Jeremia 4:1 - MUMA MALER 2015

¹ Ruoth Nyasaye wacho niya, “Un jo-Israel, ka uyie lokoru, to duoguru ira. Wituru nyisecheu manono ma amon-go mondo uluw mana an.

Motingʼo Loko Manyien

¹ Jehova Nyasaye wacho niya, “Ka ibiro duogo, yaye Israel, to duog ira. Ka igolo nyisechegi mopa mamonogo e nyima ma ok ubaro,

Jeremia 4:1 Iomraidhean Croise

Chakruok 35:2

Omiyo Jakobo nowacho ni joode kod joma nodak kode niya, “Goluru nyiseche mag pinje mamoko ma un go. Pwodhreuru, kendo rwakuru lewni maler.

2 Ruodhi 23:13

Ruoth noketho bende kuonde hembko mane ni yo milambo mar got Zeituni, man yo wuok chieng’ mar Jerusalem, mane Solomon ruodh Israel ogero ni Ashteroth, nyasaye ma kuero mar jo-Sidon, gi Kemosh, nyasach jo-Moab, kod Milkom, nyasach jo-Amon.

2 Ruodhi 23:24

Bende Josia nogolo jonyakalondo, gi ajuoke, gi kido mag nyiseche manono miluongo ni Terafim, gi nyiseche mamoko molos gi lwet dhano, kaachiel gitimbe makuero duto mane onwang’ e piny Juda, kendo e Jerusalem. Kamano noluwo weche mag chik mane ondik e kitabu mane Hilkia jadolo oyudo e Od Ruoth Nyasaye.

2 Weche mag Ndalo 15:8

Kane Asa owinjo weche mane Azaria wuod Oded okorone, notimo chir mogolo nyiseche mokwer e piny Juda gi Benjamin duto kod mier duto ma nokawo e piny gode mag Efraim. Noloso kendo-mar-misango mar Ruoth Nyasaye mane nie nyim agoch Od Ruoth Nyasaye.

2 Weche mag Ndalo 33:8

Ka jo-Israel orito kendo otimo gik moko duto ma nachikogi, kendo oluwo buche gi chike duto mane Musa onyisogi, to ok nariembgi e piny mane amiyo kweregi.”

2 Weche mag Ndalo 34:33

Bang’e Josia nogolo gik makuero duto mane nie piny Israel, mi nomiyo ji duto modak e Israel otiyo ni Ruoth Nyasaye ma Nyasachgi. Ne ok giweyo luwo Ruoth Nyasaye ma Nyasach kweregi e ndalo Josia duto.

Isaya 31:6

Yaye, jo-Israel, duoguru ir Nyasaye ma useweyo chuth,

Jeremia 15:19

To Ruoth Nyasaye nodwoka niya, “Ka iduogo ira, to abiro rwaki, mi inichak ibed jatichna, ka iwacho weche makare, ma ok weche manono, to inichak ibed janabina. Ji biro biro iri, to ok inidhi irgi.

Jeremia 15:4

Abiro miyo ogendini duto mag piny bwog konenogi, nikech gik maricho mane Manase wuod Hezekia otimo Jerusalem kane en ruodh Juda.

Jeremia 18:11

Omiyo koro dhi inyis jo-Juda gi jo-Jerusalem ni achano kelonigi masira, kendo abiro kumogi. Kwergi mondo giwe richogi. Kendo ng’ato ka ng’ato olok yorene gi timbene maricho.

Jeremia 24:9

Abiro kelo kuomgi masira malich ma nomi ogendini duto bed maluor. Ji nobed ka ngerogi, kendo tugo kodgi. Bende ji nochargi, kendo noluong nyinggi ka gima okuong’ kuonde duto ma akeyogie.

Jeremia 25:5

Jonabigo ne nyisou mondo uwe yoreu gi timbeu maricho, eka udag e piny mane Ruoth Nyasaye omiyou kaachiel gi kwereu ka mwanduu mosiko.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 3:14

“Duoguru ira un nyithinda moseweya, nimar an ruodhu. Abiro golo ji manok kuomu e miechu kendo e dhoutu, mi adwoku e got Sayun.

Jeremia 3:22

Duoguru un nyithinda moseweya, mondo aloku joma kare. Udwoka niya, ‘Ee, waduogo iri, nimar in e Ruoth Nyasaye ma Nyasachwa.

