Isaya 2:3 - MUMA MALER 2015

³ ka giwacho niya, ‘Wadhiuru god Ruoth Nyasaye. Enopuonjwa yorene kendo wanaluwgi.’ Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Motingʼo Loko Manyien

³ Ogendini mangʼeny nobi kawacho niya, “Biuru wadhi e got mar Jehova Nyasaye, e od Nyasach Jakobo. Enopuonjwa wechene mondo wawuothie e yorene.” Chik nowuog Sayun, kendo wach Jehova Nyasaye nowuog koa Jerusalem.

Isaya 2:3 Iomraidhean Croise

Zaburi 102:23

Ruoth Nyasaye nomiyo abedo mayomno kapod atin, kendo osemiyo ngimana ong’adore machiek.

Zaburi 110:2

Ruoth Nyasaye biro miyo lochni yarore chakre Sayun, kowacho niya, “Bed gi loch kuom wasiki.”

Zaburi 119:171

Pile anapaki, nikech ipuonja chikeni.

Zaburi 122:1

Ne abedo mamor kane ji owachona niya, “Wadhiuru e od Ruoth Nyasaye.”

Zaburi 48:1

Ruoth Nyasachwa duong’! Omiyo nyaka apake ahinya e dalane manie wi gode maler.

Isaya 1:26

Bang’e anamiu jong’ad bura mabeyo, kod jobura mariek mana kaka chon. Bang’ mano dalau nochak oluongi ni, ‘Dala ma adiera nitie’, kendo ni, ‘Dala moluoro Nyasaye.’

Isaya 11:10

E ndalogo, nyakwar Jesseno noketi ka ranyisi ni ji. Ogendini nobi ire, kendo dalane nobed gi duong.

Isaya 19:23

E kindego ndara maduong’ nobedie moa Misri kadhi Asuria. Jo-Asuria nobi Misri, kendo jo-Misri bende nodhi Asuria. Kamano jo-Misri gi jo-Asuria nolam Nyasaye kaachiel.

Isaya 28:9

Giwacho niya, “Koro ere ng’ama Janabi paro ni biro puonjo? Koso ere joma biro winjo tiend gima opuonjo? Mit koparo ni wan nyithindo ma tinde eka oweyo dhoth?

Isaya 44:5

Ng’at moro nowach niya, ‘An ng’at Ruoth Nyasaye.’ To machielo nowach ni en nyakwar Jakobo. Ng’at moro to nondik nying Ruoth Nyasaye e lwete, kendo noluongre gi nying Israel.”

Isaya 56:5

noyud gima ber moloyo yudo nyithindo. Giniyud rapar e oda kendo e ohingana. Adier, abiro miyogi nying’ mosiko, ma ok rum nyaka chieng’.

Isaya 56:7

Awachonigi ni anakelgi e goda maler, mi ami gibed mamor e oda mar lemo, kendo nayie gi gik ma giwacho e kendona-mar-misango, kaachiel gi misengni ma gitimona, nikech noluong oda ni, Od Lemo mar ogendini duto.”

Isaya 60:3

Ogendini gi ruodhigi nobi e lerni mathinyore.

Isaya 65:11

“To un mane ujwang’a, an Ruoth Nyasaye, mi wiu owil gi goda maler, kendo uloso sewni ni nyiseche manono miluongo ni Gad gi Meni, kutimonigi misengni miolo piny,

Isaya 66:20

Jou ma gigolo kuom ogendini duto ginikelna kaka chiwo, an Ruoth Nyasaye. Ginikelgi Jerusalem, goda maler, ka moko oidho farese, to moko oidho geche mag lweny gi geche mamoko kendo moko bende oidho kenje kod ngamia, mana kaka jo-Israel kelo misengni e od Ruoth Nyasaye, ka giting’o e tewni maler. An Ruoth Nyasaye ema awacho kamano.

Jeremia 12:16

Chon ogendinigo ne kuong’ore gi nying Baal, kendo ne gipuonjo joga mondo otim kamano. To ka koro ginyalo yie luwo dini mar joga gi chunygi duto, mi gikuong’re gi nyinga, to gin bende ginibed joga.

