Jeremia 21:9 - MUMA MALER 2015

⁹ Ng’ato ang’ata modong’ Jerusalem, lweny kata kech kata tuo noneg, to ng’ato ang’ata modhi ochiwore e lwet jo-Babulon ma koro monjo dalani, ok nonegi. To enores mana ngimane kende.

Motingʼo Loko Manyien

⁹ Ngʼato angʼata modak e dala maduongʼni noneg gi ligangla, kech kod masira. To ngʼatno mowuok kendo otingʼo bade ne jo-Babulon molworou; notony gi ngimane.

Jeremia 21:9 Iomraidhean Croise

Jeremia 14:12

Kata ka gitueyo chiemo, to ok nawinj ywakgi, kendo kata ka gichiwona misengni miwang’o pep, gi mag erokamano, to ok nabed mamor kodgi. Abiro miyo githo e lweny, kendo kech gi tuo biro negogi.”

Jeremia 21:7

To Zedekia ruodh Juda gi jodonge kod jodalani duto ma otony e lweny, kendo otony e kech gi tuo, abiro keto e lwet ruoth Nebukadnezar, kendo e lwet wasikgi ma dwaro negogi. Nebukadnezar biro negogi, kendo ok obi weyogi kata kechogi kata timonigi ng’wono. An Ruoth Nyasaye awacho kamano!”

Jeremia 24:10

Anakel kuomgi lweny gi kech kod tuo, nyaka chop girum pep e piny mane amiyogi gi kweregi.”

Jeremia 27:11

To ka oganda moro oyie tiyo ni ruodh Babulon, kendo rwako jokne, to anaweye obed e pinye, mi opure kendo odagie. An Ruoth Nyasaye ema awacho kamano.”

Jeremia 27:12

Jeremia nonyiso Zedekia ruodh Juda wechego, kowacho niya, “Ka uyie rwako jok mar ruodh Babulon mi utiyone kendo utiyo ni joge, eka unures ngimau.

Jeremia 27:13

Ere gimomiyo in kod jogi duto, to Nyasaye osewacho ni lweny kata kech kata tuo biro nego oganda moro amora ma ok ti ni ruodh Babulon?

Jeremia 38:2

ni Ruoth Nyasaye nosewacho niya, “Ng’ato ang’ata ma odong’ Jerusalem, lweny kata kech kata tuoche biro nego. To ng’ato ang’ata modhi ochiwore e lwet jo-Babulon ok nonegi. Enotony to ngimane kende ema noresi.”

Jeremia 38:3

Bende Jeremia ne nyiso ji ni Ruoth Nyasaye nosewacho niya, “Abiro chiwo dalani e lwet jolweny mag ruodh Babulon, mi kawe.”

Jeremia 39:18

Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”

Jeremia 45:5

Idwaro mondo iyud gik ma dongo dongo, to onego iwe dwarogi, nimar abiro kelo masira ni ji duto e piny. In to, initony kamoro amora midhiye, to ngimani kende ema niresi.’ ”

Ezekiel 5:12

Achiel kuom adek mar jou, tuo gi kech nonegi Jerusalem, to achiel kuom adek machielo ligangla ema nonegi e alwora mar dala. Achiel kuom adek modong’ to anake e tung’ piny gi tung’ piny, ka alawogi gi ligangla.