Jeremia 12:1 - MUMA MALER 2015

¹ “A Ruoth Nyasaye, ang’eyo ni kata ka akeloni ywakna, to biro yudore ni in ema in kare. Kata kamano pod daher penjie wach kuom adiera mari. Ere gimomiyo joma richo yudo mwandu? Koso ere gimomiyo joma jowuond dhi maber?.

Motingʼo Loko Manyien

¹ In kare kinde duto, yaye Jehova Nyasaye, sa moro amora makelo bucha e nyimi. To kata kamano we mondo awuoye kodi kuom ngʼado bura mari makare: Ere gima omiyo yore mag joma timbegi mono dhi maber? Angʼo momiyo jogo maonge yie odak maber?

Jeremia 12:1 Iomraidhean Croise

Chakruok 18:25

Adier, ok dineg jomaonge ketho kaachiel gi joma nigi ketho. Ok inyal timo kamano, nikech kapo ni itimo kamano, to jomaonge ketho diyud mana kum maromre gi joma nigi ketho. To mano ok nyalre, nikech Jang’ad Bura mar piny ngima nyaka ng’ad bura kare.”

Ezra 9:15

A Ruoth Nyasaye ma Nyasach Israel, in jaadiera, nimar jowa manokgi koro osetony, kaka notimore e kinde mokwongo. Eri, wan joricho ma bura oloyo, to nikech richowago, onge ng’ato kuomwa manyalo chung’ e nyimi.”

Nehemia 9:33

Isebedo ng’at makare kendo ma jaadiera kuom gik moko duto mosetimorenwa, to wan ema wasebedo kwatimo marach.

Ayub 12:6

To jokuo gi joma ok dew Nyasaye odak gi kue, kata obedo ni tekregi giwegi ema giloko Nyasachgi.

Ayub 13:3

Nyasaye ema an go gi wach, to ok un, kendo en ema adwaro yalo kode.

Ayub 24:12

Ka idhi e mier, to iwinjo ywak joma ohiny, kendo ma tho, to Nyasaye ok dew lemogi!

Ayub 24:23

To kata obedo ni Nyasaye oweyogi gibedo mangima kamano, to orangogi seche duto.

Ayub 8:17

Tiendegi olawore e lwendni, kendo omako matek.

Zaburi 116:5

Ruoth Nyasaye ber kendo ng’won. Adier, Nyasachwa en jakech ji.

Zaburi 119:137

A Ruoth Nyasaye, mano kaka in jaadiera! Chikeni oriere tir, kendo gin adier.

Zaburi 119:75

A Ruoth Nyasaye, ang’eyo ni buche ma ing’ado ni kare, kendo ne ikuma nikech in jaadiera.

Zaburi 145:17

Yore duto mag Ruoth Nyasaye gin kare. Adier, ong’won e timbene duto.

Zaburi 37:1

Kik chunyi chandre nikech timbe joma richo, bende kik iwe nyiego maki gi joma timo richo.

Zaburi 37:35

Aseneno ng’at marach ka rito piny. Ne ogar kuom ji mana ka yiend sida man Lebanon,

Zaburi 51:4

In kendi ema asekethoni, ka atimo gik ma ok ler e nyimi. Kuom mano, ayie ni in kare kiyala, kendo ka ing’adona bura.

Zaburi 51:6

To chuny man gi adiera ema idwaro, omiyo pong’ parona gi riekoni.

Zaburi 92:7

joma timbegi mono dongo ka buya, kendo joricho dhi nyime maber, to kata kamano, notiekgi duto chuth,

Ngeche 1:32

Ji ma ok ong’eyo gik moko tho mana nikech gidagi rieko, kendo joma ofuwo rumo nikech ok gidew gik moko.

Eklesiastes 8:14

To mano nono, nikech kinono gik matimore e piny, to ibiro yudo ni sa moro joma kare yudo kum ma joricho ema onego oyudi, to joricho yudo pok ma joma kare ema onego yudi. Mano emomiyo awacho ni gik moko duto onge tich.

Isaya 41:21

Ruoth Nyasaye ma Ruodh joka Jakobo wacho niya, “Biuru, uwach wachu ane.

