Jeremia 3:2 - MUMA MALER 2015

² Ranguru wi gode malo mondo uneye, bende nitie kamoro ma pok ulemoe kudwanyoru? Uchalo dhako ma jachode ma obet e bath yo karito chwo, kata ka ja-Arabu ma jamecho mopondo e thim, kakiyo joma odwaro yako. Usedwanyo piny gi timbeu maricho machalo timbe chode.

Motingʼo Loko Manyien

² Tingʼ wangʼi malo mondo ingʼiane kuonde motimo ongoro motingʼore mondo ine. Bende nitiere kamoro amora modongʼ e piny mapok iterorigo? E dir yo ne ibet piny ka irito johera magi, ibet piny ka jakwath mamanyo pi ne dhoge e piny motwo. Isedwanyo piny gi chode mari, kod timbegi mamono.

Jeremia 3:2 Iomraidhean Croise

Chakruok 38:14

nolonyo lepe mag chola mi oloso dende, kendo oumo wang’e gi nanga. Eka nodhi mobet e akek yo madhi Timna. Notimo kamano nimar nong’eyo ni Shela nosebedo maduong’ to ne pok omiyego mondo okende.

1 Ruodhi 11:3

Ne en gi mon mia abiriyo ma nyi ruodhi, kod mon mamoko mia adek.

2 Ruodhi 23:13

Ruoth noketho bende kuonde hembko mane ni yo milambo mar got Zeituni, man yo wuok chieng’ mar Jerusalem, mane Solomon ruodh Israel ogero ni Ashteroth, nyasaye ma kuero mar jo-Sidon, gi Kemosh, nyasach jo-Moab, kod Milkom, nyasach jo-Amon.

Zaburi 106:38

Adier, ne gichwero remb yawuotgi gi nyigi ma onge ketho ka gichiwonigi ni nyiseche manono mag Kanaan, mi piny nodoko mogak nikech remo ma nochuerno.

Ngeche 23:28

Gibuto ni ji ka jomecho, kendo gimiyo ji mathoth donjo e richo.

Ngeche 7:11

Ne en dhako ma wang’e tek, kendo maonge wichkuot. Pile ne owuotho e gweng’,

Jeremia 12:12

Ji oseng’ado gode mae thim ka gibiro mondo giyeki. To an ema aoro lweny mondo otiek pinyno, ma onge ng’at manyalo dakie gi kue.

Jeremia 2:20

Yaye jo-Israel, chon gi lala ne udagi lochna, kendo ne utamoru rito chikna, kuwacho ni ok unutina. To nulemo alema ewi gode maboyo duto, kendo e tiend yien duto motimo otiep, mi udwanyoru ka dhako ma jachode.

Jeremia 2:23

Ere kaka unyalo wacho ni pok udwanyoru, bende ni pok ulamo Baal? Parieuru kaka ne utimo richo e holo, kendo neyeuru gik ma usetimo. Uchalo ngamia madhako madwaro thuondi, ma tho ringo aringa koni gi koni.

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Jeremia 3:1

Ruoth Nyasaye owacho niya, “Ka ng’ato oriembo chiege, mi chiegeno odhi, kendo bang’e ng’at machielo okende, to chwore mokwongo ok nyal kawe kendo, nikech dhakono koro ogak. To un jo-Israel useweya, mulamo nyiseche mang’eny, kudwanyoru mana ka dhako madwanyore gi chwo mang’eny, to koro udwaro duogo ira!

Jeremia 3:13

Mak mana ni nyaka uyie ni useketho, kendo nyaka uyie ni usepiem gi Ruoth Nyasaye ma Nyasachu. Bende yieuru ni usedwanyoru gi nyiseche mamoko e tiend yien duto motimo otiep, kendo ne ok uwinjo wachna.’ An Ruoth Nyasaye ema awacho kamano.

Jeremia 3:21

“Koko gore ewi gode! Gin jo-Israel ma ywak ka kwayo ng’wono, nimar gisebedo ka giluwo yore maricho, ka ok gidew Ruoth Nyasaye ma Nyasachgi.

Jeremia 3:9

Ne gidwanyo adwanya piny gi timbegi mag lamo kite kod yien.

Jeremia 7:29

“Yaye, jo-Jerusalem, ma yie wiu maboyo en ranyisi ni un joma owalna, dhiuru uliego oko, kendo udhi uywagi ewi gode, nimar an Ruoth Nyasaye asedagi joma akechogogi kendo aseweyogi.

Ezekiel 16:16

Ne ikawo lepi moko ma ilicho kuondeni mag lemo, kendo ne idwanyori gi ji duto kuondego, mana ka dhako ma jachode.

Ezekiel 20:28

Kane akelogi e piny mane asingora ni namigi, to kamoro amora mane ginenoe got mabor kata yath motimo otiep ne gitimoe misengni. Misengni miwang’o kod mago miolo piny mane gitimo, ne omiya mirima.

Hosea 2:5

ema nonywologi e terruok. Dhako mane onywologino onge gi wichkuot, nimar owacho niya, ‘Adwaro chodena, nikech gin ema ne gimiya chiemo gi pi, gi mo kod divai, kod yie rombe, gi pamba michweyo nanga.’

Luka 16:23

Kane en e Piny Joma Otho kisande malit, noting’o wang’e moneno Ibrahim gi kuma bor, kod Lazaro kobet e bathe.

Rapar mar Chik 12:2

Nyaka uketh chuth kuonde ma ogendini mubiro riembogo lamoe nyisechegi, kata ka gin ewi gode maboyo kata ewi gode matindo, kata mana ka gin e tiend yath moro amora motimo otiep.