Jakobo 2:5 - MUMA MALER 2015

⁵ Owetena mahero, winjuru gima awacho. Donge Nyasaye noyiero joma piny kwano ka jochan mondo obed jomwandu korka yie, kendo obed joma yudo gueth mar Loch Nyasaye, mane osingore ni nomi joma ohero?

Motingʼo Loko Manyien

⁵ Winjuru wachni jowetena mageno: Donge Nyasaye oseyiero joma piny kwano ni odhier mondo obed joma omew e yie margi kendo mondo ocham mwandu mag pinyruoth mosesingo ni joma ohere?

Jakobo 2:5 Iomraidhean Croise

1 Ruodhi 22:28

To Mikaya nowacho niya, “Kiduogo kingima, to kara Ruoth Nyasaye ok osemiyo awuoyo!”

Ayub 34:10

Un joma riek, koro chikuru itu mondo uwinji. Bende Nyasaye Manyalo Gik Moko Duto ditim gima ok ni kare adier?

Ayub 34:19

Nyasaye ema nochueyo ng’ato ka ng’ato, omiyo ok ochwak achwaka jotelo kayiem nono, bende otimo ni joma odhier gi joma omew mana machalre.

Ayub 38:14

Ka piny yawore, to gode gi holni nenore ka kido mogor e nanga.

Wuok 20:6

to tienge gana gi gana mohera kendo momako chikna, to ahero gi hera mosiko.

Ngeche 13:7

Ji moko kawore ka jomwandu, to chutho gionge gi gimoro. Ji moko to wuondore ni jochan, to adier, gin gi mwandu mathoth!

Ngeche 7:24

Koro in wuoda, chik iti mondo iwinj gima awachoni.

Ngeche 8:32

Koro un yawuota, winjuru gima awacho, nikech joma timo kaka anyisogi gin johawi.

Isaya 14:32

Koro ere dwoko ma onego mi joote mag ogandano? Dwokgiuru niya, “Ruoth Nyasaye osemiyo Sayun ogurore motegno, kendo kanyo ema joge ma jochan biro tonyie.”

Isaya 29:19

Joma muol nochak obed mamor kuom Ruoth Nyasaye. Adier, joma odhierie moloyo nobed mamor kuom Ng’ama Ler mar Israel.

Zefania 3:12

To joma nawe nobed joma odhier kendo mathagore.

Zekaria 11:11

Kamano singruok ne okethi chieng’no, kendo joohand rombe mane ranga nong’eyo ni en wach Ruoth Nyasaye.

Zekaria 11:7

Kuom mano ne adoko jakwadh rombe miyang’o, ka atiyo ni joohand rombe. Bang’e ne akawo ludhe ariyo, mi achako achiel ni, ‘Ng’wono’, to machielo ne achako ni, ‘Riwruok’. Kamano ne abedo jakwadh rombe.

Mathayo 11:5

Nyiseuru ni muofni neno, pudhe wuotho, jodhoho ichango, joma itgi odino winjo wach, joma otho ichiero, kendo joma odhier ilandonigi Wach Maber.

Mathayo 25:34

Eka nowachi ni joma ni e bade korachwich niya, ‘Biuru, un joma Wuora oseguedho, mondo ukaw piny moseiknu chakre chwech piny,

Mathayo 5:3

“Joma ong’eyo ni ok long’o e nyim Nyasaye gin johawi, nikech gueth mar Loch Polo en margi.

Mariko 7:14

Chieng’ machielo Yesu noluongo ji ire, mowachonigi niya, “Un duto, winjuru gima awachonu, mondo ung’e tiende.

Luka 12:21

Eka Yesu notieko kawacho ni, “Mano e kaka obet kuom ng’ama choko mwandu ni en owuon, to ok omew e wang’ Nyasaye!”

Luka 12:32

“Kik uluor, un kueth matinni, nimar Wuonu ohero miyo ubed gi loch kaachiel kode.

Luka 16:22

To mos achien, ng’at modhierno notho, mi malaika noting’e, motere e bath Ibrahim. Bang’e jamokono bende notho, mi oyiki.

Luka 16:25

To Ibrahim nodwoke ni, ‘Wuoda, par ni kane pod ingima ne iyudo gik moko mabeyo, to Lazaro ne yudo gik maricho. To koro sani oneno maber kaeri, ka into inie rem malit.

Luka 22:29

kendo kaka Wuora osechano mondo omiya teko mar loch, e kaka un bende asechano mondo uyud loch.

Luka 6:20

Yesu norango jopuonjrene, mowachonigi niya, “Mano kaka un johawi, un joma odhier, nikech gueth mar Loch Nyasaye en maru!

Johana 7:48

Bende usenenoe jatendwa moro, kata ja-Farisai moro, moyie kuome?

Tich Joote 7:2

To Stefano nodwoko kawacho niya, “Owetena gi wuonena, winjuru. Nyasachwa ma Nyasaye man gi duong’ maler, nofwenyore ne Ibrahim kwarwa ka ne en Mesopotamia, kapok odhi odak Haran,

Jo-Rumi 8:17

To ka wan nyithind Nyasaye kamano, to wayudo mich ma osesingorenwa bende. Adier, wayudo michgo kaachiel gi Kristo! Chutho, ka wayie neno masira kode, to wanayud duong’ kode bende.

