Jeremia 47:2 - MUMA MALER 2015

² “Neye kaka pi gingore koa yo nyandwat! Obiro bubni ka aora ma mwomo genge, kendo obiro imo piny duto kod gimoro amora mantie, kaka mier kod joma odakie. Ji biro goyo nduru mondo okonygi, kendo ng’ato ka ng’ato manie piny noywag malit.

Motingʼo Loko Manyien

² Ma e gima Jehova Nyasaye wacho: “Neuru kaka pige gingore e yo nyandwat; ginibed ataro mopongʼ. Giniyieny e piny kod gimoro amora manie iye, mier gi jok modak eigi. Ji noywagi; jogo duto modak e piny nodengi.

Jeremia 47:2 Iomraidhean Croise

Zaburi 24:1

Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

Zaburi 50:12

Ka da bed ni kech kaya, to ok dawachnu, nikech piny gi gik moko duto manie iye gin maga.

Zaburi 96:11

Un polo gi piny, beduru mamor, to in nam, wuo, kaachiel gi gik moko duto manie iyi!

Zaburi 98:7

In nam, wuo, kaachiel gi gik moko manie iyi. To in piny, kod ji duto modak e iyi, weruru.

Isaya 14:31

Un miech Filistia, ywaguru! Un jo-Filistia duto, laluru nono, nimar oganda lweny maduong’ biro, koa yo nyandwat, kochanore maber, kendo ma onge kata ng’at achiel ma digni.

Isaya 15:8

Ywak ma giniywaggo ni mondo okonygi nowinjre nyaka e tong’ piny Moab. Adier, nduru ma ginigo nochop nyaka Eglaim kod Beer-elim.

Isaya 22:1

Wach mane Nyasaye onyiso kuom holo mar Hinom e ma: Un jo-Jerusalem, nyisauru gima omiyo uduto uidho ewi udi.

Isaya 28:17

Anami adiera bed rapim, kendo anami tim makare bed tol mipimogo ot, kigero. To kodh pe biro ywero miriambo ma ugeng’orugo. Kendo pi ohula biro mwomo kar konyruoku,

Isaya 59:19

Kamano ji man yo podho chieng’ gi joma ni yo wuok chieng’ noluor nying Ruoth Nyasaye, kod duong’ne maler, nimar enobi ka aora ma mwomore, ma much Ruoth Nyasaye ema tero.

Jeremia 1:14

Ruoth Nyasaye nowachona niya, “Masira biro yienyo koa yo nyandwat, mi chop kuom ji duto modak e pinyni.

Jeremia 46:12

Ogendini osewinjo ni wiu okuot, kendo ywaku opong’o piny. Jolweny gangore kuom jowetegi, kendo giruombore piny giduto.”

Jeremia 46:13

E ndalo mane Nebukadnezar ruodh Babulon biro mondo omonj Misri, Ruoth Nyasaye nowuoyo gi Jeremia niya,

Jeremia 46:20

Piny Misri chal gi roya buong’, ma kich moa yo nyandwat okayo.

Jeremia 46:24

Oganda moa yo nyandwat oseloyo jo-Misri, mi wigi okuot. An Ruoth Nyasaye ema awacho kamano.”

Jeremia 48:39

Oseketh Moab. Yaye, ywaguru, nimar Moab oseyudo wichkuot. Osekethore chuth, molokore gima bwogo ji, kendo ogendini modak machiegni nyierogo.

Jeremia 6:22

An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Jeremia 8:16

Ne wawinjo ka farese mag wasigu futo ka Dan, kendo ywakgi ne miyo piny duto yiengni. Wasigugo osebiro mondo oketh pinywa, kod gik moko duto mantie, kaachiel gi dalawani kod joma odakie.”

Daniel 11:22

Ogend lweny duto nopiem kode, to enoywegi oko motiekgi pep, koda ka jadolo maduong’ mar Nyasaye.

Nahum 1:8

kendo oresogi e ohula ma raywoyi. Joma opiem kode to otieko chuth, kendo oriembogi koterogi e mudho.

1 Jo-Korintho 10:26

nikech Muma wacho niya, “Ruoth e wuon piny ngima, kaachiel gi gik moko duto manie iye.”

1 Jo-Korintho 10:28

To ka ng’ato owachoni ni, chiemono otimgo misango ni nyasaye manono, to kik icham chiemono, nikech dipo ka ichwanyo chuny ng’at monyisino.

Jakobo 5:1

Koro un jomwandu, winjuru wachna! Ywaguru kendo gouru nduru nikech masiche mabiro makou.

Fweny 17:1

Eka achiel kuom malaika abiriyo man gi tewni abiriyo nobiro ira, mi owachona niya, “Bi mondo anyisi bura mong’adi ni jachode maduong’, ma en dala maduong’ moger e wi pige mang’eny!

Fweny 17:15

Eka malaikano nowachona niya, “Pige mane ineno kama dhako ma jachodeno obetie, gin mana ji gi ogendini gi dhoudi kod joma wacho dhok mopogore opogore.