Jeremia 26:9 - MUMA MALER 2015

⁹ Ere gima omiyo ikoro wach e nying Ruoth Nyasaye ni Hekalu biro chalo gi Shilo, kendo ni dalani ibiro kethi, ma onge ng’ama nodagie?” Gikanyono ji nochokore mang’eny, molworo Jeremia ei Hekalu.

Motingʼo Loko Manyien

⁹ Angʼo ma omiyo ikoro e nying Jehova Nyasaye ni odni biro chalo ka Shilo kendo ni dala maduongʼni nojwangʼ kendo nokethi maonge ngʼama nodagie?” Kendo ji duto nochokore kolworo Jeremia e od Jehova Nyasaye.

Jeremia 26:9 Iomraidhean Croise

2 Weche mag Ndalo 25:16

Kane pod janabino wuoyo, ruoth nopenje niya, “Waseketi jabuch ruoth koso? Ling’! Koso idwaro tho?” Mi janabi noling’ matin, to bang’e nowacho niya, “Koro ang’eyo ni Nyasaye osechano mondo otieki, nikech isedagi winjo puonjna.”

Isaya 29:21

Gin jogo ma ketho nying ji, kendo ma buto mondo ohiny jong’ad bura, bende gimiyo buch ng’at makare iketho kayiem nono.

Jeremia 32:3

Ruoth Zedekia notueye kanyo nikech noyudo osekoro wach niya, “Ruoth Nyasaye osewacho ni obiro chiwo Jerusalem e lwet ruodh Babulon, mi kaw,

Jeremia 33:10

Ruoth Nyasaye nowacho niya, “Ji wacho ni kaeri chalo gi thim, kendo onge ji kata jamni modakie. En adier ni miech Juda kod yore mag Jerusalem odong’ nono, kendo onge ji kata jamni mantie.

Jeremia 36:29

Bende Ruoth Nyasaye ne owachone mondo onyis ruoth Jehoyakim niya, “Isewang’o kitabu, kendo isepenjo Jeremia gima omiyo ne ondiko ni ruodh Babulon biro biro ketho pinyni, kendo nego ji modakie koda ka jamni.

Jeremia 9:11

Ruoth Nyasaye owacho niya, “Abiro loko miech Jerusalem gundni kama ondiegi ema odakie, kendo miech Juda abiro loko thim.”

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Amos 5:10

Un to umon gi ng’ama odonjo ni jaketho, kendo uchayo ng’at mawacho adiera.

Mika 2:6

Ji lwera, kawachona niya “Kik ilwerwa! We lwerowa gi weche ma kamago. Masira ma kamano ok bi makowa!

Mathayo 21:23

Kane Yesu ochako odonjo e Hekalu, jodolo madongo kod jodong oganda nobiro ire kane oyudo opuonjo, mopenje niya, “Ere teko ma in-go, momiyo itimo gik makamagi? Koso ng’ama omiyi teko mar timogi?”

Mathayo 27:20

To noyudo jodolo madongo gi jodong oganda osesemo ji mondo okwa Pilato ogonynigi mana Baraba, to Yesu mondo onegi.

Mariko 15:11

To jodolo madongo nojiwo ji ni mondo okwa Pilato ogonynigi mana Baraba.

Johana 8:20

Yesu nowacho wechego duto kopuonjo ji e Hekalu, ei ot mane oketie sanduge mag sadaka. Kata kamano onge ng’ama nomake, nikech kindene ne pok ochopo.

Johana 8:59

Kane giwinjo kamano, ne gikwanyo kite mondo gigoyego, to nopondo, mi owuok e Hekalu.

Tich Joote 13:50

To jo-Yahudi noketho chuny jodong dalano, kod chuny mond joma dongodongo ma ok jo-Yahudi mane oluoro Nyasaye. Kamano ne gimiyo ji osando Paulo gi Barnaba, mi giriembogi gia e gweng’gi.

Tich Joote 21:30

Wachno nomiyo koko omwoch e Jerusalem duto, kendo ji noringo kaachiel, mi omako Paulo oywayo oko e Hekalu, kendo gi kanyono dhoranga Hekalu nolor.

Tich Joote 22:22

Ji noseyudo obet kawinjo weche Paulo, to kane ochopo e wachno, ne gikok matek niya, “Negeuru! Ng’at ma kama ok owinjore obed mangima!”

Tich Joote 3:11

To kane pod ng’atno otwere kuom Petro gi Johana, ji duto noringo odhi irgi e agoch Hekalu miluongo ni, ‘Agoch Solomon’, kawuoro!

Tich Joote 5:12

Joote notimo honni kod ranyisi mang’eny, kendo joma oyie duto ne chokore gi chuny achiel e Agoch Solomon.

Tich Joote 5:28

“Donge ne wakwerou matek ni kik upuonj ji e nying ng’atni? To koro neyeuru gima usetimo! Usepong’o Jerusalem duto gi puonju, kendo udwaro kelo remb ng’atni e wiwa!”

Tich Joote 6:14

Ne wawinjo kowacho ni Yesu ma ja-Nazarethni biro ketho Hekalu, mi lok tim mane Musa omiyowa mondo waluw chakre chon.”

Joshua 18:1

Ka ne jo-Israel osekawo pinyno, ne gichokore Shilo giduto, mi giguro Hemb Romo kuro.