Jakobo 3:6 - MUMA MALER 2015

⁶ Kamano lep bende en mach. En piny mopong’ gi timbe maricho. Kuom fuondewa, lep ema ketho ringrewa duto, kendo omoko mach e ngima dhano duto. En owuon to imoke e mach mak tho.

Motingʼo Loko Manyien

⁶ Lep bende en mach kendo piny mopongʼ gi richo e kind fuonde duto mag ringruok. Oketho ringruok duto ka omoko mach mawangʼo ngima dhano duto mi chop en owuon bende wangʼe e Gehena.

Jakobo 3:6 Iomraidhean Croise

2 Samuel 16:20

Absalom nowacho ni Ahithofel niya, “Ng’adnwae rieko; ere gima onego watim?”

2 Samuel 19:43

Jo-Israel nodwoko jo-Juda kendo niya, “Wan dhoudi apar e piny Daudi, omiyo owinjore wabed kode moloyo un! Marang’o ujarowa? Donge wan ema ne wakwongo paro wach duogo ruoth?” To kata kamano weche jo-Juda ne ger moloyo weche jo-Israel.

2 Weche mag Ndalo 13:17

Abija kod joge ne onegogi malich ahinya, mi jo-Israel marateke moyier alufu mia abich notho.

Zaburi 140:3

Gipiago lewgi mabith mana ka lak thuol. Adier, wechegi chalo gi kwich thuond rai.

Zaburi 64:3

Gipiago lewgi mana ka ligangla, kendo gichielo weche mager mana ka asere.

Ngeche 15:1

Dwoko mamuol ema kueyo mirima, to dwoko makwiny jimbe ajimba.

Ngeche 16:27

Ng’at ma chunye rach ohero mana ero miero, kendo wechene chalo mach mager!

Ngeche 6:19

mar auchiel en janeno mawacho miriambo lilo, mar abiriyo en ng’at mathuwo osiepe mondo odhaw.

Ngeche 7:5

Ginimi itang’ ni mond jomoko nono. Adier, inibed mabor gi mon ma jomganga mawacho weche kisera.

Isaya 30:27

Neuru! Ruoth Nyasaye biro, kaa kuma bor. Mirimbe liel ka mach ma iche dhuolore. Dhoge tetni gi mirima mager, kendo lewe otimo mach makakni, mawang’o gik moko duto.

Isaya 50:11

Winjuru, un duto joma kudho mach, kendo moko meny, mi liel. Wuothuru awuotha e ligek mach musekudho kendo e meny ma usemokono! Gima ubiro yudo e lweta e ma; Ubiro rieru piny gi rem malit kutho.

Jeremia 20:10

Awinjo ka ji kuodha gi nying’ ma gichaka ni ‘Masira ni kuonde duto,’ kendo giwacho niya, ‘Kwedeuru! Ee, wakwede!’ Kata mana osiepena ma ageno bende gombona mana chwanyruok. Giwacho niya, ‘Dipo ka oyondhe, mi omoko, kendo wachulone kuor.’

Jeremia 28:16

Omiyo Ruoth Nyasaye owuon wacho ni obiro tieki e wang’ pinyni, nimar ibiro tho ka pok higani orumo, nikech isejiwo ji mondo otamre mako chikne.”

Tim jo-Lawi 24:11

Nokwong’e koyanyo nying maler mar Ruoth Nyasaye, omiyo ne gikele ir Musa.

Kwan 25:2

mane luongogi e sep misengni mane gitimo ni nyisechegi. Ne gidhi, mi gichamo chiemogo, kendo gilamo nyiseche jo-Moab.

Kwan 31:16

Donge ung’eyo ni kane Balaam osea gweng’ Peor, to mon-go ema nobet kawuondo jo-Israel mondo owe Ruoth Nyasaye, mi mano nomiyo tho ogoyo oganda Ruoth Nyasaye?

Mathayo 12:24

To jo-Farisai ka ne owinjo kamano, ne giwacho ni, “Jali golo jochiende mana nikech Beelzebul ruodh jochiende ema omiye teko mar timo kamano.”

Mathayo 5:22

An to awachonu ni ng’at ma okecho gi wadgi noter e bura, kendo ng’at monyanyo wadgi, to noyal e Bura Maduong’, to ng’ato mowacho ni wadgi ni ofuwo, nong’adne buch mach mak tho!

Mariko 7:15

Onge gimoro man oko, ma, kodonjo ei dhano, to miyo odoko jaketho, to mak mana gima wuok e chunye. [

Luka 16:24

Eka nokok kowacho niya, ‘Wuonwa Ibrahim, kecha mondo ior Lazaro olut lith lwete e pi, okuego lewa, nikech an gi rem malit e ligegani!’

Tich Joote 20:30

Ndalo biro ma jomoko nowuogie kuomu, mi puonj weche ma miriambo mondo giywago jopuonjre oluwgi.

Tich Joote 5:3

To Petro nowachone niya, “Anania, ang’o momiyo iseweyo Satan opong’o chunyi mondo iwuond Roho Maler, kidong’ gi pesa moko mane ing’iewo puodho?

Tich Joote 6:13

Eka ne gikelo jomoko mondo ohangne wach ni, “Jali pile yanyo Hekalu marwa maler, kod Chik Musa.

Rapar mar Chik 13:6

“Ka owadu hie kata wuodi kata nyari kata chiegi mihero, kata mana osiepni migeno osemi ling’ling’ kawachoni ni mondo idhi ilam nyiseche mamoko ma in ok ing’eyo kata ma kwereni bende ne ok ong’eyo,

Tito 1:11

Nyaka kwergi mondo giling’, nikech giketho mier ka gipuonjo weche ma ok owinjore gipuonji, mana ni mondo giyud pesa.

Jakobo 2:7

Koso ok gin ema giwuoyo marach kuom nying moluor mochakuno?

Jakobo 3:7

Onge le moro amora, kata winyo, kata gik mamol, kata rech, ma dhano ok nyal boyo, kata ma pok oboyo.

2 Petro 3:3

Mokwongo nyaka ung’eni e ndalo giko, jomoko nowuog ma luwo mana gombogi giwegi. Ginicharu,

3 Johana 1:10

Omiyo ka abiro to anael gik ma otimo e lela, kaka ohangowa gi weche mamono maricho. To ewi mago duto, otamore rwako owete bende, to ok mano kende, to bende otamo joma dwaro timo kamano e kanyakla mar jo-Kristo.

Fweny 12:9

Thuol maduong’no ne owit mwalo e piny kaachiel gi malaikane duto. En e thuol mang’ongo machon miluongo ni Jachien kata Satan, mane owuondo piny ngima.

Fweny 13:14

To honni mane oyiene ni mondo otim e nyim Ondiek mokwongo ema nowuondogo joma odak e piny. Ne ogolo chik mondo joma odak e piny olos gima ket gi ondiek mane ogo lero mar tho gi ligangla, to ne ok otho.

Fweny 18:23

Ler mar taya ok nochak orieny kuomi, kata dwond wuon kisera gi dwond miaha ok nowinji kuomi kendo ng’ang’. Joohala magi ne gin joohala madongo e piny, bende ne iwuondo ogendini duto gi timbeni mag jwok.”

Fweny 19:20

To ne olo Ondiek, mi omaki kaachiel gi Janabi mar Miriambo, mane osebedo katimo honni e nyime. Honnigo ema ne osewuondogo joma ne oketnigi alama mar Ondiek, kendo mane lamo gima ket gi Ondiegno. Ondiek gi Janabi ne owit kangima e ataro mar ligek mach.