Jeremia 26:3 - MUMA MALER 2015

³ Kamoro dipo ka ji owinjo wechego, mi ng’ato ka ng’ato oweyo timbene maricho. Ka giweyo timbegi maricho kamano, to analok parona kuom masira mane adwaro kelo kuomgi.

Motingʼo Loko Manyien

³ Sa moro ginichik itgi kendo ngʼato ka ngʼato olokre owe yorene maricho. Eka analok pacha kendo ok anakel kuomgi masira mane achano nikech timbe maricho magisetimo.

Jeremia 26:3 Iomraidhean Croise

1 Ruodhi 21:27

Kane Ahab owinjo wechego, noyiecho lepe, morwako pien gugru e dende. Notueyo chiemo, monindo e pien gugru, kendo nodembore koboch.

1 Ruodhi 21:29

“Bende ineno kaka Ahab odembore e nyima? Ok abi kelo masira e ndalone, nikech osebedo modembore e nyima kamano, to abiro kelo masira e ode mana e ndalo wuode.”

Jeremia 26:13

Nyaka ulok yoreu gi timbeu, kendo nyaka uluor Ruoth Nyasaye ma Nyasachu. Eka onyalo loko parone kuom masira ma osewacho ni obiro kelo kuomu.

Jeremia 26:19

To uparo ni ruoth Hezekia kod joge nonego Mika koso? Ooyo ne ok ginege, to Hezekia noluoro Ruoth Nyasaye, mi otemo kueyo mirimb Nyasaye. Kuom mano Ruoth Nyasaye noloko parone kuom masira mane osewacho ni obiro kelo kuomgi. To wan to koro ere gima omiyo wadwaro kelo masira malich kuomwa?”

Jeremia 36:3

Kamoro ka jo-Juda owinjo masiche duto ma achano kelo kuomgi, to ginyalo weyo yoregi maricho. Bang’e anyaloweyonigi timbegi maricho kod richogi.”

Jeremia 36:7

Kamoro dipo ka gilamo Ruoth Nyasaye, mi gilokore giweyo yoregi maricho, nimar osesiemogi ni obiro kumogi gi mirimbe mager.”

Ezekiel 12:3

“Koro in wuod dhano, tue misigo mana ka ng’at maringo tony e lweny, mondo ichak iwuoth mana godiechieng’. Nyaka iwe ji duto neni kiwuok idhi kamoro machielo. Ka gineno kidhi kamano, to kamoro dipo ka gineno ni gin joma jopiem.

Ezekiel 18:21

“Ka ng’at ma timbene mono oweyo richone, mi orito chikena kendo otimo timbe makare kendo malong’o, to ok notho, to nobed mangima.

Hosea 11:9

Ok nakumu gi mirimba mager, bende ok nachak aketh Israel, nimar an Nyasaye, to ok dhano. An Ng’ama Ler, an kodu, kendo ok nabi iru gi mirima.

Joel 2:14

Dipo ka Ruoth Nyasaye ma Nyasachu biro loko parone, mi oguedhu gi cham mogundho. Eka unubed gi mogo kod divai, ma unyalo timonego misengni miolo piny.

Jona 4:2

Omiyo nowacho ni Ruoth Nyasaye niya, “A Ruoth Nyasaye, kane pod an thurwa, donge nawacho ni ibiro timo gima kama? Mano emomiyo ne atemo ringo mondo adhi Tarshish, nikech nang’eyo ni in Nyasaye ma jang’wono, kendo makecho ji. Iyi ok wang’ piyo, kendo inyiso hera mosiko, bende chunyi lor a kuom kelo ni ji masira.