Jeremia 1:13 - MUMA MALER 2015

¹³ Bang’e nochako openja niya, “En ang’o kendo mineno?” Ne adwoke niya, “Aneno agulu kayienyo yo nyandwat, kendo ochiegni pukore yo koni.”

Motingʼo Loko Manyien

¹³ Wach Jehova Nyasaye nochako birona kendo kopenjo niya, “En angʼo mineno?” Anto ne adwoke niya, “Aneno agulu mayienyo, kolokore oa yo nyandwat.”

Jeremia 1:13 Iomraidhean Croise

Chakruok 41:32

Lek ma iseleko diriyono nyiso ratiro ni Nyasaye osechano mar timo kamano, kendo obiro timogo piyopiyo.

Isaya 55:11

e kaka wach mawuok e dhoga nochal, ok noduog ira ka pok otiyo tije, to enotim gima ne ochano, mi ochop ote mane aoree.

Jeremia 24:3

Bang’ mano, Ruoth Nyasaye nopenja niya, “Jeremia, ang’o mineno?” Ne adwoke ni, “Aneno ng’owo, ma moko kuomgi beyo ahinya to moko richo ahinya ma ok nyal cham.”

Ezekiel 11:3

Giwacho ni, ‘Donge ma e kinde maber mar gero udi, nikech dala Jerusalem chalo gi agulu, kendo wan wapondo e iye ka ring’o man e agulu?’

Ezekiel 11:7

Kuom mano, gima an Ruoth Nyasaye awachonu e ma: Ayie ni dalani biro bedo agulu muwachono, to ang’o ma nobed ring’o? Donge mana ringre joma unegogo? Un to abiro riembou oko e dala!

Ezekiel 12:28

To onge wachna moro ma nodeki ngang’, kendo ni gima asewacho notimre mak orem. An Ruoth Nyasaye ema awacho kamano.”

Amos 8:2

Ruoth Nyasaye nopenja niya, “Amos, ineno ang’o?” Ne adwoke ni, “Aneno atonga moting’o olemo mochiek.” Eka ne Ruoth Nyasaye owachona niya, “Joga Israel bende ochiek ni yudo kum, kendo ok nachak awegi mak akumogi.

Zekaria 4:2

Ne openja niya, “Ineno ang’o?” An to ne adwoke niya, “Aneno rachung taya mar dhahabu man gi tawo e wiye. Rachung tayano oting’o teyni abiriyo, kendo taya ka taya nigi kuonde abiriyo mirwakoe kitambi.