Jeremia 21:4 - MUMA MALER 2015

⁴ ni mondo onyis Zedekia ni Ruoth Nyasaye ma Nyasach Israel owacho niya, “Jolweny ma konyo Zedekia kedo gi ruodh Babulon gi joge mag lweny molworo ohinga mar Jerusalem abiro dwoko ei dala, kendo abiro dhuro gikgi mag lweny pidhe pidhe e chuny dala.

Motingʼo Loko Manyien

⁴ ‘Ma e gima Jehova Nyasaye, Nyasach Israel, wacho: Achiegni loko gige lweny manie lwetugo mondo ogou, magin mago mutiyogo mondo ukedgo gi ruodh Babulon kod jo-Babulon mantiere oko mar ohinga. Kendo anachokgi duto ei dala maduongʼni.

Jeremia 21:4 Iomraidhean Croise

Isaya 10:4

mondo kik gikirni e nyim jotuech, kata kik gipodhi e lwet janek? To kata kamano mirimb Ruoth Nyasaye ok norum, kendo pod nosik kokumou akuma.

Isaya 13:4

Winjuru kaka koko mar oganda mang’ongo gore ewi gode! En koko mar ogendini ma chokore kaa e pinje mopogore opogore. Ruoth Nyasaye Manyalo Gik Moko Duto choko oganda mang’ongo mar lwenyno.

Isaya 5:5

Koro chikuru itu, mondo uwinj gima abiro timo ni puotha mar mzabibu. Abiro pudho chiende oko, kendo abiro muko ohingane, mi dhok gi le nokwaye kendo nonyone piny.

Jeremia 20:4

Ruoth Nyasaye osewacho ni obiro miyo ilokri masira ni in iwuon, kendo ni osiepeni, kendo wasigu noneg osiepenigo duto e lweny mana kineno. Abiro keto jo-Juda duto e teko mar ruodh Babulon, kendo enoter moko e tuech Babulon, to moko nogol chik mondo onegi.

Jeremia 21:3

Eka Ruoth Nyasaye nowuoyo gi Jeremia, mi Jeremia nowacho ni jootego

Jeremia 32:24

“Jo-Babulon osedhuro lowo pidhe pidhe e alwora mar dala, kendo gimonje mondo gikawe. Lweny gi kech kod tuo biro miyo gikawe. A Ruoth Nyasaye, ineno kaka gigo mane iwacho timore.

Jeremia 32:3

Ruoth Zedekia notueye kanyo nikech noyudo osekoro wach niya, “Ruoth Nyasaye osewacho ni obiro chiwo Jerusalem e lwet ruodh Babulon, mi kaw,

Jeremia 32:5

Enotere Babulon kendo nobed kuno nyaka chop otimne gima odwaro. To kata da oked gi jo-Babulon matek manade, to ok nolo. Ruoth Nyasaye ema owacho kamano.”

Jeremia 33:5

nikech mano biro mana miyo dala pong’ gi ringre ji ma abiro nego ka an gi mirima mager. Asejwang’o dalani nikech timbe maricho ma joma odakie osetimo.

Jeremia 35:17

Omiyo an Ruoth Nyasaye Manyalo Gik Moko Duto kendo ma Nyasach Israel abiro kelo kuomu un jo-Juda gi jo-Jerusalem masiche duto mane asesiemougo, nikech ne ok unyal winja ka awuoyo kodu, bende ne ok unyal dwoka ka aluongou.”

Jeremia 39:3

Kane osekaw Jerusalem, jodongo duto mag ruodh Babulon kaka Nergal Serezer machielo, ne jobiro mobet piny e Dhorangach Madiere.

Jeremia 52:18

Bende ne gidhi gi agulini gi rachodhgi gi rangisni gi bakunde miting’oe remb misango, gi tep ubani kod gik moko duto mag mula ma nolos ni tich Hekalu.

Ywagruok 2:3

Kane iye owang’, to ne onego joma rateke duto mag Israel, kendo kane wasigu biro, to ne ok okonyogi gi tekone maduong’. Oseliel e piny joka Jakobo ka mach mawang’o gik moko duto man bute.

Ywagruok 2:5

Adier, Ruoth Nyasaye oselokore jasigu, mi otieko Israel. Osemuko udi madongo duto, kendo mier mochiel motegno oduoko piny, bende osekelo ni Jerusalem kuyo kod ywagruok.

Ywagruok 2:7

Osedagi kendone mar misango mi ojwang’o Hekalu mare. Nochiwo ut Sayun madongo e lwet wasigu, mi gigoyo koko e od Ruoth Nyasaye mana machal gi koko migoyo chieng’ sawo maduong’.

Ezekiel 39:3

Eka anago atung’i e badi ma koracham, kod aserni e badi korachwich, mi lwar piny.

Hosea 9:12

To kata kapo ni ginywolo nyithindo, to anami nyithindgigo tho duto mak aweyo kata achiel ka ngima. Ka ajwang’o jogi, to giniyud masira malich.

Zekaria 14:2

Enochok ogendini duto mondo oked gi Jerusalem, kendo dalano nokaw, mi mwandu manie udi noyaki, bende mon nomak gi thwon. Bath dala konchiel noter e tuech, to bathe komachielo nowe mana kanyo.

Mathayo 22:7

Mirima nohewo ruodhno, omiyo nooro askechene, mi odhi otieko jonekgo, kendo owang’o dalagi.