Jeremia 19:4 - MUMA MALER 2015

⁴ Abiro timo kamano nikech useweya, mudwanyo dalani, kutimoe lisweche ni nyiseche mamoko ma ok ung’eyo, to kata mana kwereu gi ruodhi mag Juda bende ne ok ong’eyo. Usemiyo remb ji maonge ketho opong’o ka,

Motingʼo Loko Manyien

⁴ nimar gisejwangʼa mi giseketo ka obedo mar nyiseche mamoko, gisewangʼo misengini e iye ne nyiseche ma gin kata wuonegi kata ruodhi mag Juda ne ok ongʼeyo, kendo gisepongʼo kae gi remb joma onge ketho.

Jeremia 19:4 Iomraidhean Croise

2 Ruodhi 21:16

To ewi richo duto mane Manase otimo, komiyogo jo-Juda obedo joricho e nyim Ruoth Nyasaye, en ni nomedo chuero remb ji mang’eny maonge ketho, nyaka remo nomol ka ohula e Jerusalem.

2 Ruodhi 23:10

Ruoth Josia noketho Tofeth manie holo mar Ben-hinom ni kik ji wang’ie nyithindgi ka misango ni Molek.

2 Ruodhi 24:4

kopong’o Jerusalem gi remb joma onge ketho.

Zaburi 106:38

Adier, ne gichwero remb yawuotgi gi nyigi ma onge ketho ka gichiwonigi ni nyiseche manono mag Kanaan, mi piny nodoko mogak nikech remo ma nochuerno.

Isaya 59:7

Tiendgi rikni ka gidhi timo richo, kendo giyot ni chuero remo maonge ketho. Paro mopong’o chunygi en mana paro mamono, kendo kamoro amora ma gidhiyoe, to masira gi chandruok ema dong’ie.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Jeremia 1:16

Mano e kaka abiro kumo joma oseketho, moweya kendo owang’o misengni ni nyiseche mamoko, ka gilamo gik ma giloso giwegi.

Jeremia 11:13

Jo-Juda nigi nyiseche mang’eny mana ka miechgi, kendo joma odak Jerusalem bende oseloso kende-mag-misango mang’eny, mana moromo gi yore mag dalagi, mondo gitimie misengni ni Baal.

Jeremia 15:6

Ne uweya, kendo udagi wachna, omiyo ne abiro, mi atiekou, nikech ne ok anyal geng’o mirimba kendo.

Jeremia 16:11

To dwokgi ni Ruoth Nyasaye owacho kama: ‘Kwereu noweya, mi otiyo ni nyiseche mamoko kendo olamo. Ne giweya kendo ne ok giwinjo chikena.

Jeremia 17:13

Ruoth Nyasaye ema jo-Israel ogeno kuome, omiyo ji duto moweye noyud wichkuot. Ginilal nono mana ka nying mondik e buru, nikech giseweyo Ruoth Nyasaye ma en soko mar pi maliw.

Jeremia 17:20

Nyis ruodhi kod jo-Juda duto, kaachiel gi ji duto modak Jerusalem maluwo dhorangeyegi mondo ochik itgi owinj gima awacho.

Jeremia 18:15

To joga wigi osewil koda, kendo giwang’o ubani ni kido manono. Gisechwanyore mi giweyo wang’yo ma onego giluw, mi koro ok giluw yore machon, to giwuotho e yore mogondore ma ok opa.

Jeremia 2:13

nikech joga osetimo richo tieng’ ariyo. Gisebaro, mi giweya, an soko mar pi maliw mamol, kendo gisekunyo yewni mabarore, ma ok nyal ting’o pi!

Jeremia 2:17

Yaye, jo-Israel! Tim ma kamano usekelo mana kuomu uwegi! Ne uweya, an Ruoth Nyasaye ma Nyasachu, kane atelonu e yo.

Jeremia 2:19

Timbeu uwegi maricho ema biro kelonu kum. Ee, timbe mane uweyago ema biro kelonu bura. Kamano ubiro ng’eyo ni weyo Ruoth Nyasaye ma Nyasachu, kendo chaye en gima lit kendo marach moloyo. An Ruoth Nyasaye ema awacho kamano.

Jeremia 2:30

Ne anego yawuotu, to mano ne ok opuonjou, bende ne ok unyal yie kethou, to ne unego jonabi mau mana kaka sibuor mager neko.

Jeremia 2:34

Remb joma odhier, kendo maonge ketho, otonie lepu; gin remb joma ne ok oturo uteu ka kweloe. To kata kamano uwacho niya,

Jeremia 22:17

In to ineno mana gigi iwuon. Inego joma onge ketho, kendo ithiro jogi gi gero. An Ruoth Nyasaye ema awacho kamano.”

