Jeremia 5:1 - MUMA MALER 2015

¹ Un jo-Jerusalem, wuothuru e yore mag dalau kendo e chirniu, mondo une ane ka nitie kata ng’at achiel makare mohero adiera. Kuyudo, to Ruoth Nyasaye nowe ni jodalano richogi.

Motingʼo Loko Manyien

¹ “Wuothi e yore mag Jerusalem duto, rang koni gi koni kiparo, kendo kimanyo kuondege duto. Kinyalo yudo kata mana ngʼato achiel, ma ja-ratiro kendo madwaro adiera, to abiro ngʼwonone dala maduongʼni.

Jeremia 5:1 Iomraidhean Croise

1 Ruodhi 19:10

Nodwoko niya, “A Ruoth Nyasaye Manyalo Gik Moko Duto, asetiyoni gi kinda nikech hera maduong’ maherigo, to jo-Israel ok oserito singruok mane itimo kodgi. Gisemuko kendeni mag misango, kendo gisenego jonabi magi, mak mana an ema adong’, to koro gidwaro nega.”

2 Weche mag Ndalo 16:9

nikech wang’ Ruoth Nyasaye ng’iyo piny duto koni gi koni mondo onyis tekone mokonyogo joma chunygi odimbore e nyime. Nitimo gima ofuwo kuom wachni, omiyo chakre kawuono ibiro bedo gi lwenje.”

Zaburi 12:1

Ruoth Nyasaye, yie iresa, nimar onge joma oluori ma pod odong’, kendo adiera onge kuom ji.

Zaburi 14:2

Ruoth Nyasaye rango ji gie polo, mondo one ane ka nitie joma riek kendo malame.

Zaburi 14:3

To giduto gisebayo yo, kendo gisedwanyore mana maromre. Onge ng’ato kuomgi matimo maber. Ooyo! Onge kata mana ng’at achiel.

Zaburi 94:16

Onge ng’at mane ochung’ mondo okonya kuom joma richo. Adier, onge ng’at mane ochwaka kuom joma timbegi mono.

Ngeche 20:6

Ji mang’eny wuorore kendgi ni gin joma ogen, to temie ane ka diyud kata mana achiel ma inyalo geno!

Ngeche 23:23

Adiera gi rieko gi puonjruok kod paro maber ema nyaka iyudi, kata dabed ni ing’iewogi gi nengo matek. Kik iwe ng’ato kawgi kata dabed ni omiyi ang’o.

Ngeche 8:3

Bende ochung’ but rangach, kama ochomo yo dala,

Wer Mamit 3:2

Ne aa malo, mi awuotho e dala duto kadwaro jaherana. Adier, ne amanye, to ne ok anyal yude. Bende ne aluonge, to ne ok odwoka.

Isaya 59:4

Onge ng’ama donjo ni wadgi e yo makare, kata ma yalo bura gi adiera, to ji duto ogeno kuom weche manono kod miriambo. Gichano weche maricho e chunygi, ma bang’e nywolo mana chandruok.

Jeremia 2:29

An Ruoth Nyasaye apenjou ni, “Ang’o momiyo uywakna, to un ema useng’anyona uduto?

Jeremia 44:15

Bang’ wechego, ji duto mane ong’eyo ni mondgi timo misengni ni nyiseche mamoko, kaachiel gi mon mane oyudo ochung’ kanyo, kod jo-Juda mane oyudo odak e gweng’ Misri ma milambo, duto oganda maduong’ koriwore, nowacho ni Jeremia niya,

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Jeremia 9:7

“Kuom mano, an Ruoth Nyasaye Manyalo Gik Moko Duto awacho ni abiro pwodho joga, ka ng’at malenyo mula mondo ogol ng’iende. Joga osetimo richo, koro ere gima datimnigi?

Ezekiel 22:30

“Asebet karango mondo ayud ng’at manyalo gero ohinga, kendo ma dichung’ kuonde ma ohinga omukoree, mondo okony piny, kik akethi gi mirimba, to ne ok anyal yudo ng’at makamano.

Ezekiel 9:9

Nyasaye nodwoka niya, “Jo-Israel kod jo-Juda josetimo richo madongo ahinya. Gisenego ji mathoth e pinyni, mi gipong’o Jerusalem gi timbe maricho. Giwacho niya, ‘Ruoth Nyasaye osejwang’o pinywani. Ok onewa!’

Daniel 12:4

“To in Daniel, koro um kitabu, kendo idine gi odok nyaka kinde mar giko chopi. To kindegi ji mang’eny biro ringo koni gi koni mondo onge tiend gik matimore.”

Joel 2:9

Gimwomo dala lweny, kendo gikalo ohinga piyopiyo. Giidho kor udi, mi gidonjo gie dirisni ka jokuo.

Amos 8:12

Ji nowuoth kadawo, chakre nyandwat nyaka milambo. Ginidigni chakre yo wuokchieng’ nyaka yo podho chieng’, ka gimanyo wach Ruoth Nyasaye to ok giniyudi.

Zekaria 2:4

“Ring idhi iwachne wuowi man gi rapimno ni Jerusalem biro bedo dala maonge gi ohinga, nikech ji mabiro dakie kaachiel gi jamni nobed mang’eny mohinge.

Luka 14:21

Eka jatich nobiro monyiso ruodhe wechego. Mirima nomako wuon nyasi, mi owacho ni jatichne niya, ‘Wuogi piyo, idhi e yore gi chirni, mondo ikel joma odhier gi rang’onde gi muofni kod pudhe miyudo.’

2 Jo-Thesalonika 2:10

kod wuond duto maricho miwuondogo joma olal. Jogo nolal kamano nikech gidagi hero adiera manyalo miyo gikwo.