1 Jo-Korintho 2:9

To riekono koro osefwenyore, mana kaka Muma wacho niya, “Gik ma wang’ pok oneno, kendo ma it pok owinjo, bende mapok odonjo e chuny dhano, e gik ma Nyasaye oiko ni joma ohere.”

2 Jo-Korintho 4:15

Mago duto obetie nikech un, mondo kaka ji mayudo ng’wono mogundho mar Nyasaye medore, e kaka erokamano mimiyogo Nyasaye duong’ bende omedore.

2 Jo-Korintho 6:10

Kata obedo ni wan gi kuyo maduong’, to wamor pile, kendo kata obedo ni wan kaka jochan, to wamiyo ji mathoth mwandu. Bende wan kaka joma onge gimoro, to kara wan gi gik moko duto.

2 Jo-Korintho 8:9

Ung’eyo ng’wono mar Ruodhwa Yesu Kristo, ni kata ne en gi mwandu mogundho kamano, to nodoko jachan nikech un, mondo un ubed jomwandu kuom chan mare.

Jo-Efeso 1:18

Akwayo ni chunyu oyawre mondo ung’e gima ugeno moseluongoue kendo ung’e kaka guethne mosesingore ni nomi joge ogundho,

Jo-Efeso 3:8

An e ng’ama tinie ahinya moloyo jo-Nyasaye duto, to Nyasaye notimona ng’wono, momiya tich mar lando ni joma ok jo-Yahudi Wach Maber mar mwandu mogundho mar Kristo.

1 Jo-Thesalonika 2:12

Ne wajiwou kwahoyo chunyu kendo wasiemou mondo ubed joma bedo malong’o ni Nyasaye ma luongou e lochne man gi duong’.

2 Jo-Thesalonika 1:5

Mano en gima nyiso ratiro ni bura mar Nyasaye ni kare, nimar kuseneno sand kod chandruok nikech Loch Nyasaye kamano, to e giko, mano nomi kwanu ka joma owinjore yudo gueth mar Lojno.

1 Timotheo 6:18

Nyisgi mondo gibed joma timbegi beyo, ka timbegigo ema obedonigi mwandu mogundho, mayie pogo gik ma gin-go ni jowetegi.

2 Timotheo 4:18

Bende ang’eyo ni Ruoth pod biro resa kuom gimoro amora madwaro hinya, mi ochopa maber e polo kuma olochoe. Duong’ obedne nyaka chieng’. Amin.

2 Timotheo 4:8

Koro gima okanna en mana osimbo mimiyo joma kare, ma Ruoth ma jang’ad bura makare biro miya chieng’ birone. To ok an kenda ema nomiya osimbo, to nomi koda ka ji duto morito birone gi chunygi duto.

Jo-Hibrania 11:26

nimar noneno ni achaya miyudo nikech Mesia nigi mwandu maduong’ moloyo mwandu mag Misri. Noketo chunye kuom pok mane Nyasaye biro miye.

Jakobo 1:12

Ng’at ma nano ka iteme en jahawi, nikech koseloyo tem to noyud osimbo mar ngima ma Ruoth nosingore ni nomi jogo mohere.

Jakobo 1:16

Owetena mahero, ng’ato kik wuondu.

Jakobo 1:19

Owetena mahero, mago duto ung’eyo. To ng’ato ka ng’ato nyaka bed ng’at mawinjo wach piyo, kendo materore mos kuom wuoyo, kendo ma mirima ok mak piyo.

Jakobo 1:9

Ka Nyasaye oting’o owadwa moro modhier malo, to mondo obed mamor.

1 Petro 1:4

En geno mar yudo mwandu mosiko nyaka chieng’. Okanonugo e polo, kuma ok onyal kethoree kata towie.

2 Petro 1:11

Kamano nomiu thuolo maduong’ mar donjo e piny mochwere mar Ruodhwa kendo Jawarwa Yesu Kristo.

Fweny 2:9

“ ‘Ang’eyo chandruok ma ineno, kod chan mari, to chutho in jamoko! Bende ing’eyo ayany ma joma wacho ni gin jo-Yahudi, to ok gin jo-Yahudi, yanyigo. Chutho, gin mana oganda jolemo mar Satan.

Fweny 21:7

Ng’at molocho noyud gigo, kendo anabed Nyasache, to enobed wuoda.

Fweny 3:18

To ang’adoni rieko ni mondo ing’iew kuoma dhahabu mopwodhi gi mach mondo inwang’ mwandu. Lewni marachere bende ing’iew kuoma irwakrigo mondo igeng’go dugi makeloni wichkuot. Yath bende ng’iew, iwirgo wang’i mondo inen.

Jong’ad Bura 9:7

Kane Jotham owinjo wachno, nodhi mochung’ ewi got Gerizim, kendo nokok niya, “Winjuru un jo-Shekem, kendo Nyasaye bende mondo owinju.

1 Samuel 2:30

Nasingora ni dhoodu ni ginitina nyaka chieng’. To koro awacho ni ok nobed kamano ngang’, nimar joma miya duong’ ema nami duong’, to jogo mochaya, ok nokwan ka gimoro.

1 Samuel 2:8

Ogolo jachan e buru, kendo oting’o ng’ama odhier a e pidh yugi, mondo omiye bedo e kom moyiedhi kaachiel gi ruodhi. Mise mar piny en mar Ruoth Nyasaye, kendo orenjo piny kuome.