Jakobo 4:5 - MUMA MALER 2015

⁵ Koso uparo ni Muma wacho kayiem ni, “Chuny ma Nyasaye oketo ei dhano en chuny ma janyiego”?

Motingʼo Loko Manyien

⁵ Koso uparo ni muma wacho kayiem ni chuny Nyasaye moketo mondo odag eiwa nigi nyiego mager.

Jakobo 4:5 Iomraidhean Croise

Chakruok 26:14

Nyiego nomako jo-Filistia kod Isaka, nikech ne en gi rombe kod dhok mathoth, kaachiel kod wasumbini mang’eny.

Chakruok 30:1

Kane Rahel oneno ni ok onywol ni Jakobo nyithindo, nyiego nomake gi nyamin mare, mowacho ni Jakobo niya, “Miya nyithindo, nono to abiro tho!”

Chakruok 37:11

Nyiego nomako owete Josef kode, to wuon mare nosiko kaparo wachno.

Chakruok 38:9

To Onan nong’eyo ni nyithindogo ok dibed mage, omiyo e kinde duto mane oriwore gi chi owadgino, ne oolo kothe piny, mondo kik onywol ni owadgi.

Chakruok 6:5

Kane Ruoth Nyasaye oneno ni dhano osetimo richo mang’eny e piny, kendo chunye gombo mana timo richo pile,

Chakruok 8:21

Kane Ruoth Nyasaye owinjo suya mamit, nowacho e chunye niya, “Timbe dhano ok nomi akuong’ piny kendo, nikech aneno ni paro mag dhano richo, chakre nywolne. Bende ok nachak atiek gik mangima kaka asetimoni.”

Zaburi 106:16

Kane pod gin e thim, nyiego ne omakogi gi Musa, kendo gi Harun, jatich mowal ni Ruoth Nyasaye.

Zaburi 37:1

Kik chunyi chandre nikech timbe joma richo, bende kik iwe nyiego maki gi joma timo richo.

Ngeche 21:10

Riyo mar timo richo ohingo joma timbegi mono, kendo ok gikech ng’ato.

Eklesiastes 4:4

Bende kane aparo gima omiyo ji tiyo matek mondo odhi maber, to ne ayudo ni gitimo kamano nikech gidwaro ni mondo gibed gi gik mang’eny moloyo jowadgi. To mano en gima nono, ka yamo makadho!

Isaya 11:13

Nyiego mar jo-Israel nolal nono, kendo sadha mar jo-Juda norum. Adier, nyiego ok nomak jo-Israel gi jo-Juda, kendo jo-Juda ok nobed wasik jo-Israel.

Kwan 11:29

Mad jo-Ruoth Nyasaye duto dok jonabi, kendo Ruoth Nyasaye migi teko mar Roho!”

Kwan 23:19

Nyasaye ok en dhano ma doriambi. Ooyo, ok en dhano ma dolokre. Osewuoyo, to donge obiro timo kaka owacho? Adier, obiro chopo gima osehulo.

Johana 10:35

To wang’eyo malong’o ni wach Nyasaye ok nyal lokore.

Johana 19:37

Muma wacho bende ni, “Giniteg wang’gi kuom jal mane gichwowo.”

Johana 7:42

Donge Muma wacho ni Mesia nobed nyakwar Daudi, kendo ni nonywole Bethlehem, dala Daudi?”

Tich Joote 7:9

“To nyiego nomako kwerewago gi Josef, mi ging’iewe, modhi obedo misumba e piny Misri. To Nyasaye ne ni kode,

Jo-Rumi 1:29

Gipong’ gi timbe maricho duto, kaka gombo gi chuny marach. Adier gipong’ gi nyiego gi nek gi dhaw gi miganga kod himruok. Gin jokuoth,

Jo-Rumi 9:17

Nyasaye wacho ni Farao e Muma niya, “Ne aketi ruoth mana ni mondo gima atimoni omi ji ong’e kaka tekona duong’, kendo mondo humba olandre e piny ngima.”

1 Jo-Korintho 6:19

Koso ok ung’eyo ni ringreu en Hekalu mar Roho Maler modak e iu, mane Nyasaye omiyou? Un ok un mau uwegi, to un mag Nyasaye.

2 Jo-Korintho 6:16

Ere winjruok ma Hekalu mar Nyasaye nigo gi nyiseche manono? Apenjou kamano nikech wan e Hekalu mar Nyasaye Mangima, mana kaka Nyasaye nowacho niya, “Abiro dak kodgi, kendo anawuoth kuomgi. Anabed Nyasachgi, kendo ginibed joga.”

Jo-Galatia 3:8

Muma wuoyo kuom Ibrahim niya, “Kuomi ema Nyasaye nogwedhie ogendini duto mag piny.” Kamano ne onyise Wach Maber chon ni Nyasaye nomi joma ok jo-Yahudi bed e winjruok kode kuom yie.

Tito 3:3

Wan wawegi chon ne waonge rieko. Ne ok wawinjo wach, kendo ne wan joma ne olal. Ne wan wasumbini mag gombo mayoreyore mag ringruok, kendo pile ne wan gi ichlit gi nyiego e chunywa. Ne wamon gi jowetewa, kendo jowetewa bende ne mon kodwa.