Jakobo 2:2 - MUMA MALER 2015

² Kamoro nyalo bet ni jamoko moro man gi tere mang’eny mag dhahabu, kendo morwakore maber, obiro e chokruok maru, to eka jachan moro morwako lewni mokidhore bende obiro e chokruokuno.

Motingʼo Loko Manyien

² Wakaw ni ngʼato odonjo e chokruok maru korwako bangli mar dhahabu gi lewni mabeyo, to ngʼat moro modhier morwako lewni mokidhore okidhore bende odonjo kode.

Jakobo 2:2 Iomraidhean Croise

Chakruok 27:15

Eka Rebeka nokawo lep Esau mabeyo ma nokano, mi orwakogo Jakobo.

Isaya 64:6

Waduto wasebedo ka ng’at mogak, kendo timbewa duto mabeyo chalo mana gi lewni mochido. Waduto wasener mana ka oboke, kendo timbewa mamono kwadhowa oko mana ka yamo.

Luka 15:22

To wuon mare nowacho ni jotichne ni, ‘Goluru law maberie moloyo piyopiyo mondo urwakne, kendo uketne tere e lith lwete. Wuoche bende mondo urwakne e tiende.

Luka 23:11

Herode kaachiel gi askechene nojare, kendo nonyiere. Eka Herode nogolo chik, morwakne kandhu maber, bang’e odwoke ir Pilato.

Jakobo 2:3

To ka unyalo dewo mana wang’ ng’at morwakore maberno, mi uwachne ni, “In, yie ibed ka,” to jachan to uwachone ni, “In to, chung’ kucha,” kata ni, “Bed piny e tienda ka,”