Jeremia 7:2 - MUMA MALER 2015

² mondo odhi ochung’ e dhoranga Hekalu mar Ruoth Nyasaye, ogo milome niya, “Winjuru wach Ruoth Nyasaye, un jo-Juda duto madonjo e dhorangani, ka biro lame.

Motingʼo Loko Manyien

² “Chungi e dhorangach mar od Jehova Nyasaye kendo kanyo land wachni: “ ‘Winjuru wach Jehova Nyasaye, un jo-Juda duto madonjo gie dhorangeyegi mondo olam Jehova Nyasaye.

Jeremia 7:2 Iomraidhean Croise

1 Ruodhi 22:19

Mikaya nowacho niya, “Koro winj wach Ruoth Nyasaye. Naneno Ruoth Nyasaye kobet e kom duong’ne, kendo ka oganda polo ochung’ e bathe koni gi koni.

Zaburi 122:2

Koro eri wachung’ e dhorangeyen, yaye Jerusalem.

Isaya 1:10

Un ruodhi mag Jerusalem, kaachiel gi jou, winjuru wach Ruoth Nyasaye. Ee, un muchalo gi jo-Sodom gi jo-Gomora, chikuru itu ni puonjne.

Jeremia 10:1

Un jo-Israel winjuru wach ma Ruoth Nyasaye osewachonu:

Jeremia 11:6

Eka Ruoth Nyasaye nowacho ni Jeremia ni, “Dhiyo iland wechegi e miech Juda kendo e yore mag Jerusalem, kinyiso ji mondo owinj kendo orit weche mag singruokna.

Jeremia 19:14

Bang’ wechego, ne awuok aa Tofeth, kuma ne Ruoth Nyasaye oorae, mondo adhi ahulie wachne. Ne adhi mi achung’ e laru mar Hekalu, eka anyiso ji duto niya,

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Jeremia 2:4

Winjuru wach Ruoth Nyasaye un nyikwa Jakobo ma jo-Israel.

Jeremia 26:2

Ruoth Nyasaye nowacho ni Jeremia niya, “Dhiyo ichung’ e laru mar Hekalu mondo inyis joma odak e miech Juda ma biro lemo e Hekalu weche ma asenyisi. Kik iwe kata wach achiel mak inyisogi.

Jeremia 28:5

To Jeremia janabi nodwoko Hanania janabi e nyim jodolo gi ji duto mane oyudo ochung’ e Hekalu,

Jeremia 34:4

Omiyo ruoth Zedekia, winji, gima an Ruoth Nyasaye awacho kuomi. Ok nonegi e lweny,

Jeremia 36:10

Eka Baruk nosomonigi weche duto mane Jeremia owachone, mi ondiko e kitabu. Ne osomo wechego e Hekalu gi e od Gemaria wuod Shafan ma jang’ad ni ruoth rieko. Odno ne nie laru mamalo e dhoranga Hekalu miluongo ni ‘Rangach Manyien.’

Jeremia 36:6

Omiyo adwaro ni wang’ni ka ji tueyo chiemo, to mondo idhi kuno isom weche manie kitabuni matek mondo giwinj gik moko duto ma Ruoth Nyasaye osenyisa, mi awachoni indiko. Nyaka itim kamano kama ji duto nyalo winjigo, koda ka jo-Juda mobiro ka oa e miechgi.

Jeremia 44:24

Jeremia nochako onyiso ji duto, kaachiel gi mon niya, “Ruoth Nyasaye Manyalo Gik Moko duto, kendo ma Nyasach Israel owacho ni jo-Juda modak Misri kama:

Jeremia 7:1

Ruoth Nyasaye nowacho ni Jeremia

Ezekiel 37:1

Ne awinjo ka teko Ruoth Nyasaye ni kuoma, mi Roho mare noting’a motera e holo kama choke opong’o.

Hosea 5:1

“Un jodolo, winjuru wachni! Chikuru itu, un jo-Israel. Winjuru un joka ruoth, nikech un ema onego ung’ad ni ji bura, to koro un ema ibiro ng’adnu bura. Usemiyo obadho omako jo-Mizpa, kendo uchalo gogo mamako ji ewi got Tabor.

Amos 7:16

Kuom mano koro winj wach Ruoth Nyasaye. Ikwera ni awe koro wach kuom jo-Israel, kendo ni awe wacho weche manono kuom joka Isaka.

Mika 1:2

Winjuru un ogendini duto! Chikuru itu, un ji duto modak e piny! Ruoth Nyasaye nowuog e Hekalu maler, mondo onyis gik musetimo.

Mika 3:1

Un jotend Israel winjuru! Donge en tichu, ng’ado bura makare?.

Mika 3:9

Winjuru, un jo-Israel mochayo timbe makare, kendo ma loko adiera bedo miriambo.

Mathayo 13:9

Eka Yesu notieko kawacho niya, “Ng’at man gi it mar winjo, to mondo owinji.”

Johana 18:20

To Yesu nodwoke niya, “Pile asewuoyo ratiro e nyim piny duto. Asebedo ka apuonjo kuonde lemo, kendo e Hekalu, ma jo-Yahudi duto chokoree, bende pok awacho gimoro ling’ling’.

Tich Joote 5:20

“Dhiuru uchung’ e Hekalu, mondo unyis ji wach ngima manyienni.”

Tich Joote 5:42

Kendo pile ne gisiko ka gilando Wach Maber e Hekalu kendo e mier, ka gipuonjo ji ni Yesu e Mesia.

Fweny 2:11

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to tho mar ariyo ok nomul ngang’.’

Fweny 2:17

“ ‘Ng’at man gi it to mondo owinj gima Roho wacho ni kanyakla mag jo-Kristo. Ng’at molocho to anami chiemo moko mopandi miluongo ni Manna, kendo anamiye kidi marachar mondikie nying manyien, maonge ng’at mong’eyo, mak mana jal monwang’e.

Fweny 2:29

Ng’at man gi it to mondo owinj gima Roho wacho ni kanyakla mag jo-Kristo.’

Fweny 2:7

“ ‘Ng’at man gi it mondo owinj gima Roho wacho ni kanyakla mag jo-Kristo. Ng’at molocho to anami ratiro mar chamo olemb yadh ngima manie puoth Nyasaye.’

Fweny 3:13

Ng’at man gi it to mondo owinj gima Roho wacho ni kanyakla mag jo-Kristo!’

Fweny 3:22

Ng’at man gi it to mondo owinj gima Roho wacho ni kanyakla mag jo-Kristo!’ ”

Fweny 3:6

Ng’at man gi it to mondo owinj gima Roho wacho ni kanyalka mag jo-Kristo.’