Jakobo 5:4 - MUMA MALER 2015

⁴ To pok uchulo misach jotich mane okayonu cham. Winjieuru kaka giywak! Adier, ywak jokeyogo osechopo e it Ruoth Nyasaye Manyalo Gik Moko Duto.

Motingʼo Loko Manyien

⁴ To neuru pok uchulo misach jotich mane otiyonu e puotheu kendo ywak mag jokeyogo osechopo e it Jehova Nyasaye Maratego.

Jakobo 5:4 Iomraidhean Croise

Chakruok 4:10

Ruoth Nyasaye nopenje kendo niya, “Ang’o misetimoni? Winji! Remb owadu misechuero ywakna e lowo.

Ayub 34:28

Ne gichuno joma odhier mondo oywag ni Nyasaye, kendo ne owinjo ka gikwaye mondo okonygi.

Ayub 7:2

kata ka misumba ma gombo yueyo e tipo mang’ich, kendo ka jatich madwaro misache.

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.

Wuok 22:27

nikech mano e lawe kende moumorego. Ka ok itimo kamano, to ere gima donindie? Ka oywakna ni mondo akonye, to anawinje, nikech ang’won.

Wuok 3:9

Asewinjo ywak jo-Israel, kendo aneno kaka jo-Misri thirogi malit.

Isaya 1:9

Ka dine Ruoth Nyasaye Manyalo Gik Moko Duto ok oreso ji manok kuomwa to dine otiekwa chuth, mana kaka ne otiek Sodom gi Gomora.”

Isaya 5:7

Puoth mzabibu mar Ruoth Nyasaye Manyalo Gik Moko Duto en Israel, kendo jo-Juda e yath mane orito maber. Ne ogeno ni adiera dibedie, to nek ema ne oneno, bende noparo ni tim makare diyudree, to ywak malit ema ne owinjo.

Isaya 5:9

Ruoth Nyasaye Manyalo Gik Moko Duto osekuong’ore ka awinjo niya, Udi mang’eny nowe gunda, Adier, udi madongo mabeyo nodong’ nono ma onge joma odakie.

Jeremia 22:13

“En gima lit manadi kuom ng’at ma gero od gorofa e yor miganga kendo ka miyo jowetene tiyo kayiem, to ok migi misara.

Tim jo-Lawi 19:13

Kik idhir wadu, kata kik imaye gire. Bende nyaka ichul jatich mana e odiechieng’ motiyonieno.

Habakuk 2:11

Kata mana kite manie kor utu noywagrenu, kendo yien manie tetu nodwokgi!

Malaki 3:5

Ruoth Nyasaye Manyalo Gik Moko Duto owacho niya, “Abiro ng’adonu bura, kendo bedo janeno kuomu piyo piyo, ka ayalo ajuoke gi joma terore gi joma kuong’ore kayiem gi joma wuondo jotichgi e yor misara, kod joma ok oluora, ma timo marach ni mond liete gi nyithi kiye kod jopinje mamoko modak kuomu.”

Mathayo 9:37

Omiyo nowacho ni jopuonjrene niya, “Cham ochiek mathoth, to jokeyo ema nok.

Luka 18:7

Koro donge Nyasaye nong’ad bura kare ni joge moyier, maywakne odiechieng’ gotieno? Uparo ni dodeki mak okonyogi koso?

Jo-Rumi 9:29

Mano oluore gi gima Isaya nosewacho chon niya, “Ka dine Ruoth Nyasaye Manyalo Gik Moko Duto ok oweyonwa joma chungo wiwa, to dine warumo mana ka Sodom gi Gomora.”

Rapar mar Chik 15:9

Kata dabed ni higa mar abiriyo miweyoe gope chiegni chopo, to kik ubed gi ich lit, mutamru miyogi gimoro. Jogo diywag ni Ruoth Nyasaye, mi dubed joricho.

Jo-Kolosai 4:1

Un ruodhi, timuru ni wasumbu maber kendo mowinjore, kung’eyo ni un gi Ruoth e polo.