Jeremia 10:12 - MUMA MALER 2015

¹² Ruoth Nyasaye nochueyo piny gi tekone, mogure motegno kendo noyaro polo gi riekone.

Motingʼo Loko Manyien

¹² To Nyasaye nochweyo piny gi tekone; ne ochako piny gi riekone, kendo oyaro polo gi ngʼeyo mare.

Jeremia 10:12 Iomraidhean Croise

Chakruok 1:1

Kar chakruok, Nyasaye nochueyo polo gi piny.

Chakruok 2:5

ne onge buya kata yien motwi e lowo, nikech ne pok ooro koth e piny, to bende ne onge dhano mane nyalo pure.

1 Weche mag Ndalo 16:26

nikech nyiseche mag ogendini mamoko gin mana gik manono, Ruoth Nyasaye to nochweyo polo.

Ayub 26:7

Nyasaye noyaro polo ma yo nyandwat, mi ong’awo piny e kor muya.

Ayub 37:18

Bende dikony Nyasaye yaro polo, mi obed matek ka mula mothedhi?

Ayub 9:8

Onge ng’ama ne okonyo Nyasaye yaro polo, kata nyono Ondieg Nam mager.

Zaburi 104:2

kendo iumori gi ler mana kaka ng’ato umore gi law. Ne iyaro polo mana ka hema,

Zaburi 104:24

A Ruoth Nyasaye, isechueyo gik mang’eny ahinya! Mano kaka ne ilosogi gi rieko matut! Piny opong’ gi gik misechueyo.

Zaburi 119:90

Adiera mari osiko kuom tienge duto, kogurore motegno mana kaka piny osiko kama iseketee.

Zaburi 24:2

Ne oketo mise mag piny kuom nam. Ee, nochunge ma ok ong’ingni kuom nam matut.

Zaburi 33:6

Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

Zaburi 65:7

Ikueyo wuo mar nam gi mar apaka. Koko mar ogendini bende ikueyo.

Zaburi 78:69

Ne ogero Hekalu mare kanyo machal gi dalane e polo, kendo ne ogurore motegno mana ka piny mosiko nyaka chieng’.

Zaburi 93:1

Ruoth Nyasaye e ruoth adier! Orwakore gi duong’ mar loch, kendo oumore gi teko, mana ka nanga. Adier, piny ogurore motegno, kendo ok nyal ng’ingni.

Ngeche 3:19

Ruoth Nyasaye nochueyo piny gi riekone, kendo ne oketo polo kare kuom ng’eyo ma en go.

Ngeche 30:4

Ere ng’ama osedhi e polo, kendo oseduogo? Koso en ng’a ma oseboyo pige mag nembe e law? Kata en ng’a moseketo tunge piny kuonde ma gintie? Hulna nyinge kod nying wuode, king’eyo.

Isaya 37:16

“A Ruoth Nyasaye Manyalo Gik Moko Duto, ma Nyasach Israel, mobet ewi kerubi kaka ruoth bet e komduong’ne, in kendi e Nyasach ogendini duto mae piny, kendo in ema nichueyo polo gi piny.

Isaya 40:22

ni Nyasaye obet e polo malo, kendo ni joma odak e piny chalone mana dede. Ok osewachnu kamano chakre chon? Koso pok uparo nyaka ne chue piny ni en ema ne oyaro polo mana ka pasia, kendo ogure mana ka hema midakie?

Isaya 42:5

Ruoth Nyasaye mane ochueyo polo mi oyaro, kendo ochueyo piny gi gik mangima duto mantie, mi ochiwo muya ni joma odakie kod gik moko duto mangima, wacho kama:

Isaya 44:24

Ruoth Nyasaye ma jawaru, kendo mane ochueyou e ich, wacho kama: “An e Ruoth Nyasaye mane ochueyo gik moko duto. Ne ayaro polo awuon, kendo ne aloso piny kenda.

Isaya 45:12

An ema ne achueyo piny, mi aketoe dhano. Ne ayaro polo gi lweta awuon, mi achiko gik moko duto mantie mondo oliel.

Isaya 45:18

Ruoth Nyasaye ema ne ochueyo polo, kendo oloso piny moguro motegno. Kane ochueye, ne ok oweye chwangla, to nolose mondo ji odagie. En ema owacho kama: An e Ruoth Nyasaye, kendo onge Nyasaye moro.

Isaya 48:13

Ne aketo mise mag piny gi lweta awuon, kendo ne ayaro polo gi lweta ma korachwich. Kane aluongogi to ne githinyore ka diemo wang’.

Isaya 49:8

Ruoth Nyasaye wacho kama: “Abiro dwoko kwayoni e kinde mowinjore. Adier, abiro konyi e ndalo mar resruok. Anariti mi achiwi ka ng’ama kelo winjruok e kinda gi ji, mondo ichak idwok piny kare, mi ipog ni ji puothe mojwang’.

Jeremia 10:13

Omiyo pi man e tok polo wuo, kendo otugo boche polo e tung’ piny duto. Bende omiyo polo mil ka koth chue, kendo ogolo yamo kar kenone mondo okudhi.

Jeremia 10:16

Nyasach Jakobo to ok chal gi gigo, nimar en ema ochueyo gik moko duto, kendo oseyiero jo-Israel mondo obed joge owuon. Ruoth Nyasaye Manyalo Gik Moko Duto e nyinge.

Jeremia 14:22

Bende nyiseche manono mag ogendini nyalo kelo koth adier? Koso polo giwegi nigi teko mar miyo koth chue? Ooyo, in ema waketo chunywa kuomi, A Ruoth Nyasaye ma Nyasachwa, nikech in kende ema inyalo timo gik ma kamago.”

Jeremia 27:5

ema nachueyo piny gi tekona maduong’, kendo nachueyo dhano gi le duto modakie, omiyo anyalo kete e teko ng’ato ang’ata ma ayiero.

Jeremia 32:17

“A Ruoth Nyasaye! Ne ichueyo polo gi piny kod riekoni gi tekoni maduong’. Onge gima nyalo tami timo.

Zekaria 12:1

Ma en wach Ruoth Nyasaye kuom Israel: Ruoth Nyasaye mane oyaro polo, kendo oketo mise mar piny, mi omiyo dhano much ngima wacho kama:

Johana 1:3

kendo en ema nomiyo ochue gik moko duto. Onge gimoro kata achiel mane ochue maonge en.

Jo-Kolosai 1:16

nikech kuome ema ne Nyasaye ochueyoe gik moko duto manie polo kendo manie piny, ok mana gik mineno kende, to koda ka gik ma ok ne bende, kaka loch, gi duong’, gi ruodhi, kod teko. Mago duto Nyasaye nochueyo kuom Kristo, kendo ni Kristo.