Hosea 9:3 - MUMA MALER 2015

³ Jo-Israel ok nodong’ e piny Ruoth Nyasaye, to ginidog Misri, kata ginidhi Asuria kuma ginichamie chiemo mamiyo gibedo mogak.

Motingʼo Loko Manyien

³ Ok ginidongʼ e piny Jehova Nyasaye; Efraim nodog Misri, kendo ginicham chiemo ma ok opwodhi e piny Asuria.

Hosea 9:3 Iomraidhean Croise

1 Ruodhi 9:7

to anagol jo-Israel e piny mane amiyogi, kendo Hekalu masewalo ni nyingani naketh, mondo olal e wang’a, mi nying Israel nolok ka ngero, kendo gima ji duto jaro.

2 Ruodhi 17:6

mokawe e higa mar ochiko mar loch Hoshea. Nomako jo-Israel, motero Asuria, kendo noketo moko mondo odag Hela but aora Habor man Gazon, to moko noketo e miech jo-Media.

Jeremia 16:18

Abiro miyo gichul nyadiriyo kuom richogi gi timbegi mamono. Gisedwanyo pinya gi nyisechegi maonge gi ngima mana ka ringre joma otho, kendo gisepong’o piny gi nyisechegi mamono gogo.”

Jeremia 2:7

Ne akelou e piny momew, mondo ucham gik monyakie kod gik mabeyo mantie. To kane udonjo e piny mane amiyouno ne udwanye, mi ukethe.

Ywagruok 5:6

Kinde moro ne wawinjore gi jo-Misri mondo omiwa chiemo, to kinde machielo bende ne wawinjore gi jo-Asuria kamano.

Ezekiel 4:13

Eka Ruoth Nyasaye nowacho niya, “Ka asekeyo jo-Israel e pinje mamoko, to mano e kaka ginicham chiemo ma chik okwero.”

Daniel 1:8

Daniel ne oparo ni ok onego obed mogak kuom chamo chiemo kendo madho divai mane ibiro miyogi kaa e od ruoth. Omiyo ne okwayo Ashpenaz ma jatelo maduong’ mondo kik ochune chamo gigo.

Hosea 11:11

Gibiro wuok Misri ka gihuyo mana ka winy, kendo gibiro wuok Asuria matek mana ka akuche, mi anachak adwokgi e miechgi. An Ruoth Nyasaye ema awacho kamano.”

Hosea 11:5

To gisedagi duogo ira, omiyo nyaka gidog Misri, kendo gibiro bedo e bwo loch jo-Asuria.

Hosea 7:11

Jo-Israel chalo gi akuru mofuwo. Giluongo jo-Misri mondo okonygi, to kendo giringo gidhi e piny Asuria.

Hosea 7:16

Gisiko ka giweya, kendo gidok ni nyiseche maonge teko. Ok nyal gen-gi, nikech gichalo gi atung’ mobam. Ibiro nego jotendgi e lweny nikech gisungore, mi jo-Misri nonyiergi.”

Hosea 8:13

Gihero timo misengni, kendo gihero chamo ring misengnigo. To an Ruoth Nyasaye ok amor kodgi, kendo abiro paro richogi mi akumgi, ka adwokogi e piny Misri.

Hosea 9:6

Ka masira obiro, mi ji oringo, jo-Misri norwakgi, to noyikgi mana Memfis! Mwandugi kod miechgi ma giseweyo to yugi kod kudho ema nopong’.

Tim jo-Lawi 20:22

“Nyaka urit chikena gi buchena duto, kendo uluwgi, mi piny ma akelou mondo udagie kik ng’ogu oko.

Tim jo-Lawi 25:23

“Ka ng’ato ong’iewo lowo kuom wadgi, to lowono ok nobed mare nyaka chieng’, nikech an e wuon lowo, to un, un mana jodakna.

Amos 7:17

To Ruoth Nyasaye wachoni kama: ‘Chiegi biro doko jachode e dala Samaria, kendo yawuoti gi nyigi noneg e lweny. Lopi nopog gipimo gi rapim, to in iwuon initho e piny moro nono, kendo jo-Israel nodar, mi ter e tuech.’ ”

Mika 2:10

Auru malo mondo udhi! Ka eri ok en kama onego uyuee. Ubiro rado gi masira.

Tich Joote 10:14

To Petro nokwer ni, “Ngang’, Ruoth! Nyaka nene pok achamo gima ok ler kata makuero.”

Rapar mar Chik 28:63

Ruoth Nyasaye nobed mamor kokethou, kendo kotiekou mana kaka nobedo mamor koguedhou kendo omiyo unya, mi nogolu gi thwon e piny ma udonjoe mondo ukau.

Rapar mar Chik 28:68

Ruoth Nyasaye nodwoku Misri gi yiedhi, kata obedo ni nosingore ni ok nudog kuno kendo. Unuhonru ni wasiku mondo ong’iewu ka wasumbni, to onge ng’ama nong’iewu.”

Rapar mar Chik 4:26

Koro aluongo polo gi piny mondo obed janeno ni, ka timbeu obedo maricho e nyim Ruoth Nyasaye ma Nyasachu kamano, mokecho kodu, to unurum piyopiyo, kendo ok nudag aming’a e piny ma koro ung’ado Jordan mondo udhi ukaw, to notieku chuth.

Joshua 23:15

Adier, Ruoth Nyasaye ma Nyasachu osetimonu gik moko duto mabeyo ma nowacho ni notimnu.