Jakobo 1:11 - MUMA MALER 2015

¹¹ Ka chieng’ owuok makech to wang’o maua kendo thiepene lwar piny, bang’e kite maber lal nono. Kamano e kaka jamoko bende biro lal nono mana ka tiyo tichne.

Motingʼo Loko Manyien

¹¹ Nikech ka chiengʼ rieny maliet to owangʼo maua kod thiepene kendo gilwar piny kendo berne rumo. Kamano bende e kaka ja-mwandu biro lal nono, kata mana kotiyo tijene.

Jakobo 1:11 Iomraidhean Croise

2 Samuel 22:46

Chunygi nool, mi ne giwuok ka gitetni, kuma ne gipondoe.

Zaburi 102:11

Ngimana kadho piyo mana ka tipo mar odhiambo, kendo achalo gi lum maner.

Zaburi 102:4

Chunya ool mana ka lum moner, kendo dhoga rach ma ok anyal chiemo.

Zaburi 103:15

Ngima dhano chalo mana lum. Odongo, kendo onenore maber ka maua.

Zaburi 37:2

Piyopiyo nono gibiro lal ka lum motwo. Ee, gibiro tho ka oboke ma ner.

Zaburi 39:6

Okadho mana ka tipo! Mwandu duto mochoko chalo muya maduono, to bende okia ng’ama nochamgi.

Zaburi 90:6

kendo dongo, mi gol maua, to bang’e ner, kendo tho godhiambo.

Eklesiastes 5:15

Waweyo pinyni gi lwetwa nono, mana kaka ne wabiroe. Kata obedo ni wasetiyo matek, mwayudo mwandu, to onge gimoro amora mwaago.

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 28:4

mi duong’ne biro rumo ka maua moner, kata ka olemo mokwongo chiek, ma ng’ato ang’ata moneno, to pono chamo ka rikni.

Isaya 49:10

Kech ok nokagi, kendo riyo ok nologi, bende chieng’ marieny makech ok nomigi olo, nimar Jal ma oherogi ema notelnigi, ka terogi modho e soko ma pi bubnie.

Mathayo 13:6

Bang’e chieng’ nowuok, mowang’o cham mapod tindogo, kendo kaka tiendgi ne ok nyal donjo matut, ne gitwo piyopiyo.

Mathayo 20:12

‘Ji manende obiro achien-gi osetiyo mana kuom sa achiel kende, to ere gima omiyo isemiyogi pok mana marom kodwa? Wan donge ema wasechandore gi tich matek odiechieng’ ngima, to chieng’ makech chamowa?’

Mathayo 6:30

To ka lum aluma mae thim, ma kawuono nitie, to kiny ipudho kendo ibolo e mach, ema Nyasaye rwako maber kamano, to koro donge doket chunye moloyo kuom rwakou? Yaye, un joma nigi yie matin-gi!

Mariko 4:6

Bang’e chieng’ nowuok, mowang’o cham mapod tindogo, kendo kaka tiendegi ne ok nyal donjo matut, ne gitwo piyopiyo.

1 Jo-Korintho 7:31

Bende joma konyore gi mwandu mag piny mondo obed ka joma ok konyrego, nikech pinyni kadho, kaachiel gi gige duto.

1 Petro 1:4

En geno mar yudo mwandu mosiko nyaka chieng’. Okanonugo e polo, kuma ok onyal kethoree kata towie.

1 Petro 5:4

Eka ka jakwath maduong’ obiro, to unuyud osimbo mar duong’ ma ok kethre, manyiso ni uselocho.