Jeremia 3:6 - MUMA MALER 2015

⁶ E ndalo loch ruoth Josia, Ruoth Nyasaye nopenja niya, “Iseneno gima jo-Israel otimo ka giweya? Giseidho gode duto, kendo gisedhi e tiend yien duto motimo otiep, mi gilamoe nyiseche manono mana kaka dhako ma jachode ringo koni gi koni kadwaro chwo.

Motingʼo Loko Manyien

⁶ E kinde mar loch Ruoth Josia, Jehova Nyasaye nowachona niya, “Bende iseneno gima Israel ma ok ja-ratiro otimo? Osedhi ewi gode duto matindo maboyo kendo e bwo yiende duto motimo otiep mi osechodo kanyo.

Jeremia 3:6 Iomraidhean Croise

1 Ruodhi 14:23

Ne giloso ut lemo e hembko mane ni kuonde moting’ore, kendo ne gichungo sirni milamo mag kite gi mag yath, e gode maboyo duto, kendo e tiend yien moro amora motimo otiep.

2 Weche mag Ndalo 34:1

Josia ne jahigni aboro kane odoko ruoth, morito piny kuom higni piero adek gachiel, kodak Jerusalem.

Zaburi 106:39

Gin bende ne gidoko mogak gi timbegi modwanyorego, mi giweyo luwo Nyasaye.

Isaya 57:3

To un nyithind ajuoga, biuru ka! Ee, un koth ng’at ma jaterre kod dhako ma jamganga, suduru machiegni!

Isaya 57:7

Bende ewi got moro marabora e kama isedwanyorie. Kuno bende iseidhoe mitimoe misengni,

Jeremia 1:2

Wach Ruoth Nyasaye nobirone e higa mar apar gadek mar loch Josia wuod Amon, ruodh Juda,

Jeremia 11:10

Gisedok e richo kweregi mane otamore timo gima ne awacho, nikech gisebedo ka gilamo nyiseche manono. Jo-Israel gi jo-Juda oseketho singruok mane atimo gi kweregi.

Jeremia 17:2

Yawuotu paro kende-mag-liswa kod sirni milamo mane ochung’ e tiend yien duto motimo tiep, kendo e pidhe

Jeremia 3:8

Ne gineno bende kaka ne ariembo jo-Israel nikech ne giweya ka dhako moweyo chwore, to dwanyore gi chwo mamoko. To jo-Juda ma owetegigo ma bende joma andhoke ne ok odewo, mi gin bende ne giweya, kendo ne gidhi gidwanyore ka dhako moweyo chwore to dwanyore gi chwo mamoko.

Jeremia 31:22

Ubiro digni kamano nyaka karang’o, un joma andhokegi? An Ruoth Nyasaye asechueyo gimoro ma hono: asemiyo dhako odoko maratego mana ka dichwo!”

Jeremia 5:11

Jo-Israel gi jo-Juda oseweya adier. An Ruoth Nyasaye ema awacho kamano.”

Jeremia 7:24

To ne ok gidewa, bende ne ok giwinjo wachna. Ne gisiko ka gitimo timbe mag wichkuot, kendo kar dhi nyime, to ne gidok chien.

Ezekiel 16:31

Ne igero kuonde ma ilamoe nyiseche manono e wang’yore duto to kendo itimoe timbe chode. To in ok ikaw pesa, ka mon mamoko ma jochode!

Ezekiel 16:35

“Koro in dhako ma jachode, winji gima an Ruoth Nyasaye awacho.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Ezekiel 23:11

“Kata obedo ni Oholiba ne oneno gigo duto, to ne odoko achach, mi otimo timbe maricho, kochodo moloyo kata mana Ohola.

Ezekiel 23:4

Nyako maduong’ ne nyinge Ohola, to matin ne nyinge Oholiba. Ne akendogi giduto, mi ginywolona nyithindo. (Ohola ochung’ kar Samaria, to Oholiba ochung’ kar Jerusalem.)

Hosea 11:7

Giseweya, omiyo ok ginyal tony, kendo gibiro ywak nikech jok motuenigi, to onge ng’ama nogonynigigo.

Hosea 4:13

Gitimo misengni ewi gode, kendo giwang’o ubani kuonde moting’ore e bwo yien maboyo motimo otiep nikech nitie tipo mang’ich kuondego. Mano emomiyo nyiu tiyo tich chode, to mond yawuotu tiyo tich terruok.

Jong’ad Bura 2:17

To kata kamano ne ok gidewo kata mana jotelogo. Ne giduwore, mi gitiyo ni nyiseche mamoko, kendo ne gilamogi. Piyopiyo nono ne gibaro, mi giweyo rito chik Ruoth Nyasaye mane kweregi orito, kendo ne ok giluoro Ruoth Nyasaye.