Jeremia 1:9 - MUMA MALER 2015

⁹ Bang’e Ruoth Nyasaye notero lwete, momulo dhoga, kowachona niya, “Eri, aketo wechena e dhogi.

Motingʼo Loko Manyien

⁹ Eka Jehova Nyasaye norieyo bade kendo omulo dhoga mi owachona niya, “Koro, aseketo wechega e dhogi.

Jeremia 1:9 Iomraidhean Croise

Isaya 49:2

Ne opiago lewa, modoko liganglane mabith, kendo ne opanda e tipo mar lwete. Ne otima asere moywe maler, kendo ne opanda e olalone.

Isaya 50:4

Ruoth Nyasaye osemiya lep mar puonj, mondo ang’e kaka anyalo hoyo ng’at ma ojony. Opiago ita mabith gokinyi pile pile, ni mondo achik ita ka ng’at mipuonjo.

Isaya 51:16

Aseketo wechena e dhou, mi apandou e tipo mar lweta, ka ayaro polo, kendo ka aketo mise mar piny, bende ka awachonu, un jo-Sayun, ni, “Un e joga.”

Isaya 59:21

To bende Ruoth Nyasaye wacho niya, “Singruok ma abiro timo kodgi e ma: Roho mara man kuomu, kod wechena ma aseketo e dhou, nosik kodu chakre kawuono, nyaka kuom tienge duto mabiro mag nyikwau. An Ruoth Nyasaye ema awacho kamano.”

Jeremia 15:19

To Ruoth Nyasaye nodwoka niya, “Ka iduogo ira, to abiro rwaki, mi inichak ibed jatichna, ka iwacho weche makare, ma ok weche manono, to inichak ibed janabina. Ji biro biro iri, to ok inidhi irgi.

Jeremia 34:6

Bang’e Jeremia janabi noluwo wechego duto ni Zedekia ruodh Juda, mane ni Jerusalem.

Jeremia 36:2

“Kaw kitabu mondo indikie weche duto ma asenyisi kuom Israel gi Juda kod ogendini duto, chakre chieng’ mane akwongo losoe kodi e ndalo loch ruoth Josia nyaka chil kawuono.

Jeremia 5:14

An Ruoth Nyasaye Manyalo Gik Moko Duto abiro nyisi, in Jeremia, gima biro timore ni jogi nikech gik ma gisewachogo. Abiro loko wechena mawuok e dhogi obed mach, to jogi abiro loko yien mondo mach owang’gi pep.

Ezekiel 3:10

Nyasaye ne odhi nyime kawachona niya, “In wuod dhano, chik iti maber ahinya mondo ipar weche duto ma abiro wachoni.

Daniel 10:10

Bang’e ne awinjo ka ng’ato maka, kendo keta piny gi chongena kod luetena, to denda kirni.

Daniel 10:16

Eka gimoro machalo gi dhano nomulo pien dhoga, mi achako wuoyo, ne awacho ni gima chalo dhano mane ochung’ e nyimano niya, “Jaduong’, fweny ma asenenoni ochwowo chunya, omiyo tekra orumo.

Kwan 23:5

monyise weche ma onego owachi, kowachone niya, “Dog ir Balak, kendo iwachne mana kaka anyisi.”

Mathayo 10:19

To ka gimakou to kik uparru gi weche ma duwachi, nikech ka kinde ma kamano ochopo, to nomiu gima onego uwachi,

Mariko 7:33

Yesu nokawo ng’atno, motero kar kende. Noketo lith lwete ei ite, kendo ong’ulo olawo e lewe.

Luka 12:12

nimar Roho Maler nopuonju gima onego uwachi e sano.”

Luka 21:15

nikech an ema namiu weche kod rieko ma onge wasiku kata achiel ma nosir kata nokwer.

Rapar mar Chik 18:16

Mano e gima nukwayo Ruoth Nyasaye ma Nyasachu chieng’ mane uchokore Horeb, kuwacho niya, ‘Owinjore kik wachak wawinj dwond Ruoth Nyasaye ma Nyasachwa, bende ok onego wachak wane mach maduong’ kama kendo, nono to wabiro tho.’

Rapar mar Chik 18:17

Eka Ruoth Nyasaye nowachona niya, ‘Gima giwachono ni kare.

Rapar mar Chik 18:18

Abiro yieronigi janabi kaka in, kuom ogandagi giwegi. Abiro keto wechena e dhoge, kendo enowachnigi weche duto ma achike.