Jeremia 7:6 - MUMA MALER 2015

⁶ Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Motingʼo Loko Manyien

⁶ kendo ka ok umayo jadak, kiye kata mon ma chwogi otho kendo ok uchwero remb joma onge ketho, kendo ka ok uluwo bangʼ nyiseche manono ma dihinyu un uwegi,

Jeremia 7:6 Iomraidhean Croise

2 Ruodhi 21:6

Nowang’o wuode bende, kotimogo misango. Noyie gi jokor wach gi jo nyakalondo kod ajuoke. Timbene maricho ne ng’eny e nyim Ruoth Nyasaye, omiyo mirima nomako Ruoth Nyasaye.

2 Ruodhi 24:4

kopong’o Jerusalem gi remb joma onge ketho.

Zaburi 106:38

Adier, ne gichwero remb yawuotgi gi nyigi ma onge ketho ka gichiwonigi ni nyiseche manono mag Kanaan, mi piny nodoko mogak nikech remo ma nochuerno.

Ngeche 23:10

Kik iketh kiew machon, kata kik ima nyithi kiye lopgi,

Isaya 59:7

Tiendgi rikni ka gidhi timo richo, kendo giyot ni chuero remo maonge ketho. Paro mopong’o chunygi en mana paro mamono, kendo kamoro amora ma gidhiyoe, to masira gi chandruok ema dong’ie.

Jeremia 13:10

Oganda marachni osetamore winjo wachna, mi gisebedo joma wigi tek, kendo ma timbegi richo. Giselamo nyiseche mamoko, kendo gitiyonigi. Kuom mano gibiro chalo mana gi law ma koro onge tichni.

Jeremia 19:4

Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 2:34

Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Jeremia 26:23

Omiyo ne gigole kuno, mi gidwoke ni ruoth Jehoyakim, monege, kendo ne owit ringre e bur mane iyikoe ji ajiya.)

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 5:28

bende emomiyo gichwe kendo dendgi leny. Timbegi maricho ng’eny mokadho akwana. Ok gikony nyithi kiye mondo oyud bura makare, bende ok ging’ad bura makare ni joma odhier.

Jeremia 7:5

Lokuru yoreu gi timbeu, kendo ng’ato ka ng’ato mondo otim ni wadgi gima kare.

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Ezekiel 18:6

ma ok lam nyiseche manono mag jo-Israel, bende ok gicham misengni ma itimo kuonde moting’ore ma chik okwero. Ok oterre gi chi wadgi, kata ok oriwre gi dhako ka ni e due.

Ezekiel 22:7

Onge kata ng’at achiel e dala mamiyo wuon gi min luor. Uwuondo jopinje mamoko, kendo usando mond liete gi nyithi kiye.

Tim jo-Lawi 19:33

“Ka japiny moro odak kuomu, to kik uthage.

Tim jo-Lawi 25:17

Kik ng’ato kuomu wuond wadgi, to mondo uluor Nyasachu, nikech an e Ruoth Nyasaye ma Nyasachu.

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 27:25

To ji duto nodwoko niya, “Rembe mondo obed e wiwa, kendo e wi nyithindwa.”

Mathayo 27:4

kowachonigi niya, “Asetimo richo kuom ndhogo remo ma onge ketho.” To ne gidwoke ni, “Mano obadho mana in! Ok en wachwa.”

Rapar mar Chik 11:28

To ka ok uritogi, mi ubaro kuweyo yo ma asechikou kawuono mondo uluw, mulamo nyiseche mamoko ma ok ung’eyo, to ubiro yudo kuong’.

Rapar mar Chik 24:17

“Kik ung’ad buch amwor ni jodak kata ni nyathi kich, bende kik ukaw law dhako ma chwore otho ka gir singo.

Rapar mar Chik 27:19

“ ‘Okuong’ ng’at moketho buch japiny moro modak kodu, kata buch nyathi ma kich, kata buch chi liel.

Rapar mar Chik 8:19

“To kapo ni wiu owil gi Ruoth Nyasaye ma Nyasachu, muluwo nyiseche mamoko, mi ulamogi kendo ukulorunigi, to akuong’ora kawuono ni natieku ma onge kiawa.

Jakobo 1:27

Lemo mar adier kendo maler e nyim Nyasaye Wuoro, en limo nyithi kiye gi mond liete e chandruokgi, kendo bende gi ritruok kuom richo mag piny.