Jeremia 3:5 - MUMA MALER 2015

⁵ Uwuoyo kamano kuparo ni ok nakechi mochwere, kendo ni mirima ok nomaka kodu nyaka chieng’. Un jo-Israel, mano e gima nuwacho, to kata kamano, pod nutimo atima richo duto mane unyalo.”

Motingʼo Loko Manyien

⁵ inisik ka iyi owangʼ? Bende mirimbi biro bedo manyaka chiengʼ? Ma e kaka iwuoyo, to itimo timbe mamono duto minyalo.”

Jeremia 3:5 Iomraidhean Croise

2 Weche mag Ndalo 29:10

Koro adwaro singora ni Ruoth Nyasaye ma Nyasach Israel ni wanamak chikne, mondo chunye olend kuom mirima mager ma en go kodwa.

Zaburi 85:5

Ibiro kecho kodwa nyaka chieng’ koso? Koso mirimbi biro siko nyaka karang’o?

Zaburi 85:6

Wan jogi, yie idwognwa tekowa mondo wapaki.

Isaya 57:16

Ok anabed kadhaw ndalo duto, bende ok anabed kakecho nyaka chieng’, nimar ka da bed ni atimo kamano, to ji duto mane achueyo ditho.

Isaya 64:9

A Ruoth Nyasaye, kik ibed gi mirima moloyo kaka owinjore, kata paro richowa ndalo duto. Rangwa wahombi, nikech wan duto wan jogi.

Jeremia 3:12

Omiyo dhiyo e piny man yo nyandwat mondo iwach ni jo-Israel kama: ‘Duoguru ira un jo-Israel ma andhokegi. Aherou gi hera mosiko, omiyo ok nasik ka akecho kodu nyaka chieng’.

Jeremia 8:5

Ka kamano, to ere gima omiyo gibaro giweya ma ok ginyal duogo ira ngang’? Gituere kuom nyisechegi manono, kendo gidagi duogo ira.

Jeremia 8:6

Ne achiko ita mondo awinj wechegi, to ne ok giwacho adiera kata achiel. Onge kata ng’at achiel kuomgi moseloko chunye kuom timbegi maricho, kata moseywagore kuom richo mosetimo. Ng’ato ka ng’ato mwomore e timbene, mana ka faras lweny mochodo kochiko wasigu.

Ezekiel 22:6

Jotend Israel duto osetiyo gi teko ma gin go, mi ginego ji.

Mika 2:1

Enobed marach manade ni joma riere e kitanda ka paro timo timbe maricho! Gichiew ka piny yawore mondo gitim richogo, nikech ging’eyo ni gin gi teko mar timo kamano.

Mika 7:3

Gitimo timbe maricho gi chunygi duto. Jodongo kwayo gik moko mondo omigi, kendo jong’ad bura chamo asoya, bende jotelo golo chik mana kaka gin ema gihero.