Hosea 7:5 - MUMA MALER 2015

⁵ Chieng’ mane ruoth timo sawo, ne gimiyo omadho divai gi jodonge, mi gimer kendo gilokore josunga ma jaro ji ajara.

Motingʼo Loko Manyien

⁵ E odiechiengʼ mar nyasi ruodhwa yawuot ruoth madho divai mamer, mi riw lwetgi gi jo-ajara.

Hosea 7:5 Iomraidhean Croise

Chakruok 40:20

Chieng’ mar adek nobedo chieng’ nywol Farao, mi noloso nyasi ni jotichne duto. Nogonyo jaduong jogam divai gi jaduong’ joted makati, moketogi e nyim jodonge.

1 Ruodhi 13:4

Kane ruoth Jeroboam owinjo wach mane ng’at Nyasaye okuong’ogo kendo-mar-misango man Bethel, nogolo bade e misango, mosiemo ng’atno, kowacho niya, “Makeuru!” To bede mane osiemogo ng’atno notal, mi ne ok onyal dole kendo.

Zaburi 1:1

Ng’ama ok oyie gi puonj joma richo, kendo ma ok luw timbe joricho, kata ma ok riwre gi joma ochayo Nyasaye, en jahawi.

Zaburi 69:12

Gikuodha e dala, kamoro amora ma giwuothoe kendo jomer chuogona wer ma gijarago.

Ngeche 13:20

Kibedo e kanyakla mar joma riek, eka ibedo mariek, to kimako osiep gi joma ofuwo to ihinyori.

Ngeche 20:1

Kong’o miyo ng’ato bedo jakoko maonge gi rieko. Emomiyo mer en mana fuwo.

Isaya 28:1

Yaye, inine malit, in dala Samaria manie holo momew, ma jomer mag Israel sungorego ka osimbgi. Duong’ni biro rumo mana ka maua moner, in dala ma joge lwokore gi kong’o!

Isaya 28:14

Kuom mano, chikuru itu, un josunga, ma jotend jo-Jerusalem.

Daniel 5:23

Kar timo kamano to isepiem gi Ruodh Polo kuom kelo kikombe gi tewni mane osegol e Hekalu mare, mi umethoe. Ee, in gi jodongi kaachiel gi mondi mamoko ne umadho divai gi gigo, kupako nyiseche molos gi dhahabu gi fedha gi mula gi nyinyo gi bao kod kidi. Gin nyiseche ma ok nyal neno, kata winjo wach, kata ng’eyo gimoro. To ne ok iluoro Nyasaye morito ngimani kaachiel gi gik moko duto mitimo.

Hosea 7:3

Ruoth Nyasaye wacho niya, “Ji wuondo ruoth gi jodonge kuom yoregi maricho.

Mathayo 14:6

To kane sawo mar paro chieng’ nywol Herode ochopo, nyar Herodia nomiel mamit e nyim welo, mi olombo Herode ahinya.

Mariko 6:21

To achien, kane Herode otimo nyasi maduong’ ni ruodhi gi jodonge kod jotelo mag Galili, mondo opargo chieng’ nywolne, Herodia noyudo thuolo mar timo gima ne odwaro.

Jo-Efeso 5:18

Weuru mer, nono to ubiro ketho ngimau chuth. Kar timo kamano, to Roho ema mondo opong’u.