Jeremia 10:16 - MUMA MALER 2015

¹⁶ Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Motingʼo Loko Manyien

¹⁶ Jalno ma en Pok mar Jakobo ok chal kodgi, nimar en e Jachwech mar gik moko duto, nyaka Israel, ma en dhood girkeni mare, Jehova Nyasaye Maratego e nyinge.

Jeremia 10:16 Iomraidhean Croise

Zaburi 119:57

A Ruoth Nyasaye, in e gimoro amora ma adwaro. Asingora ni abiro rito chikeni.

Zaburi 135:4

Ne oyiero Jakobo mondo obed ng’ate. Adier, noyiero jo-Israel mondo obed joge owuon.

Zaburi 142:5

A Ruoth Nyasaye, aywakni ni mondo ikonya. In e kar konyruokna, yaye Ruoth Nyasaye, kendo in kendi ema adwari e piny ka.

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Zaburi 73:26

Parona gi denda nyalo bedo manyap, to in e tekra, A Nyasaye. In kendi e mwanduna nyaka chieng’.

Zaburi 74:2

Parie joma ne iyiero chon mondo obed jogi. Gin joma ne iwaro mondo obed ogandani iwuon. Bende parie got Sayun kama ne isedakie.

Wuok 19:5

Koro ka unuluora murit singruok ma atimo kodu, to unubed joga awuon, ma aseyiero kuom ogendini duto; nikech piny duto en mara.

Wuok 34:9

Nowacho niya, “A Ruoth Nyasaye, kimor koda adier, to koro akwayi mondo idhi kodwa, jogi tokgi tek, to kata kamano, yie iwenwa kethowa gi richowa, kendo ikawwa ka mwanduni iwuon.”

Ngeche 16:4

Gik moko duto ma Ruoth Nyasaye osechweyo nigi gikogi, kendo giko joricho en mana tho.

Isaya 19:25

Ruoth Nyasaye Manyalo Gik Moko duto noguedhgi, ka wacho kama: “Oguedh jo-Misri ma joga, kendo oguedh jo-Asuria ma chuechna, bende oguedh jo-Israel ma gin mwanduna awuon.”

Isaya 45:7

Achueyo ler, kendo achueyo mudho. Akelo gueth, to masira bende an ema akelo. An Ruoth Nyasaye ema atimo mago duto.”

Isaya 47:4

Abiro chulo kuor, kendo onge ng’ama notama. Ng’ama Ler mar Israel ma Jawarwa, ma nyinge Ruoth Nyasaye Manyalo Gik Moko Duto, owacho kamano.

Isaya 47:6

Kane mirima omaka gi joga, ne ajwang’ogi ka gima ok gin joga awuon, mi aketogi e tekoni. Ne ok ikechogi, to ne iketo kum mapek koda ka kuom joma oti.

Isaya 51:15

An e Ruoth Nyasaye ma Nyasachu, mamiyo nam gingore, mi apaka wuo. Nyinga en Ruoth Nyasaye Manyalo Gik Moko Duto.

Isaya 54:5

nimar Jachwechni e chwori! Nyinge en Ruoth Nyasaye Manyalo Gik Moko Duto. Adier, Jawarni en Ng’ama Ler mar Israel, ma iluongo ni Nyasach piny ngima.

Jeremia 10:12

Ruoth Nyasaye nochueyo piny gi tekone, mogure motegno kendo noyaro polo gi riekone.

Jeremia 10:6

A Ruoth Nyasaye, onge ng’ato machal kodi, iduong’ kendo nyingi bende duong’.

Jeremia 31:35

Ruoth Nyasaye ema miyo chieng’ rieny godiechieng’, kendo omiyo due gi sulue rieny gotieno. En ema otago pi nam, kendo omiyo apaka wuo. Nyinge en Ruoth Nyasaye Manyalo Gik Moko Duto.

Jeremia 32:18

Isenyiso herani mosiko ni ji gana gi gana, to bende ikumo ji nikech richo mag wuonegi. In Nyasaye maduong’ man gi teko, kendo nyingi en Ruoth Nyasaye Manyalo Gik Moko Duto.

Jeremia 33:2

Nowachone kama: “An Ruoth Nyasaye mane ochueyo piny, mi oloso kendo oguro motegno, nyinga en Ruoth Nyasaye.

Jeremia 46:18

“An Ruoth Nyasaye Manyalo Gik Moko Duto, an ruoth. Akuong’ora gi nyinga awuon ni, kaka got Tabor duong’ moloyo gode moko duto kendo kaka got Karmel man but nam bende duong, e kaka teko ng’at mabiro monjou nobed maduong’.

Jeremia 50:34

To gin gi jawar maratego ma nyinge Ruoth Manyalo Gik Moko Duto! En owuon ema nolos wachgi, mi okel kue e piny, to jo-Babulon enomi chandruok.”

Jeremia 51:19

Nyasach Jakobo to ok chal gi gigo, nimar en ema ne ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Ywagruok 3:24

Awacho niya, “Ruoth Nyasaye kende ema an-go, omiyo ageno kuome.”

Amos 4:13

Nyasaye ema noloso gode, kendo ochueyo yamo. Onyiso dhano parone, bende oloko ler mar odiechieng’ bedo mudho. En e ruodh piny duto, kendo nyinge en Ruoth Nyasaye Manyalo Gik Moko Duto.

Zekaria 2:12

Eka unung’e ni kara Ruoth Nyasaye Manyalo Gik Moko Duto ema ne oora iru. Ruoth Nyasaye biro chako kawo piny Juda kendo ka mare owuon e piny maler mi ochak otim Jerusalem dala moyiero.

Rapar mar Chik 32:9

To Ruoth Nyasaye owuon noyiero joka Jakobo mondo obed joge owuon, kendo obed mwandune.