Jeremia 26:11 - MUMA MALER 2015

¹¹ Eka jodolo gi jonabi nonyiso jodongo kaachiel gi ji duto niya, “Owinjore ng’ad ni ng’atni buch tho, nikech osewuoyo marach kuom dalawa. Donge usewinje gi itu, kowuoyo?”

Motingʼo Loko Manyien

¹¹ Eka jodolo kod jonabi nowachone jotelo kod ji duto niya, “Ngʼatni onego ngʼadne buch nek nikech nokoro kuom dala maduongʼni. Usewinje gi itu uwegi!”

Jeremia 26:11 Iomraidhean Croise

Jeremia 18:23

To in Ruoth Nyasaye, ing’eyo gik moko duto ma gitimo ka gidwaro nega. Omiyo kik ing’wonngi kuom timbegi maricho, kendo kik iwenigi richogi. Kelgi e nyimi ka gichwanyore, kendo kumgi ka in gi mirima mager.”

Jeremia 26:16

Kane jodongo gi ji duto owinjo wechego, ne giwacho ni jodolo gi jonabi niya, “Ng’atni ok owinjore ng’adne buch tho, nikech osewuoyo mana kodwa e nying Ruoth Nyasaye ma Nyasachwa.”

Jeremia 38:4

Kane jodongogo owinjo wechego, ne ginyiso ruoth niya, “Ng’atni nyaka negi, nikech kowuoyo kama, to onyoso chuny jolweny kaachiel gi jomoko duto modong’ e dala ka. Emomiyo waneno ni ng’atni ok dwar konyo ji, to odwaro mana ni mondo giyud chandruok.”

Mathayo 26:66

Un uneno ang’o?” Ne gidwoke ni, “Bura oloye! Nyaka otho!”

Johana 18:30

To ne gidwoke ni, “Ka da bed ni ng’atni ok jaketho, to da ok wakele e nyimi.”

Johana 19:7

To jo-Yahudi nodwoke ni, “Wan gi chik mawacho ni owinjore otho nikech owacho ni en Wuod Nyasaye.”

Tich Joote 22:22

Ji noseyudo obet kawinjo weche Paulo, to kane ochopo e wachno, ne gikok matek niya, “Negeuru! Ng’at ma kama ok owinjore obed mangima!”

Rapar mar Chik 18:20

To janabi ma nohedhre wacho wach moro e nyinga ma ok achike ni mondo owachi, kata ma nowuo e nying nyiseche mamoko, nyaka negi.’

Jong’ad Bura 6:30

Omiyo ne giwacho ni Joash niya, “Gol wuodi oko, nimar osemuko kendo-mar-liswa mar Baal, kendo oseng’ado siro mane ochung’ e bathe. Omiyo nyaka otho.”