Jeremia 7:7 - MUMA MALER 2015

⁷ Kulokoru kamano to anyalo weyo udag kaeri e piny mane amiyo kwereu chon mondo obed margi nyaka chieng’.

Motingʼo Loko Manyien

⁷ to anami udag kae, e piny mane amiyo kwereu mondo odagie manyaka chiengʼ.

Jeremia 7:7 Iomraidhean Croise

2 Weche mag Ndalo 33:8

Ka jo-Israel orito kendo otimo gik moko duto ma nachikogi, kendo oluwo buche gi chike duto mane Musa onyisogi, to ok nariembgi e piny mane amiyo kweregi.”

Wuok 22:22

bende kik uthag chi liel kata nyathi ma kich.

Isaya 1:19

Ka uyie kuoma, mumako chikna gi chunyu duto, to unucham gik mabeyo duto manie piny.

Jeremia 25:5

Jonabigo ne nyisou mondo uwe yoreu gi timbeu maricho, eka udag e piny mane Ruoth Nyasaye omiyou kaachiel gi kwereu ka mwanduu mosiko.

Jeremia 26:13

Nyaka ulok yoreu gi timbeu, kendo nyaka uluor Ruoth Nyasaye ma Nyasachu. Eka onyalo loko parone kuom masira ma osewacho ni obiro kelo kuomu.

Jeremia 3:18

Jo-Israel biro riwore gi jo-Juda, kendo gibiro wuotho kanyakla, ka gia yo nyandwat, ka giduogo e piny mane amiyo kwereu mondo obed mwandugi nyaka chieng’.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 4:1

Ruoth Nyasaye wacho niya, “Un jo-Israel, ka uyie lokoru, to duoguru ira. Wituru nyisecheu manono ma amon-go mondo uluw mana an.

Zefania 3:7

Ne aparo ni jo-Jerusalem diwinj chikna, omiyo ne awachonigi niya, ‘Luorauru, kendo winjuru puonjna.’ To kata kamano ne giketo chunygi mana kuom timo timbegi mamono.

Rapar mar Chik 4:40

Emomiyo rituru buche kod chike Nyasaye ma amiyou kawuono. Eka un kaachiel gi nyikwau unubed maber, kendo unudag aming’a e piny ma Ruoth Nyasaye ma Nyasachu miyou mondo obed maru nyaka chieng’.”