Jeremia 4:16 - MUMA MALER 2015

¹⁶ Nyisuru ogendini kendo landuru wach ni, Jerusalem ibiro kethi. Wasigu biro moa e piny mabor, kendo gibiro goyo koko ni joma odak e miech Juda.

Motingʼo Loko Manyien

¹⁶ “Nyis ogendini kendo go milome ne Jerusalem niya, ‘Jolweny mager biro iru kawuok e piny mabor, ka gigoyo koko mar agengʼa mar lweny kuom mier madongo mag Juda.

Jeremia 4:16 Iomraidhean Croise

Isaya 34:1

Un ugendini mae piny, biuru ka mondo uchik itu. Piny ngima kod gimoro amora manie iye, mondo owinj wachna,

Isaya 39:3

To bang’e janabi Isaya nobiro ir ruoth Hezekia, mopenjee niya, “Jogi oa kanye? To wach ang’o mokelogi?” Hezekia nodwoke ni, “Gia e piny Babulon, kuma bor.”

Jeremia 1:15

Aluongo ogendini duto man yo nyandwat mondo obi. Ruodhi maggi bende nobi, kendo norenj kombegi mag loch e dhorangeye Jerusalem, kendo e alwora mar ohinga Jerusalem, kendo e alwora mag mier moko duto mag Juda.

Jeremia 16:6

Joma omew kaachiel gi joma odhier biro tho e pinyni, to onge ng’ama noywaggi kata noyikgi. Onge ng’ama noter buchgi kata ma noliel wiye ma nyiso ni en e lit

Jeremia 2:15

Wasikgigo rutonigi matek, mana ka sibuoche. Giseketho pinygi, molokore thim. Miechgi bende okethore, maonge ng’ama dagie.

Jeremia 31:10

“Un ogendini, winjuru, an Ruoth Nyasaye, mondo uland wachna e pinje man loka nam. An ema ne akeyo jo-Israel, to koro abiro chako chokogi, mi aritgi kaka jakwath rito jambe.

Jeremia 39:1

E ndalo mar apar, higa mar ochiko mar loch Zedekia ruodh Juda, Nebukadnezar ruodh Babulon nobiro gi joge mag lweny, molworo Jerusalem mondo omonji.

Jeremia 4:17

Gibiro timo ageng’a ni piny Juda mana ka joma olworo puodho, nikech oganda jo-Juda oseweya. Ruoth Nyasaye ema owacho kamano.

Jeremia 5:15

Un jo-Israel, akelo oganda moro, maa e piny mabor mondo obi omonju. En oganda machon kendo maratego ma ok uwinj dhogi, kata mana weche ma giwacho bende ok ung’eyo.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Jeremia 50:2

Huluru wach ni ogendini! Kik umung’gi, to gonigiuru milome! Chunguru bandera mondo ji ong’e ni Babulon osepodho. Marduk nyasache osemaki. Nyiseche mamoko mag Babulon oyudo wichkuot. Nyiseche makuerogo okethi.

Jeremia 6:18

Omiyo Ruoth Nyasaye nowacho niya, “Winjuru un ogendini mondo ung’e gima biro timore ni joga.

Jeremia 6:19

Un jo-piny, winjuru! Akelo masira kuom jogi mana moromo gi timbegi, nikech gisedagi wechena, kendo ok giserito puonjna.

Jeremia 6:22

An Ruoth Nyasaye awacho niya, “Oganda moro biro, moa e piny man yo nyandwat. Ee, oganda marang’ongo man kuma bor ikore ni lweny.

Jeremia 6:23

Gin gi aserni kod tonge, giger kendo ok gikech ng’ato; tiend faresegi mor ka apaka mar nam mawuo. Gikore kedo gi Sayun.”

Jeremia 8:19

Ling’uru ane, awinjo ka joga ywak kuonde duto ma gintie, ka gipenjo niya, ‘Ruoth Nyasaye oseweyo Sayun koso? Ruodh Sayun onge kuno adier?’ To Ruoth Nyasaye ma ruodhgi dwoko niya, ‘Ere gima omiyo usemiya mirima kuom lamo nyiseche mag pinje mamoko?’ ”

Ezekiel 21:22

Koro oting’o asere mondikie ni Jerusalem, gi lwete ma korachwich. Kamano ong’eyo ni onego odhi Jerusalem mondo ogi sigich lweny, kendo olos lodi mituomogo dhorangeye, bende oging pidhe mag lowo, kendo okuny buche molworo ohinga.