Jakobo 1:5 - MUMA MALER 2015

⁵ To ka ng’ato kuomu riekone orem, to ber mondo okwa Nyasaye, kendo Nyasaye nomedne rieko, nikech ochiwo gi ng’wono mak ochayo ng’ato.

Motingʼo Loko Manyien

⁵ Ka ngʼato kuomu ochando rieko to okwa Nyasaye, ma jachiwo maber ne ji duto kendo nomiye maonge kiawa.

Jakobo 1:5 Iomraidhean Croise

1 Weche mag Ndalo 22:12

Ruoth Nyasaye ma Nyasachi mondo omiyi rieko duto mondo irit chikne koseketi ruodh Israel.

2 Weche mag Ndalo 1:10

Yie imiya rieko mondo ang’e kaka datel ni ogandani, nimar ere ng’ama dinyal rito jogi mang’enygi?”

Zaburi 51:6

To chuny man gi adiera ema idwaro, omiyo pong’ parona gi riekoni.

Wuok 31:3

Asepong’e gi Roho mara mondo obed gi lony kod nyalo, kaachiel gi rieko mar ng’eyo tije duto mag lwedo, kaka:

Wuok 31:6

To bende aseyiero Oholiab wuod Ahisamak, ja Dan, mondo okonye, kendo asemiyo jotich duto molony rieko mondo olos gigo duto masechiki.

Ngeche 8:17

Ahero joma ohera, kendo ng’ato nag’ata madwara to yuda.

Mathayo 11:20

Yesu nochako wuoyo kuom mier mane otimoe honni mang’eny, korogo ni joma odakie nikech ne gitamore loko chunygi.

Mariko 16:14

Bang’e mogik, Yesu nofwenyore ni jopuonjrene apar gachiel kane oyudo gichiemo. Noseyogi nikech ne gisedagi yie, kendo nikech chunygi ne tek, ma ok ginyal yie wach joma ne onene kosechier.

Johana 14:13

Kendo gimoro amora mukwayo e nyinga natim, mondo Wuoro oyud duong’ kuom Wuowi.

Johana 15:7

Ka ubet kuoma, kendo wachna obet kuomu, to gimoro amora mukwayo notimnu.

Johana 4:10

Yesu nodwoke niya, “Ka da ing’eye mich mar Nyasaye, kendo ing’e jal makwayi pi mondo omodhini, to in ema da ikwaye pi, mi da omiyi pi mangima.”

2 Jo-Korintho 2:16

Kuom joma lal en tik mar tho makelo tho, to kuom joma ireso to en tik mar ngima. Koro ere ng’ama nyalo gik ma kamago?

Jakobo 1:17

Mich mabeyo duto, kod chiwo malong’o duto, a e polo malo. Gia kuom Nyasaye Wuoro mane ochueyo ler mag polo. En ok olokre, bende ok owichre owewa e mudho.

Jakobo 3:17

To rieko moa e polo malo, opogore gi mano. Mokwongo oler, kendo okelo kue. Omuol, bende oikore winjo wach. Opong’ gi ng’wono, kendo onyago timbe mabeyo. Ok odew wang’ ji to bende ok ogang wach.

Jakobo 5:16

Emomiyo, ng’ato ka ng’ato mondo ohul richone ni wadgi, kendo ng’ato ka ng’ato olem ni wadgi mondo obed mangima. Lemo mar ng’at makare nigi teko kendo timo gik madongo.

1 Johana 3:22

mondo wayud gik moko duto ma wakwayo kuome, nikech wamako chikene, kendo watimo gik malong’o e nyim Nyasaye.