Jeremia 2:2 - MUMA MALER 2015

² ni mondo adhi ahul wachne ni ji duto modak Jerusalem kama: “Aparo hera mane un-go koda kane pod un oganda mayom, nimar e ndalo mane uluwa e thim, piny motwo ma ok pur, ne uhera mana kaka miaha hero chwore.

Motingʼo Loko Manyien

² “Dhi kendo igo milome ka Jerusalem winjo ni: “Ma e gima Jehova Nyasaye wacho: “ ‘Aparo kaka ne ichiwori kane in rawera, ne ihera ka nyako moikore ne kend, ne iluwo bangʼa kama otimo ongoro, e piny ma ok purie.

Jeremia 2:2 Iomraidhean Croise

Zaburi 129:1

In Israel, hul kaka wasiki osesandi malit, chakre tinni.

Wuok 14:31

Kane jo-Israel oneno teko maduong’ mane Ruoth Nyasaye okumogo jo-Misri, ne giluore, mi ne giyie kuome kendo kuom Musa jatichne.

Wuok 16:8

Eka Musa nomedo wacho niya, “Ruoth Nyasaye ema biro miyou kuon mang’eny mondo ucham gokinyi, nimar osewinjo kaka uywakne. Wan ok uywagnwa, to Ruoth Nyasaye ema uywakne, nikech wan ok wan gimoro.”

Ngeche 1:20

Winjuru kaka rieko goyo koko matek e wang’yore kendo e chirni.

Wer Mamit 3:11

“Un nyi Sayun, biuru mondo une ruoth Solomon! Orwako osimbo mane min mare osidhone chieng’ mane okendoe monenoe mor maduong’.”

Wer Mamit 3:6

Mano ang’o mawuok e thim ka iro madhuolore, machalo ich ubani miwang’ono, kata machalo poda ma johala kelo?

Isaya 58:1

Gouru koko matek mak uweyo, kuywak mana ka tung’. Huluru ni joga kethogi. Adier, nyisuru joka Jakobo richogi.

Jeremia 11:6

Eka Ruoth Nyasaye nowacho ni Jeremia ni, “Dhiyo iland wechegi e miech Juda kendo e yore mag Jerusalem, kinyiso ji mondo owinj kendo orit weche mag singruokna.

Jeremia 19:2

adhigo e holo mar Ben-hinom, mokiewo gi dhorangach miluongo ni Ranga Tegni. Kuno ema ne adhi huloe wach mane obiro miya.

Jeremia 2:1

Ruoth Nyasaye nowachona

Jeremia 2:6

Ne ok gidewa, kata obedo ni ne aseresogi kagologi e piny Misri, mi atelonigi e thim, piny marach motwo ma masiche ng’enyie. Pinyno otimo gode gi bugni, ma onge ng’ama wuothoe, bende onge ng’ama odakie.

Jeremia 3:4

To koro eka uwachona niya, ‘In wuonwa, kendo iseherowa chakre tindowa.’

Jeremia 7:2

mondo odhi ochung’ e dhoranga Hekalu mar Ruoth Nyasaye, ogo milome niya, “Winjuru wach Ruoth Nyasaye, un jo-Juda duto madonjo e dhorangani, ka biro lame.

Ezekiel 16:22

E kinde duto mane itimo timbe maricho mag chode, ne ok iparoe ngang’ ndalo mane in nyathi, ka in duk, kendo ichadhori gi remo.”

Ezekiel 16:60

An to abiro rito singruok mane atimo kodi kapod itin, kendo abiro timo kodi singruok machielo, mosiko nyaka chieng’.

Ezekiel 16:8

“Kane achako akadho machiegni kodi, ne ayudo ka iseromo mako osiep, omiyo ne ayaro lawa, mi aumogo dugi, kendo ne ayie ni abiro kendi. Adier, ne atimo kodi singruok, mi idoko mara. An Ruoth Nyasaye ema awacho kamano.

Ezekiel 23:19

Ne omedo dhi nyime moloyo gi timbe chode, kotimo mana kaka notimo e piny Misri kapod ne en nyako.

Ezekiel 23:3

Kane pod gitindo, ka gidak Misri, ne gikethore mi gilokore jochode.

Ezekiel 23:8

Ne odhi adhiya nyime gi timbe chode mane osechako timo ka en Misri, kuma ne okethoree modoko jachode.

Hosea 11:1

“Kane Israel pod tin, ne ahere. Naluongo wuoda mondo oa Misri.

Hosea 2:15

Anachak adwokne puothene mag mzabibu, kendo nalok Holo Thagruok odok dhoranga geno. Ka aluonge, to nodwoka mana kaka ne odwoka kapod oyom, e kinde mane owuok oa e piny Misri.

Hosea 2:17

Ok nachak awe omul nying Baal kendo. An Ruoth Nyasaye ema awacho kamano.

Hosea 2:7

Ka olawo chodene, to ok nojukgi, kendo ka omanyogi, to ok noyudgi. Bang’e nowach niya, ‘Abiro dok ni chwora kendo, nikech ne aneno maber ka wan kode moloyo kaka obet sani.’

Hosea 8:1

Ruoth Nyasaye wacho niya, “Go tung’, nikech wasigu yako Hekalu mara, mana ka otenga mayudho nyagweno! Joga oseketho singruok mane atimo kodgi, kendo gisedagi winjo puonjna.

Hosea 9:10

Ruoth Nyasaye wacho niya, “Kane akuongo yudo Israel, to yudogino ne chal mana gi yudo mzabibu ma e thim. Ee, kane akwongo neno kwereu, nenogino ne chal mana gi neno ng’owo mochiek atamalo. To kane gibiro Baal-peor, ne gichako lamo kido manono makuodo wich, omiyo ne amon kodgi mana kaka ne amon gi kido manono mane giherono.

Jona 1:2

“Wuogi, idhi Nineve, dala maduong’, mondo isiem jodalano, nikech richogi osechopo e nyima.”

Mathayo 11:15

Ng’at man gi it mar winjo, to mondo owinji!

Luka 12:13

Ng’at moro mane nie oganda nowacho ni Yesu niya, “Japuonj, nyis owadwa mondo opogna mwandu mane wuonwa oweyo.”

Rapar mar Chik 2:7

nimar Ruoth Nyasaye ma Nyasachu oseguedhou kuom gik moko duto ma usetimo. Oseritou ka uwuotho e thim malichni. Kuom higni piero ang’wen-gi duto Ruoth Nyasaye ma Nyasachu osebedo kodu, kendo onge gima usechando.” ’

Rapar mar Chik 33:3

Adier, ohero joge maler, kendo oguedhogi. Giluwe kamoro amora modhiye, kendo giwinjo chikene

Rapar mar Chik 8:2

Paruru wuoth mabor mane Ruoth Nyasaye ma Nyasachu otelonue kuom higni piero ang’wen ka un e thim. Nodwokou piny kotemougo, mondo ong’e ane ka unyalo rito chikene adier.

Jakobo 4:4

Un joma ok rit singruok mana ka mon moweyo chwogi! Donge ung’eyo ni ka uhero piny, to un wasik Nyasaye?

Fweny 2:4

To kata kamano pod an gi wach kodi ni, koro ok ihera kaka ne ihera mokwongo.