Jeremia 2:8 - MUMA MALER 2015

⁸ Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Motingʼo Loko Manyien

⁸ Jodolo ne ok openjo, ‘Ere Jehova Nyasaye?’ Jogo matiyo gi chik ne ok ongʼeya; jotelo nongʼanyona. Jonabi nokoro gi Baal, ka giluwo nyiseche manono.”

Jeremia 2:8 Iomraidhean Croise

1 Ruodhi 18:22

Eka Elija nowachonigi niya, “Eri an kende e janabi mar Ruoth Nyasaye modong’, to jonabi mag Baal gin mia ang’wen gi piero abich.

1 Ruodhi 18:29

Odiechieng’ nokadho, to ne gimedo dhumore nyaka sa michiwoe misango mar odhiambo. To ne onge dwoko, kata ng’ama dewo ywakgi.

1 Ruodhi 18:40

Elija nokonogi niya, “Makuru jonabi mag Baal. Kik uwe kata achiel tony.” Ne gimakogi, mi Elija noterogi mwalo e aora Kishon, monegogi kuno.

Ayub 35:10

To ok giywag ni Nyasaye ma jachwechgi, kendo mamiyogi teko e sa ma masira malich omakogie.

Isaya 28:7

To koro jotend Jerusalem duto bende gin jomer. Jodolo mage kod jonabine mer kendo kwang’ nikech kong’o makech, omiyo gitimo gik mofuwo. Gitagore ataga ka gineno fweny, kata ka ging’ado bura.

Isaya 29:10

Nimar Ruoth Nyasaye osemiyo ubedo gi chuny mar nindo matut. Ee, osedino wengeu, (tiende ni jonabiu), kendo oseumo wiyeu, (tiende ni jou ma koronu wach.)

Isaya 30:5

to uduto unuyud wichkuot kuom oganda ma ok nyal konyouno. Adier, ok unuyud konyruok kata ohala moro, to mana wichkuot kod achaye.”

Jeremia 10:21

Jeremia nodwokogi niya, “Jotelo mau onge gi rieko, nikech ok gipenj wach kuom Ruoth Nyasaye. Mano emomiyo ok gisetimo gimoro maber, kendo jowa oseke kuonde duto.

Jeremia 12:10

Jotelo mag pinje mamoko oseketho puotha mar mzabibu. Gisenyono puothena piny gi tiendgi, mi giloko pinya maber odoko motwo ma ok nyag gimoro.

Jeremia 16:19

Eka Jeremia nolemo ka wacho kama: “A Ruoth Nyasaye, in ema imiya teko, kendo irita, bende in e kara ma abwokie e kinde mag chandruok. Ogendini moa tung’ piny ka tung’ piny nobi iri, kawacho niya, ‘Kwerewa ne lamo nyiseche manono ma gin mana kido ma onge tich.

Jeremia 18:18

Bang’ mano ji nowacho niya “Wang’aduru rieko mondo wanyal Jeremia. Pod nobedie abeda jodolo manyalo telonwa, gi joma riek manyalo ng’adonwa rieko, kod jonabi manyalo nyisowa wach Nyasaye. Biuru wahangne wach, kendo wawe dewo gima owacho.”

Jeremia 2:11

ka oganda moro oseweyo nyisechegi, moluwo nyiseche mamoko, kata obedo ni ok gin nyiseche madieri kamano? To un joga, useweya, an Nyasachu moseting’ou malo, mi ulamo nyiseche ma ok nyal konyou.

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 4:22

Ruoth Nyasaye wacho niya, “Joga ofuwo, kendo ok ging’eya. Gichalo gi nyithindo momemore, kendo maonge rieko. Richo ema ging’eyo timo, to timo gima ber otamogi.”

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 7:8

Onge gima uyudo kuom keto chunyu e wach miriambo muwachono.

Jeremia 9:14

Gisebedo mana ka wigi tek, ka gitimo dwarogi giwegi, kendo giselamo kido manono mag Baal, kaka ne kweregi opuonjogi.

Ezekiel 22:26

Jodolo bende ketho chikna, kendo ok gimi gik mowalna duong’. Ok gipog gik ma owalna gi gik ma ok owalna, bende ok gipuonj ji pogruok manie kind gik maler kod gik ma ok ler, kendo ok girit Sabatona. Mano emomiyo jo-Israel ok miya duong’.

Ezekiel 34:2

“Wuod dhano, kwed jotend Israel, ma akwano ka jokwadh joga. Kornigi wach, kinyisogi ni an Ruoth Nyasaye awacho kama: Unune malit, un jokwath mag Israel! Uritoru mana un uwegi, to rombe to ok udew.

Hosea 4:6

Un joga, osetieku, nikech ok uyie lochna. Jodolo mau osedagi yie kuoma, kendo gisetamore puonjna. Omiyo adagi ni un gi yawuotu ok ubed jodolona.”

Habakuk 2:18

Ere ohala muyudo kuom lamo nyiseche manono ma lwet dhano ema oloso? Gin mana kido mamiyo ji lal. Ere ohala ma ng’at molosogi yudo kuomgi? Chutho oloso mana nyiseche manono ma ok nyal wuoyo!

Mathayo 16:26

Ere ohala ma ng’ato nyalo yudo, konwang’o piny duto, to owito ngimane? Koso ang’o ma ng’ato nyalo chiwo kar ngimane?

Luka 11:52

“Mano kaka uneno malit, un jopuonj Chik, nikech usepando rayaw mar dhood rieko. Un uwegi ok usedonjo kanyo, to bende usebedo kutamo joma dwaro donjoe.”

Johana 16:3

Ginitim kamano nikech ok ging’eyo Wuoro, kata an.

Johana 8:55

To eka un ok ung’eye, an to ang’eye. Ka anyalo wacho ni ok ang’eye, to dabed jamriambo mana ka un. To ang’eye adier, kendo pile amako wachne.

2 Jo-Korintho 4:2

Wasekwedo timbe mag mudho kendo makuodo wich. Ok wawuoth gi miganga, bende ok wagaj Wach Nyasaye, to wawacho mana adiera e lela e nyim Nyasaye, kwanyiso wawegi ni wan kare, kendo wamiyo ji duto yie kodwa.

Rapar mar Chik 33:10

Gipuonjo joka Jakobo wecheni. Ee, gipuonjo jo-Israel chikeni. Giwang’oni misengni, madum tik mamit, kendo gitimoni misengni miwang’o pep e kendoni mar misango.

1 Samuel 12:21

Weuru lamo nyiseche manono, ma ok nyal konyo, kata ma ok nyal reso gimoro, nikech gin mana gik manono.

1 Samuel 2:12

To yawuot Eli ne joma acheje, ma ok dew Ruoth Nyasaye.