Jeremia 26:18

“E ndalo loch Hezekia ruodh Juda, Mika janabi ma ja-Meresheth nonyiso jo-Juda duto ni Ruoth Nyasaye Manyalo Gik Moko Duto owacho kama: ‘Sayun ibiro pur oko ka puodho. Jerusalem biro lokore pidhe mag lwendni, kendo got mogerie Hekalu nolokre bungu.’

Jeremia 31:6

Adier, kinde biro ma jorito noluong ji gie gode mag Efraim niya, ‘Biuru wadhi Sayun ir Ruoth Nyasachwa!’

Ezekiel 40:2

Ne aneno e fweny ka Nyasaye otera e piny Israel, moketa ewi got mabor. Kuno ne anenoe udi mochokore kanyachiel e nyima, machalo dala.

Hosea 3:5

To achien jo-Israel noduog ir ruoth Nyasachgi, kendo ir Daudi ruodhgi, kendo ka ndalogo ochopo, to giniluor Ruoth Nyasachgi, mi giyud michne mabeyo.

Hosea 6:3

Weuru wabolre kendo watem bedo joma ong’eyo Ruoth Nyasaye, nimar obiro biro irwa adier, mana ka piny ma jaru pile. Bende obiro biro mondo oguedhwa, mana na koth ma miyo piny bedo mang’ich.”

Mika 4:2

Giniwach niya, “Waidhuru god Ruoth Nyasaye mondo wadhi e Hekalu mar Nyasach Israel. Enopuonjwa yorene, mi wanaluwgi.” Puonj mar Ruoth Nyasaye wuok Jerusalem. Ee, Sayun e kama owuoyoe gi joge.

Mathayo 7:24

“Mano emomiyo ng’at mowinjo wechenagi, mi orito, chalo gi ng’at mariek mane ogero ode ewi lwanda.

Luka 11:28

To Yesu nodwoko ni, “Joma winjo wach Nyasaye, kendo mako, gin johawi moloyo!”

Luka 24:47

mondo wach loko chuny olandi ni ogendini duto, chakre Jerusalem, mondo owenigi richogi e nyinge.

Johana 4:22

Un jo-Samaria ulamo gima ok ung’eyo. To wan jo-Yahudi walamo gima wang’eyo, nikech warruok oa kuom jo-Yahudi.

Johana 7:17

Ng’at moyie timo gima Nyasaye dwaro, to biro ng’eyo kata ka weche ma apuonjo oa ka Nyasaye, kata ka apuonjo mana wechena awuon.

Tich Joote 1:8

To unuyud teko ka Roho Maler obiro kuomu, kendo ununyis ji gik mung’eyo kuoma, kuchako gi Jerusalem, nyaka Judea duto, gi Samaria kod tung’ piny gi tung’ piny.”

Tich Joote 10:33

Mano omiyo ne aoroni joote mana gi sano, kendo agoyoni erokamano ahinya kuom biro. To koro waduto eri wan ka e nyim Nyasaye, kwarito wach moro amora ma Ruoth osenyisi mondo iwachi.”

Jo-Rumi 10:18

To koro apenjo niya, “Bende nyalo bet ni jo-Israel ne ok owinjo Wach?” Ooyo! Ne gisewinjo, mana kaka Muma wacho ni, “Dwond joland wach osewinji e piny duto. Adier, wechegi osetundo e tung’ piny gi tung’ piny.”

Rapar mar Chik 33:19

Dhoudi ariyogo biro luongo ogendini e got, kama gitimoe misengni makare, nimar gibiro yudo mwandu mogundho e nembe, kendo gik mabeyo mopondo e dhonam.”

Rapar mar Chik 6:1

“Koro magi e chike kod buche mane Ruoth Nyasaye ma Nyasachu ochika mondo apuonju uriti e piny mubiro donjoe kendo kawo mondo obed maru.

Jakobo 1:25

To ng’at mang’iyo chik makare mamiyo wabedo thuolo, kendo mosiko ka timo kamano, bende ma ok winj wach mi wiye wilgo to tiyo gi wachno, e ng’at ma oguedhi e gimoro amora motimo.