Jeremia 12:4 - MUMA MALER 2015

⁴ Nyaka karang’o ma pinywa biro bedo motwo, kendo lum manie lege biro wang’ie? Le gi winy tho, nikech timbe maricho mag joma odak e pinyni, mawacho ni ok ine gik maricho ma gitimo.”

Motingʼo Loko Manyien

⁴ Nyaka karangʼo ma piny biro siko kotwo kendo lum motwi e lege ner? Nikech joma odak e iye timbegi mono, le kod winy osetho. Kata kamano, jogo wacho, “Ok none gima timorenwa.”

Jeremia 12:4 Iomraidhean Croise

Zaburi 107:34

Piny momew bende omiyo lokore piny motimo kado ma ok nyal pur.

Zaburi 50:21

Isetimo gigi duto, to nikech ok asewacho gimoro, omiyo iparo ni achalo kodi. To koro abiro kweri e wang’i ka anyisi wechego duto, achiel ka achiel!

Isaya 24:4

Piny notwo kendo gik mantie noner. Adier, piny duto noner kendo notwo, koda ka kuonde moting’ore duto.

Isaya 24:6

Mano emomiyo kuong’ biro mwonyo piny, kendo joma odakie none chandruok nikech richogi, bende ginilal nono, mak mana ji manok kende ema nodong’.

Jeremia 12:11

Gisekethe, ma oriere e nyima kanyo ma onge tich. Piny duto oselokore thim, to onge ng’ama dewo.

Jeremia 14:2

“Jo-Juda ywak kendo miechgi kethore. Jogi oriere piny kokuyo, kendo jo-Jerusalem ywak mondo okonygi.

Jeremia 23:10

Joma oseweyo Ruoth Nyasaye opong’o piny. Timbegi richo, kendo gikonyore gi tekogi e yo marach. Piny ywak kendo lege otwo nikech osekuong’gi.

Jeremia 4:25

Naneno ka ji onge kuno, kendo winy duto noseringo.

Jeremia 4:28

Ji duto modak e piny noywagi, kendo polo nolokre mudho. Ruoth Nyasaye osewacho, kendo ok nolok parone! Oseparo mogik, kendo ok nodog chien.

Jeremia 5:13

Giwacho bende ni jonabi nobed ka yamo ma kudho, maonge gi wach moa kuom Ruoth Nyasaye.

Jeremia 5:31

Jonabi koro weche mag miriambo, jodolo bende chwakogi, to kendo mano e gima joga ohero! To gibiro timo ang’o, chieng’ ma gigo orumo?

Jeremia 7:20

Emomiyo an Ruoth Nyasaye, abiro olo mirimba mager ka eri. Abiro ologi kuom ji kendo kuom jamni, to bende abiro ole kuom yien gi cham. Mirimba biro chalo gi mach mager, ma ng’ato ok nyal nego.”

Jeremia 9:10

Jeremia nowacho niya, “Abiro ywago gode gi lege, nikech gisetwo, kendo onge ng’ama wuothoe. Ywak mar jamni tinde ok winji, kendo winy gi le duto mae thim oseringo.”

Jeremia 9:9

Koro donge abiro kumogi kuom timbe ma kamago? Adier, abiro chulo kuor ni oganda machal kamano! An Ruoth Nyasaye ema awacho kamano!”

Hosea 4:3

Omiyo pinyni biro two kendo gik moko duto modakie biro tho. Adier, le duto gi winy koda ka rech biro tho.”

Joel 1:18

Dhok chur manade, kendo ng’eng’ ang’eng’a, nikech lek ongenigi. Rombe bende kech nego.

Amos 1:2

Nowacho niya, “Ruoth Nyasaye ruto Sayun! Ee, dwonde mor Jerusalem! Kuom mano lege jamni two, kendo wi got Karmel mang’ich ner.”

Habakuk 3:17

Kata obedo ni ng’owo ok thiew, kendo mzabibu gi zeituni ok nyagi, bende puothe ok chieg cham, kendo rombe gi dhok onge dala,

Zekaria 1:12

Eka malaika mar Ruoth Nyasaye nowacho niya, “A Ruoth Nyasaye Manyalo Gik Moko Duto, nyaka karang’o ma ibiro betie ka ok idewo Jerusalem kaachiel gi mier mag Juda, ma isebedo kikechogo kuom higni piero abiriyogi?”

Jo-Rumi 8:22

Wang’eyo ni nyaka chil kawuono gik mochue duto chur, kendo neno rem mana ka dhako ma muoch kayo.