Jakobo 4:2 - MUMA MALER 2015

² Ugombo, to ok uyudi, omiyo uneko! Nyiego makou nikech gima ok unyal nwang’o? Omiyo upiem kendo ukedo. To gimomiyo ok unyal yuda gima udwaro en nikech ok ukwa Nyasaye.

Motingʼo Loko Manyien

² Udwaro ni ubed gi gik moko, to ok uyudgi. Uneko kendo ugombo gige ji, to ok unyal yudo gik mudwarogo. Udhawo kendo ugoru e kindu ngʼato gi ngʼato. Ok uyud gik mudwaro nikech ok ukwa Nyasaye.

Jakobo 4:2 Iomraidhean Croise

1 Ruodhi 21:6

Nodwoke niya, “Akuyo nikech nakwayo Naboth ja-Jezreel ni mondo ang’iew puothe mar mzabibu, to ka ok odwar pesa to mondo awilne gi puodho machielo. To nokwera ni ok onyal miya puothe.”

Ngeche 1:19

Pile mecho hinyo ng’ama jamecho. Chutho, mano e gima timore ni jakuo.

Eklesiastes 4:8

En ngima ng’at modak kende maonge gi wuowi kata gi owadgi. Pile otiyo atiya matek, to mwandu moyudo ok rome. Openjore niya, “En ng’a ma atiyone matek, ka atuonora gik mabeyo ma onego acham?” Mano bende en gima nono, ma ok owinjore kata matin.

Isaya 7:12

To Ahaz nodwoko niya, “Ooyo, ok natem Ruoth Nyasaye ka akwaye mondo omiya ranyisi.”

Habakuk 2:5

Andhoke ma jo-Babulon sungore, to ok ginidhi maber. Gisechoko ogendini mang’eny moa e pinje mopogore opogore, ka wuoro omakogi, to ok ginyal yieng’.

Johana 16:24

Nyaka chop koroni, pok ukwayo gimoro e nyinga, to koro kwauru, to unuyudi, mondo mor ma un-go obed moromo chuth.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

Jakobo 1:5

To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Jakobo 5:6

Useng’ado bura ni joma onge ketho, mi unego, to ok gitamou.

1 Johana 3:15

Ng’at mamon gi wadgi en janek, to ung’eyo ni janek onge gi ngima ma nyaka chieng’ kuome.