Jeremia 35:15

Bende asebedo ka aoronu jotichna ma jonabi, kendo gisekwerou ni mondo uwe timbe maricho, utim gik makare. Ne gisiemou ni uwe lamo nyiseche mamoko mondo udag aming’a e piny mane amiyou gi kwereu. To ne ok unyal winja, kata chiko itu kuom gima awacho.

Jeremia 36:3

Kamoro ka jo-Juda owinjo masiche duto ma achano kelo kuomgi, to ginyalo weyo yoregi maricho. Bang’e anyaloweyonigi timbegi maricho kod richogi.”

Jeremia 4:4

Un jo-Juda gi jo-Jerusalem, rituru singruokna, kendo timuru gik madwaro, nono to gik maricho musetimo biro miyo mirimba liel ka mach ma onge ng’ama nyalo nego.’

Jeremia 7:3

Ruoth Nyasaye Manyalo Gik Moko Duto kendo ma Nyasach Israel, owacho ni mondo ulok yoreu gi timbeu maricho, eka owe udak kaeri.

Jeremia 7:5

Lokuru yoreu gi timbeu, kendo ng’ato ka ng’ato mondo otim ni wadgi gima kare.

Jeremia 7:7

Kulokoru kamano to anyalo weyo udag kaeri e piny mane amiyo kwereu chon mondo obed margi nyaka chieng’.

Ezekiel 11:18

Ka gisedwogo to giniwit nyiseche manono ma giyudo kuno, kendo giniwe timbegi makuero.

Ezekiel 18:13

bende oholo ji pesa mondo oyudie ohala. Koro ng’at makamano dibed mangima adier? Ooyo, ok onyal bet mangima. Enotho, nikech osetimo timbe modwanyorego duto, kendo rembe nodog e wiye owuon.

Ezekiel 43:9

To koro nyaka giwe lamo nyiseche mamoko, kendo giwit kite ma giparogo ruodhigi. Ka gitimo kamano, to anadag e kindgi nyaka chieng’.”

Hosea 14:1

Duoguru ir Ruoth Nyasachu un jo-Israel. Richou osemiyo uchwanyoru, mi upodho.

Hosea 2:2

“Nyithinda, wuoru gi meru! Donge en e chiega, to an e chwore? Wuouru kode mondo owe timbene mag terruok.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Joel 2:12

Ruoth Nyasaye owacho niya, “To kata mana sani, lokreuru gi chunyu duto, mondo uduog ira kuriyo kech, kendo kuywak kendo kukuyo.

Zekaria 1:4

Kik ubed machal gi kwereu mane jonabi machon ywaknigi kawacho ni, ‘Ruoth Nyasaye Manyalo Gik Moko Duto wacho niya, “Weuru yoreu maricho kod timbeu mamono mondo uduog ira.” ’ To ne ok gichiko itgi kata dewo wechena ne ok gidewo. An Ruoth Nyasaye ema awacho kamano.

Rapar mar Chik 27:15

“ ‘Okuong’ ng’at moloso kido mar nyasaye manono mar bao kata mar chuma, kata bed ni oketo gino kama opondo. Mano en tim makuero e nyim Ruoth Nyasaye.

Rapar mar Chik 4:30

To mogik, ka gigi otimorenu, mi udonjo e masira, to unudog ir Ruoth Nyasaye ma Nyasachu, kendo unurit chikene.

Joshua 24:14

“Kuom mano, lamuru Ruoth Nyasaye, kendo tineuru gi chuny modimbore. Wituru nyiseche mane kwereu lamo kane gidak loka aora Yufrate, kendo e piny Misri, to lamuru mana Ruoth Nyasaye.

Jong’ad Bura 10:16

Kuom mano ne giwito nyisechegi manono, mi gilamo Ruoth Nyasaye. Eka Ruoth Nyasaye nokechogi kuom thagruokgi.

1 Samuel 7:3

Samuel nowacho ni jo-Israel duto niya, “Ka en adier ni uduogo ir Ruoth Nyasaye gi chunyu duto, to wituru nyiseche mag pinje mamoko, kod nyiseche mamon miluongo ni Ashtaroth. Chiwreuru ni Ruoth Nyasaye, kendo uti mana ni en kende, mi enoresu e lwet jo-Filistia.”