Jakobo 4:10 - MUMA MALER 2015

¹⁰ Bolreuru e nyim Nyasaye, eka enoting’u malo.

Motingʼo Loko Manyien

¹⁰ Bolreuru e nyim Ruoth Nyasaye eka obiro otingʼou malo.

Jakobo 4:10 Iomraidhean Croise

2 Weche mag Ndalo 7:14

to ka joga miluongo gi nyinga obolore ka lama kendo dwara, ka giweyo yoregi maricho, eka nawinj e polo, mi nawenigi richogi kendo nares pinygi.

Ayub 22:29

Nyasaye tieko josunga, to oreso joma obolore.

Ayub 5:11

Adier, Nyasaye ema ting’o joma odhier malo, kendo oreso joma okuyo.

Zaburi 113:7

Ochungo joma odhier a e buru. Adier, ogolo jochan e pidh yugi,

Zaburi 147:6

Oting’o joma obolore malo, joricho to ochwado piny e lowo.

Zaburi 27:6

Kamano analo wasigu molwora koni gi koni. Anachiw misengni e Hekalu gi mor, kendo anapak Ruoth Nyasaye gi wer.

Zaburi 28:9

A Ruoth Nyasaye, war jogi ma mwanduni iwuon kendo iguedhgi. Bed jakwadhgi, kendo iritgi nyaka chieng’.

Zaburi 30:1

A Ruoth Nyasaye, adendi nikech isewara, kendo ok iseyie mondo wasika ogona siboi.

Wuok 10:3

Kuom mano Musa gi Harun nodhi ir Farao, mowachone niya, “Ruoth Nyasaye ma Nyasach jo-Hibrania owacho kama: ‘Pod ibiro dagi bolori e nyima nyaka kar ang’o? We joga oa mondo odhi olama.

Ngeche 29:23

Sunga ema miyo ji podho. Joma muol to yudo luor.

Ezekiel 21:26

An Ruoth Nyasaye awacho kama: Lony osimboni mar duong’ kod kilembani, nimar gik moko ok bi bedo kaka gin pile. Ji modhier ema biro yudo loch, to joma nigi teko biro podho.

Mathayo 23:12

Ng’at ma ting’ore malo nodwok piny, to ng’at ma dwokore piny ema noting’ malo.

Luka 1:52

Oseriembo ruodhi e kombegi, kendo oseting’o jochan malo.

Luka 14:11

nikech ng’at mating’ore malo nodwok piny, to ng’at madwokore piny noting’ malo.”

Luka 18:14

Eka Yesu, notieko kawacho niya, “Akonu ni ng’atni nodok dala ka ni kare e nyim Nyasaye moloyo ng’at machielo cha, nimar ng’at ma ting’ore malo nodwok piny, to ng’at ma dwokore piny noting’ malo.”

1 Petro 5:6

Omiyo beduru mamuol e bwo bad Nyasaye man gi teko, mondo obi oting’u malo e ndalo mowinjore.

1 Samuel 2:7

Ruoth Nyasaye kelo dhier, kendo okelo mwandu. Odwoko piny, bende oting’o malo.

1 Samuel 2:9

Orito tiend joge ni kik chwanyre, to joricho lal e mudho, nikech teko ng’ato owuon ok nyal miye loch.