich ma miyo giwuoro. Rieko mar jogi mariek nolal nono, kendo paro matut mar jogi mang’ado rieko, norum.”

Isaya 43:27

Kwaru mokwongo ne otimo richo, kendo jonabiu ne opiem koda.

Isaya 8:20

Adier, ji nyalo wachonu weche makamago, to kata kamano gima giwacho onge tich.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 19:7

Ka eri ema nakethie gik moko duto ma jo-Juda gi jo-Jerusalem chano timo. Anawe wasikgi logi, mi neggi e lweny, kendo anami winy gi ondiegi cham ringregi.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 49:7

Ruoth Nyasaye Manyalo Gik Moko Duto nowuoyo kuom jo-Edom kama: “Rieko tinde orumo e piny Edom koso? Donge jorieko maggi ng’adonigi rieko? Koso tinde riekogi olal?

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Ezekiel 7:26

Masiche mathoth nomaku, kendo weche maricho kende ema unuwinji. Unugomb jonabi mondo onyisu gik mabiro timore, to ok unuyudi. Jodolo bende ok nobed gi gima gipuonjo ji.

Amos 2:4

Ruoth Nyasaye owacho niya, “Jo-Juda osetimo richo mang’eny, omiyo abiro kumogi mak orem, nikech gisechayo puonjna, kendo gisedagi rito chikena. Nyiseche manono mane kweregi lamo osemiyo gibaro, mi giweya.

Zekaria 13:4

Ndalogo jokor wach duto wigi nokuodi gi fweny ma gineno, bende ok ginirwak lewni motimo yier ma jokor wach rwako, mondo giwuondgo ji,

Rapar mar Chik 4:6

Ritgiuru adimba, nimar mano biro nyiso ogendini mamoko ni uriek. Ka giniwinj chikegi eki, to giniwach niya, ‘Onge oganda moro mariek ka oganda maduong’ni.’

2 Timotheo 3:15

Bende ng’e ni nyaka ia e nyathi isebedo king’eyo weche manie Muma ma nyalo miyi rieko makeloni warruok, ka iyie kuom Kristo Yesu.