Jeremia 8:1 - MUMA MALER 2015

¹ “E ndalono ji nogol choke ruodhi gi choke jodongo mag Juda e lietegi, kaachiel gi choke jodolo gi mag jonabi kod mag ji mamoko duto mane odak Jerusalem.

Motingʼo Loko Manyien

¹ “ ‘Jehova Nyasaye wacho ni e kindego, choke mag ruodhi kod jotelo mag Juda, choke mag jodolo kod jonabi, kendo choke mag jo-Jerusalem nogol oko e liete mag-gi.

Jeremia 8:1 Iomraidhean Croise

1 Ruodhi 13:2

Ng’at Nyasayeno nokuong’o kendo-mar-misango kaka Ruoth Nyasaye nochike, koywage niya, “Yaye, kendo-mar-misango! Yaye, kendo-mar-misango! Ruoth Nyasaye owacho kama: Enonywol wuowi e dhood Daudi, ma nochak nyinge ni Josia. Enoneg jodolo mag hembko man kuonde moting’ore, ma wang’o ubani kuomi, kendo enowang’ choke ji kuomi.”

2 Ruodhi 23:16

Kane Josia owichore, noneno liete ewi got. Nooro ji, mogolo choke e lietego, mi ne giwang’ogi e kendo-mar-misango. Kamano noketho kendono, kaluwore gi wach Ruoth Nyasaye mane ng’at Nyasaye okoro kane Jeroboam ochung’ e dho kendo chieng’ sawo cha. Eka Josia noting’o wang’e, moneno liend ng’at Nyasaye mane okoro wechego.

2 Ruodhi 23:20

Jodolo duto mane Josia onwang’o e hembko nonego e kende-mag-misango. Eka nodok Jerusalem.

2 Ruodhi 9:37

kendo ringre nochal kaka owuoyo moyar e puothe mag Jezreel, ma onge ng’ato ma nong’e ni, ma e Jezebel.’ ”

Zaburi 53:5

To kihondko ma pok ginenoe nyaka nene biro makogi, nikech Nyasaye keyo choke joma kwede. Nologi chuth, mi giyud wichkuot, nikech Nyasaye osedagigi.

Jeremia 14:16

Joma ne giwachonigi gigo bende lweny gi kech biro nego. Ringregi kaachiel gi mag mondgi kod nyithindgi nowiti e yore mag Jerusalem, ma onge ng’ama noyiki, nikech abiro kumogi kuom timbegi maricho.

Ezekiel 37:1

Ne awinjo ka teko Ruoth Nyasaye ni kuoma, mi Roho mare noting’a motera e holo kama choke opong’o.

Ezekiel 6:4

Kendeu mag misango ibiro jwang’o, kendo gik ma iwang’oe ubani ibiro turo, mi ji duto man kuondego noneg mana e nyim nyisechegi manonogo.

Ezekiel 6:5

Anabol ringre jo-Israel moketho e nyim nyisechegi manono, kendo anake chokegi kuonde duto ma gitimoe misango.

Amos 2:1

Ruoth Nyasaye owacho niya, “Jo-Moab osetimo richo mang’eny, omiyo abiro kumogi mak orem, nikech ne giwango choke ruodh Edom mi giloko buru.