Jeremia 3:3 - MUMA MALER 2015

³ Mano emomiyo koth ne ok ochue, kata mana kodh opon ne ok oton. To bende uchalo dhako ma jachode, nikech uonge gi wichkuot.

Motingʼo Loko Manyien

³ Emomiyo osetuonu koth, kendo kodh chwiri pod ok ochwe. Kata kamano in gi neno machalo gi mar ochot; wiyi bende ok kuodi nikech ionge gi wichkuot.

Jeremia 3:3 Iomraidhean Croise

Chakruok 19:34

Kinyne nyako maduong’ nowacho ni matin niya, “Ne! Nyoro wuonwa onindo koda. Wamere gi kong’o kendo kawuono, mondo idhi onind kodi, nimar dipo ka wanywolo nyithindo kode.”

Nehemia 9:17

Ne gitamore luwo chikni, kendo ne ok giparo honni ma nitimo e nyimgi. Ne gisiko ka tokgi tek, mi giketo ng’ato otelnigi, mondo gidog gibed wasumbni e piny Misri. To ne ok ijwang’ogi, nikech in Nyasaye mang’won, ma weyoni ji richogi, kendo mohero kecho ji. Iyi ok wang’ piyo, to herani osiko.

Ngeche 21:29

Ng’at makare ong’eyo gima otimo. Jaricho to wuondore awuonda.

Isaya 5:6

Kamano, anawe okethre. Bende ok nolwer bede olembene, kata doch ok nodoye, to kudho kod pedo ema nogawree, kendo anakwer boche polo mondo koth kik chak chue kanyo.

Jeremia 14:1

Ruoth Nyasaye nowuoyo gi Jeremia kuom oro mane omako piny niya,

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 14:3

Jodongo oro jotichgi mondo oumbnigi, to ka gichopo e sokni, to ok giyud pi, omiyo giduogo gi dapige nono. Giumo wigi nikech gidhier nono, kendo gikia gima ginyalo timo.

Jeremia 14:4

Chuny jopur lit, nikech koth onge, kendo piny otwo, omiyo giumo wigi.

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Jeremia 5:24

Ne ok uwacho e chunyu niya, ‘Ber waluor Ruoth Nyasachwa, ma miyowa kodh chwiri gi kodh opon e kinde mowinjore, kendo ma miyowa kinde mwakeyoe higa ka higa.’

Jeremia 5:25

To timbeu maricho oseketho gigo, kendo richou osemono gik mabeyo ma kamago bironu.

Jeremia 5:3

Donge adiera ema Ruoth Nyasaye dwaro? Ne ogoyou piny, to ne ok udewo. Ne osandou malit, to ne utamoru winjo puonjne. Wiu tek ka lwanda, kendo udagi duogo ire,

Jeremia 6:15

Bende uparo ni wigi nokuot nikech gik makuero mane gitimogo koso? Ooyo, wigi ne ok okuot kata matin, to bende gionge gi wichkuot! Kuom mano, ginipodhi kaka jomoko osepodho, kendo ka akumogi to ginirum. An Ruoth Nyasaye ema awacho kamano.”

Jeremia 8:12

Bende uparo ni wigi okuot nikech timbe makuero mane gitimogo koso? Ooyo, wigi ok okuot kata matin, bende gionge gi wichkuot. Kuom mano, gibiro podho kaka ji mamoko osepodho, kendo ka akumogi to ginirum. An Ruoth Nyasaye ema awacho kamano.

Jeremia 9:12

Jeremia nopenjo Ruoth Nyasaye niya, “Ere gimomiyo piny okethore kendo otwo, ka piny motimo ongoro ma onge ng’ama wuothoe? Ere ng’ama riek manyalo winjo tiend wachni? Koso en ng’a ma isenyiso tiende mondo onyis joma moko?”

Ezekiel 3:7

To jo-Israel ok bi chiko itgi mondo owinj gima iwacho, nikech an bende ne gitamore winjo wachna. Giduto gin jopiem, kendo wigi tek.

Tim jo-Lawi 26:19

Anaketh sunga mar wich teko, ma un go. Anami polo malo rieny ka chuma, kendo piny mwalo dok matek ka mula.

Amos 4:7

Ne atamo koth chuenu e ndalo monego ochuee. Ne amiyo koth ochue e mier moko, to puothe mane ok ochuee nowang’.

Amos 4:8

Ji ne a e mier moko, kendo wuotho kool kadhi e dala moro dwaro pi, to ne ok giyud moromogi. To kata kamano, ne ok uduogo ira.

Zefania 2:1

Chokreuru kanyakla, un oganda ma onge gi wichkuotni,

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Hagai 1:11

Asehono oro mondo otwo piny kaachiel gi gode, mi cham gi mzabibu kod zeituni, gi gik moko duto ma piny nyago, ner, mondo kech omak dhano gi jamni kendo oketh tije duto ma dhano oloso.’ ”

Rapar mar Chik 28:23

Polo norieny ka mula, to piny nodok matek ka chuma.

Jo-Hibrania 12:25

Ritreuru mondo kik utamru winjo dwond Jal mawuoyo kodu. Joma notamore winjo dwond Musa kane Nyasaye omiyo owuoyo gi ji e piny, ne ok otony. Wan to dwatony nadi ka watamore winjo Jal mawuoyo kodwa gie polo?