Jakobo 4:6 - MUMA MALER 2015

⁶ To ng’wono ma Nyasaye ochiwo ni dhano duong’ moloyo nyiego. En mana kaka Muma owacho niya, “Nyasaye miyo joma muol ng’wono, to odagi josunga.”

Motingʼo Loko Manyien

⁶ To kata kamano omiyowa ngʼwono maduongʼ moloyo, mano emomiyo Muma wacho niya, “Nyasaye osin gi josunga, to ochiwo ngʼwono ne joma muol.”

Jakobo 4:6 Iomraidhean Croise

2 Weche mag Ndalo 32:26

To Hezekia nobolore moweyo sunga. Jo-Jerusalem bende notimo kamano. Omiyo Ruoth Nyasaye ne ok osandogi e ndalo duto mag Hezekia.

2 Weche mag Ndalo 33:12

Koro kane en e thagruok, nohombo Ruoth Nyasaye ma Nyasache mondo ong’wonne.

2 Weche mag Ndalo 33:19

To lemone, kendo kaka Nyasaye nowinjo kwayone, kaachiel gi kethone gi richone duto, kod kuonde mane ogeroe hembko moketoe sirni milamo gi kido mag nyiseche manono, kane pok chunye olokore modembore kuom Ruoth Nyasaye, ondiki e Kitap Weche mag Ndalo mag Jonen.

2 Weche mag Ndalo 33:23

Amon achielni ne ok obolore e nyim Ruoth Nyasaye kaka Manase wuon mare nobolore, to nomedo ketho moloyo.

2 Weche mag Ndalo 34:27

‘Asewinji nikech kane iwinjo wechena mane awacho kuom pinyni kod joma odakie, chunyi ne yom kendo odembore, miyiecho lepi, kendo iywak e nyima.

Ayub 22:29

Nyasaye tieko josunga, to oreso joma obolore.

Zaburi 138:6

Kata obedo ni in malo chutho, A Ruoth Nyasaye, to pod ikecho joma ni e piny. Josunga bende ok nyal pondoni!

Zaburi 9:12

Nyasaye paro jogo ma ithiro, bende wiye ok wil gi ywakgi. En e jachul kuor, kendo okumo joma timonigi marach.

Wuok 18:11

Koro ang’eyo ni Ruoth Nyasaye duong’ moloyo nyiseche duto, nikech osereso jo-Israel e loch mar jo-Misri, kuma ne iritogie gi achaye.”

Ngeche 15:33

Luoro Ruoth Nyasaye puonjo ji rieko, kendo bedo mamuol kelo luor.

Ngeche 18:12

Ng’at mamuol ema yudo duong’. Jasunga to luwo yo mochiko kethruok.

Ngeche 22:4

Bed ng’ama ok sungre, kendo luor Ruoth Nyasaye, eka iyud mwandu gi luor, kendo idag aming’a.

Ngeche 29:23

Sunga ema miyo ji podho. Joma muol to yudo luor.

Ngeche 3:34

Wi Ruoth Nyasaye tek ni joma wigi tek, to okecho jogo ma obolore.

Isaya 2:17

Duong’ duto ma dhano nigo noduog piny. Sunga mar dhano bende noruchre e buru.

Isaya 54:7

Chutho, ne ajwang’i kuom kinde manok, to koro abiro dwoki dala gi hera matut.

Isaya 57:15

Ng’ama Duong’ Moloyo, ma nyinge Ng’ama Ler, kendo mosiko nyaka chieng’ wacho kama: “Adak kama ler kendo man malo, gi joma chunygi obolore kendo muol, mondo aduog chuny joma muol, kendo ajiw teko mar joma obolore.

Daniel 4:37

To koro, an Nebukadnezar apako Ruodh Polo kendo amiye duong’, nimar gimoro amora motimo ni kare. Pile ong’ado bura kare, kendo odwoko joma sungore piny.

Mathayo 13:12

nimar ng’at man-go ema nomedi, bi bed gi gik mang’eny moloyo. To ng’at maongego noma kata mana matin ma en-go.

Mathayo 23:12

Ng’at ma ting’ore malo nodwok piny, to ng’at ma dwokore piny ema noting’ malo.

Luka 1:52

Oseriembo ruodhi e kombegi, kendo oseting’o jochan malo.

Luka 14:11

nikech ng’at mating’ore malo nodwok piny, to ng’at madwokore piny noting’ malo.”

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

Jakobo 4:10

Bolreuru e nyim Nyasaye, eka enoting’u malo.

1 Petro 5:5

Kamano bende un joma tindo, nyaka uwinj jodongu, kendo un duto nyaka urwak muolo ka law, kukonyoru e kindu uwegi, nimar Muma wacho niya, “Nyasaye dagi josunga, to joma muol ema omiyo ng’wono.”

1 Samuel 2:3

Weuru sungruok mukwarorugo, kendo ng’ayi kik wuog e dhou, nikech Ruoth Nyasaye en Nyasaye mong’eyo gik moko duto, kendo en ema opimo timbe dhano.