Jeremia 2:6 - MUMA MALER 2015

⁶ Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Motingʼo Loko Manyien

⁶ Ne ok gipenjo ni, ‘Ere Jehova Nyasaye, mane ogolowa Misri, kendo otelonwa e thim ma ok nyag gimoro, ka wakalo piny motwo kod piny motimo bugni, piny ongoro kod mudho, piny maonge ngʼama wuothoe, kendo onge ngʼama odakie?’

Jeremia 2:6 Iomraidhean Croise

2 Ruodhi 2:14

Nochwado pi gi law Elijano kowacho niya, “Ere Ruoth Nyasaye ma Nyasach Elija?” Kane osechwado pi kamano, pi nopogore koni gi koni, mi nong’ado aora.

Ayub 3:5

Odiechiengno mondo otim luoch kendo otim mudho mandiwa, ka boche polo oime, kendo wang’chieng’ oimore.

Ayub 35:10

To ok giywag ni Nyasaye ma jachwechgi, kendo mamiyogi teko e sa ma masira malich omakogie.

Zaburi 23:4

A Nyasacha, kata obedo ni akadho e hoho mar tipo mar tho, to ok analuor gimoro, nikech in koda. Ludhi gi odungani ema hoya.

Zaburi 77:5

Ne aparo ndalo mosekadho. Higni machon bende ne aparo.

Wuok 20:2

“An e Ruoth Nyasaye ma Nyasachu, mane ogolou e piny Misri kuma ne ubedoe wasumbni.

Isaya 63:9

Omiyo ne odoko jaresgi e chandruok duto. Onge jaote kata malaika moro mane oresogi, to mana en ema osebedo ka owarogi gi herane kod ng’wonone, koting’ogi nyaka nene.

Isaya 64:7

Onge ng’ama lami, kata matemo mondo opadre kuomi, nikech ipandonwa wang’i kendo ijwang’owa e richowa.

Jeremia 13:16

Miuru Ruoth Nyasaye ma Nyasachu duong’, ka pok okelo mudho, mi uchwanyoru e gode gotieno, kendo kapok oloko ler mugenono mudho mandiwa.

Jeremia 2:2

ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Jeremia 2:8

Jodolo noweyo penjo kuma Ruoth Nyasaye nitie. Joma ne ong’eyo weche chik bende ne ok odewa, kendo jotelo nobaro moweya. Jonabi bende ne koro wach e nying Baal, kendo ne lamo nyiseche manono.

Jeremia 5:12

Jo-Ruoth Nyasaye osekwede, ka giwacho niya, “Ok obi timo gimoro. Onge masira moro, kaka lweny kata kech, ma nobi kuomwa.”

Jeremia 5:2

Kata ka ukuong’oru gi nying Ruoth Nyasaye, to ukuong’oru mana gi miriambo.

Jeremia 51:43

Miech jo-Babulon osedoko gik mabwogo ji, kendo chalo mana gi thim ma pi ongee. Ng’ato ok dagie kata wuothie.

Hosea 12:13

Ruoth Nyasaye ne ooro janabi mondo ogol jo-Israel e tuech. Adier, nooro janabi mondo oritgi.

Hosea 13:4

Ruoth Nyasaye wacho niya, “An e Ruoth Nyasachu mane ogolou Misri. E ndalogo ne ok ung’eyo Nyasaye moro mak mana an, kendo an kende ne e Jawaru.

Amos 2:10

Ruoth Nyasaye nochako owacho niya, “An ema nagolou e piny Misri, mi atelonu e thim kuom higni piero ang’wen, kendo namiyou piny jo-Amor mondo obed maru.

Mathayo 4:16

“Oganda mane odak e mudho oseneno ler maduong’. Adier, ler oserieny kuom joma ne obet e piny motimo tipo mar tho.”

Rapar mar Chik 1:19

“Bang’e ne wawuok Horeb kaka Ruoth Nyasaye nochikowa, mi ne wawuotho e thim maduong’ kendo malich kaka ne uneno cha, kwadhi e piny gode mag jo-Amor, mi wachopo Kadesh-barnea.

Rapar mar Chik 32:10

Noyudo ogandano e thim malich ma ondiegi rutoe, mi nolworogi koni gi koni, moritogi maber.

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Jong’ad Bura 6:13

Gideon nodwoke niya, “To ruoth, to ka en adier ni Ruoth Nyasaye ni kodwa to ang’o momiyo gigi duto osetimorenwa? Ere honni duto mane kwerewa owachonwa ni Ruoth Nyasaye notimo kogologi e piny Misri? Ruoth Nyasaye osejwang’owa, kendo oseweyowa e lwet jo-Midian.”