Isaya 48:8

Chutho ne ok ung’eyogi, bende ne ok uwinjogi, nikech ne ok uyawo itu chon, nimar ne ang’eyo ni un joma andhoga ma ok nyal gen, kendo ma jopiem nyaka ne a e ich.

Jeremia 11:20

Eka nalemo niya, “Ruoth Nyasaye Manyalo Gik Moko Duto, in e jang’ad bura makare, kendo ma temo chuny ji gi parogi. We aneye ka ichulo ni jogo kuor, nikech aseketo wachna e lweti.”

Jeremia 12:6

Koda ka omineni hie osendhogi, kendo giseriwore gi jomoko ma monji. Kik igen-gi, kata obedo ni giwachoni weche mabeyo kamano.”

Jeremia 3:20

To un jo-Israel useweya mana ka dhako moweyo chwore. An Ruoth Nyasaye ema awacho kamano.

Jeremia 3:7

An Ruoth Nyasaye ne aparo ni gibiro duogo ira bang’ timo mago duto, to ne ok giduogo, kendo owetegi ma jo-Juda noneno timbegigo.

Jeremia 32:16

Kane asemiyo Baruk wuod Neria barup winjruokno, ne alemo kama:

Jeremia 5:11

Jo-Israel gi jo-Juda oseweya adier. An Ruoth Nyasaye ema awacho kamano.”

Jeremia 9:2

Mad abed ki kiru mar bworo e thim, kuma anyalo betie mabor gi joga, nimar giduto gin joma terore, kendo oganda ma andhoga.

Ywagruok 1:18

Dala Jerusalem ywagore kama: “Ruoth Nyasaye osetimo gima kare, to an, dala Jerusalem ema asepiem kode, mi aweyo chikene. Ling’uru! Ling’uru un ogendini duto, mondo uneye chandruok ma an go! Nyiga gi yawuota osemak, moter e tuech.

Ezekiel 18:25

“Un uwacho niya, ‘Gima Ruoth Nyasaye timo ok ni kare.’ To koro winjuru, un jo-Israel. Un ema utimo gik ma ok ni kare, to ok an!

Daniel 9:14

In Ruoth Nyasachwa nirito kinde mowinjore mondo ikumwae, mi bang’e koro isekumowa. Kuom timo kamano nitimo mana gima kare, nikech in ng’at makare, to wan ema ok wasewinji.

Daniel 9:7

In Ruoth Nyasaye pile isebedo kitimo gik makare, to wan jo-Juda gi jo-Jerusalem gi jo-Israel duto mane ikeyo e pinje machiegni gi maboyo nikech ne waweyi, ema wasebedo ka watimo timbe mag wichkuot.

Hosea 6:7

“To piyopiyo nono mane jogago odonjogo e piny mane asingoranigi, ne giketho singruok mane atimo kodgi, mi giweya.

Habakuk 1:4

Kuom mano ji ok luw chik, kendo buche ok yal gi adiera, nimar joma timbegi mono thoth, mohewo joma kare. Mano emomiyo adiera iloko aloka.

Zefania 3:5

To Ruoth Nyasaye man Jerusalem timo mana gik makare. Ok otim gimoro marach to ong’ado bura gi adiera okinyi kokinyi mak olewo ngang’. Jaricho to wiye ok kuodi.

Malaki 2:17

Wecheu osemiyo Ruoth Nyasaye ool. To kupenjo ni ere kaka usemiyo ool, to odwokou niya, “Umiyo aol kuwacho ni Ruoth Nyasaye kwano joma richo ka joma beyo, kendo oherogi. Bende usemiyo aol kupenjo ni, ‘Ere Nyasachwa ma ng’ado bura kare?’ ”

Malaki 3:15

Waneno ka joma josunga ema nigi mor. Joma timbegi richo dhi maber ahinya, to bende gitemo Nyasaye gi timbegi marichogo, to onge gima timogi.’ ”

Rapar mar Chik 32:4

En lwanda, ma tichne long’o, nikech yorene duto ni kare. En Nyasaye ma jaadiera, kendo maonge ketho, ma timbene kare, kendo ma jaratiro.