Jeremia 8:16 - MUMA MALER 2015

¹⁶ Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Motingʼo Loko Manyien

¹⁶ Giro mar farese mag wasigu iwinjo koa Dan; kendo ywak farese mathuondi miyo piny tetni. Gibiro tieko piny duto kod gik moko manie iye, dala maduongʼ kod ji duto modak kanyo.

Jeremia 8:16 Iomraidhean Croise

Ayub 39:20

In ema ne ichueye mondo ochikre ka dede, kendo mondo obwog ji ka otwaro?

Zaburi 24:1

Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

Jeremia 10:25

Ol mirimbi kuom ogendini ma ok oyie kuomi. Ee, kech kod jogo ma ok lami! Gisenegowa, wan nyikwa Jakobo, mi gitiekowa duto, kendo giketho pinywa.”

Jeremia 3:24

“ ‘Chakre tindowa, gik moko duto ma wuonewa osetiyo moyudo, kaka jamni kod yawuowi gi nyiri, oselalnwa kuom lamo Baal, nyasach wichkuot.

Jeremia 30:16

Ji duto matiekou bende notieki, kendo wasiku noter mabor e tuech. Ji duto mathirou bende nothir, kendo joma yakou bende noyaki.

Jeremia 30:5

“Asewinjo ywak mar kihondko ma onge kue.

Jeremia 4:24

Ne arango gode madongo, maneno ka giyiengni; kuonde moting’ore bende ne rundore koni gi koni.

Jeremia 4:7

Jaketh ogendini osewuok oko ka sibuor mowuok e gonde. Osewuok kama odakie mondo obi oketh pinyu. Miech Juda nodong’ gundni ma onge ng’ama odakie.

Jeremia 47:3

Giniwinj tiend farese ka diko, gi geche maringo, kod tiend geche ka mutni. Wuone nyithindo ok nodog chien mondo oom nyithindgi, to ginibed maluor maonge gi teko,

Jeremia 5:17

Gibiro tieko chambu kaachiel gi chiembu pep, kendo gibiro tieko yawuotu gi nyiu. Gibiro tieko jambu kod olembeu mag mzabibu gi ng’opeu. Giniketh miechu mochiel motegno, mugeno kuomgi.

Jeremia 50:42

Gin gi asere gi tonge. Giger kendo ok gikech ng’ato. Tiende faresegi mor ka apaka mar nam mawuo. Giikore kedo gi Babulon.

Jeremia 51:29

Piny tetni kendo yiengni, nikech Ruoth Nyasaye loko Babulon thim maonge ng’ama dakie, mana kaka nosechano.

Jeremia 6:23

Gin gi aserni kod tonge, giger kendo ok gikech ng’ato; tiend faresegi mor ka apaka mar nam mawuo. Gikore kedo gi Sayun.”

Nahum 3:2

Winjie kaka del michwadogo farese ywak, kendo kaka geche mag lweny ringo matek ka tiendegi wuo! Tiend faras diko piny matek, kendo geche lweny chikore ka mwomore.

Habakuk 3:10

bende ka gode orangi, to tetni ka luoro omako. Ohula mwomo ka ridore, kendo nam matut wuo matek ka apaka gingore.

1 Jo-Korintho 10:26

nikech Muma wacho niya, “Ruoth e wuon piny ngima, kaachiel gi gik moko duto manie iye.”

1 Jo-Korintho 10:28

To ka ng’ato owachoni ni, chiemono otimgo misango ni nyasaye manono, to kik icham chiemono, nikech dipo ka ichwanyo chuny ng’at monyisino.

Jong’ad Bura 18:29

Ne gichake ni Dan, nying kwargi ma wuod Israel. To nying dalano mokwongo ne Laish.

Jong’ad Bura 20:1

Jo-Israel duto, chakre Dan nyaka Beer-sheba, kaachiel gi Gilead, noyworo ni lweny, mochokore Mizpa e nyim Ruoth Nyasaye maonge ng’at modong’.

Jong’ad Bura 5:22

Tiend faresegi ne goyo koko ka ringo.