Jeremia 7:12 - MUMA MALER 2015

¹² “Dhiuru Shilo, dala mane ayiero mokwongo mondo nyinga obedie, mondo uneye gima ne atimo kuno, nikech richo mag joga Israel.

Motingʼo Loko Manyien

¹² “ ‘Koro dhi sani kama iluongo ni Shilo kama ne akwongo alosoe kar dak mar Nyinga, kendo mondo ine gima ne atimone nikech timbe mamono mag joga Israel.

Jeremia 7:12 Iomraidhean Croise

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

Jeremia 26:6

Ka ok uwinjogi, kendo ka pod utamoru timo gik ma awacho, to abiro ketho Hekaluni mana kaka naketho Shilo, kendo ogendini duto noluong nying dalani ka gima okuong’.”

Jeremia 7:14

Omiyo abiro timo ni Hekalu mara mugeno kuome mana kaka natimo ni Shilo. Kata mana dalau mane amiyo kwereuni, bende abiro timone kamano.

Rapar mar Chik 12:11

Bang’e ukel gigo duto ma achikou kama Ruoth Nyasaye ma Nyasachu biro yiero mondo nyinge obedie. Kanyo ema unukelie misengni mau miwang’o pep, kod misengni mamoko gi chiwo mar achiel kuom apar, kod chiwo mamoko, kaachiel gi chiwo moyiedhi mukuong’oru ni ubiro kelo ni Ruoth Nyasaye.

Rapar mar Chik 12:5

Ruoth Nyasaye ma Nyasachu owuon biro yiero kamoro e piny dhoodu moro mondo oketie nyinge. Kanyo kende ema unuchokrue kuom lamo Ruoth Nyasaye ma Nyasachu.

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.

Joshua 18:10

kendo Joshua nogoyonigi ombulu e nyim Ruoth Nyasaye, mopogo ni dhoot ka dhoot lope.

Jong’ad Bura 18:31

Kido manono mane Mika olosono nosiko kuno ndalo duto mane od Nyasaye ni Shilo.

1 Samuel 1:3

Higa ka higa, ng’atni ne wuok e dalane, kadhi Shilo mondo olem kendo otim misango ni Ruoth Nyasaye Manyalo Gik Moko Duto. E ndalogo, noyudo ka Hofni gi Finehas, yawuot Eli, ne tiyo kuno ka jodolo mag Ruoth Nyasaye.

1 Samuel 4:22

Mano emomiyo nowacho ni, “Duong’ osea kuom Israel, nikech Sanduk mar Nyasaye osekaw.”