Jeremia 22:3

An Ruoth Nyasaye awachonu ni mondo utim gik makare kendo madier. Konyuru ng’at ma ithiro e lwet joma thire. Kik usand kata kik uthir jodak gi nyithi kiye kod mond liete, bende kik uneg joma onge ketho kama oyangnani.

Jeremia 26:15

To nyaka ung’e ni ka unega, to un gi ji duto modak e dalani unubed joketho kuom nego ng’at ma onge ketho, nimar Ruoth Nyasaye ema oseora mondo anyisu wechego duto.”

Jeremia 26:23

Omiyo ne gigole kuno, mi gidwoke ni ruoth Jehoyakim, monege, kendo ne owit ringre e bur mane iyikoe ji ajiya.)

Jeremia 44:3

Ne atimo kamano nikech joma ne odak kuondego ne otimo timbe maricho ka gimiyago mirima. Ne gilamo nyiseche mamoko, ma gin kata un kata mana kwereu ne pok olamo, mi gitimonigi misengni.

Jeremia 5:6

Mano emomiyo sibuor moa e bungu biro negogi. Ee, ondiek moa e thim biro kidhogi, kendo kwach nowuoth e miechgi. Ng’ato ang’ata mowuok oko nokidh matindo tindo. Magi duto notimre nikech richogi thoth, kendo nikech giseweyo Nyasaye nyading’eny.

Jeremia 7:6

Weuru sando jopinje mamoko modak kuomu, kata nyithi kiye, kata mond liete. Bende kik uchuer remb joma onge ketho kaeri, kendo kik ulam nyiseche mamoko, nimar mano ditieku chuth.

Jeremia 7:9

Ukwelo, unego ji, uteroru, ukuong’oru gi miriambo, utimo lisweche ni Baal, kendo ulamo nyiseche manono ma yande ok ung’eyo.

Ywagruok 4:13

Mago notimore nikech richo mag jonabi mage, kendo nikech timbe mamono mag jodolone, mane ochuero remb joma kare.

Ezekiel 20:26

Ne amiyo gibedo mogak kuom gik mane gichiwo ni nyiseche manono, kendo kuom chiwo misango gi yawuotgi makayo. Ne atimo kamano mondo abwoggigo, mi ging’e ni an e Ruoth Nyasaye.

Ezekiel 7:22

Kata ka jomecho odonjo e Hekalu mara mahero, modwanyo mi obet mogak, to ok anatim gimoro.

Ezekiel 8:11

Jodong Israel piero abiriyo ne ni kanyo, ka Jaazania wuod Shafan nie diergi. Moro ka moro noting’o gima iwang’oe ubani, ka ubani dum iro.

Daniel 11:31

Ogendini mage moko mag lweny nodwany Hekalu kod kuondene mochiel motegno, mi ginimi ji we timo misengni mitimo pile, kendo ginichung gima kuero makelo kethruok.

Luka 11:50

Kuom mano, tieng’ ma kawuononi biro yudo kum nikech remb jonabi duto mosechuer nyaka ne chue piny,

Rapar mar Chik 13:13

ka giwachonigi ni mondo gidhi gilam nyiseche mamoko ma un ok ung’eyo,

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Rapar mar Chik 28:20

Ruoth Nyasaye noornu kuong’ gi chandruok kod kum maketho gik moko duto mutimo, nyaka otieku mi urum ka diemo wang’ kuom timbeu maricho, kendo nikech useweye.

Rapar mar Chik 28:36

“Ruoth Nyasaye biro terou, kaachiel gi ruoth mubiro yiero, kuom oganda ma un ok ung’eyo kata kwereu bende ne ok ong’eyo, kendo kuno unulamie nyiseche mamoko mag yien kod mag kite.

Rapar mar Chik 28:64

Ruoth Nyasaye nokeu e kind ogendini, chakre tung’ piny konchiel nyaka tung’ piny komachielo, kendo kuondego duto unulamie nyiseche mag yien kod mag kite, ma un ok ung’eyo kata kwereu bende ne ok ong’eyo.

Fweny 16:6

nikech joma nochuero remb jo-Nyasaye kod jonabi isemiyo remo mondo omadhi!”

Jong’ad Bura 5:8

Ne giyiero nyiseche manyien. Ne gilamo mana jochiende. Kuot kata tong’ ne ok nyal yudi kuom jo-Israel alufu piero ang’wen.